Vijay Devarakonda | విజ‌య్ దేవ‌ర‌కొండ స‌ర‌స‌న బాలీవుడ్ భామ‌..!

Vijay Devarakonda | త్రినేత్ర‌.న్యూస్ : టాలీవుడ్ హీరో విజ‌య్ దేవ‌రకొండ సినిమా షూటింగ్‌ల్లో బిజీగా ఉన్నారు. ప్ర‌స్తుతం విజ‌య్ ర‌ణ‌బాలి, రౌడీ జ‌నార్ధ‌న సినిమాలు చేస్తున్నారు. ర‌వి కిర‌ణ్ కోలా ద‌ర్శ‌క‌త్వంలో తెరకెక్కుతున్న రౌడీ జ‌నార్ధ‌న్ సినిమాలో ఓ ఐట‌మ్ సాంగ్ కోసం మేక‌ర్స్ ప్లాన్ చేస్తున్నారు. అయితే ఈ స్పెష‌ల్ సాంగ్ కోసం మేక‌ర్స్ హీరోయిన్ వేట‌లో ప‌డ్డారు. బాలీవుడ్ భామ‌, లైగ‌ర్ బ్యూటీ అన‌న్య పాండే.. విజ‌య్ సర‌స‌న స్పెష‌ల్ సాంగ్‌లో కనిపించ‌నున్న‌ట్లు సినిమా ఇండ‌స్ట్రీలో జోరుగా చ‌ర్చ జ‌రుగుతోంది.

అయితే రౌడీ జ‌నార్ధ‌న మూవీలోని ఈ ప్ర‌త్యేక సాంగ్.. సినిమాకే హైలెట్‌గా నిలుస్తుంద‌ని టాక్. విజ‌య్ యాక్ష‌న్ సీన్స్ కూడా సినిమాకు హైలెట్‌గా ఉండ‌నున్నాయని తెలుస్తోంది. ఈ మూవీకి నిర్మాత దిల్ రాజు కాగా, రాజ‌శేఖ‌ర్ కూడా న‌టిస్తున్నారు. ఈ చిత్రంలో విజయ్‌కు జోడీగా కీర్తి సురేశ్‌ నటించనుంది.