త్రినేత్ర News Logo
DIGITAL-NEWS

Tollywood | విడుద‌ల రోజే పైర‌సీ బారిన ప‌డిన దుల్క‌ర్ స‌ల్మాన్ కొత్త సినిమా – కేసు న‌మోదు

విడుద‌ల రోజు దుల్క‌ర్ స‌ల్మాన్ కొత్త సినిమా ఆకాశంలో ఒక తార పైర‌సీ బారిన ప‌డింది. ఈ పైర‌సీపై తెలుగు ఫిల్మ్ ఛాంబ‌ర్ ఫిర్యాదుతో పోలీసులు కేసు న‌మోదు చేశారు. క‌ర్నూల్‌లోని సిటీ స్క్వేర్ మాల్ థియేట‌ర్‌లో అక్ర‌మంగా కెమెరాలో సినిమాను షూట్ చేసిన‌ట్లు పోలీసులు గుర్తించారు.

N

Entertainment | Published On Nov 21, 2026, 2.22 pm IST

Tollywood | విడుద‌ల రోజే పైర‌సీ బారిన ప‌డిన దుల్క‌ర్ స‌ల్మాన్ కొత్త సినిమా  – కేసు న‌మోదు
Advertisement

Tollywood | దుల్క‌ర్ స‌ల్మాన్ హీరోగా న‌టించిన తెలుగు మూవీ ఆకాశంలో ఒక తార‌కు పెద్ద షాక్ త‌గిలింది. రిలీజైన కొద్ది గంట్ల‌లోనే ఈ సినిమా పైర‌సీ బారిన ప‌డింది. ఈ పైర‌సీపై పోలీసులు కేసు న‌మోదు చేశారు. దుల్క‌ర్ స‌ల్మాన్‌, సాత్విక వీర‌వ‌ల్లి జంట‌గా న‌టించిన ఆకాశంలో ఒక తార శుక్ర‌వారం ప్రేక్ష‌కుల ముందుకొచ్చింది. ప‌వ‌న్ సాదినేని ద‌ర్వ‌క‌త్వం వ‌హించిన ఈ సినిమాను గీతా ఆర్ట్స్‌, స్వ‌ప్న సినిమాస్ సంస్థ‌లు నిర్మించాయి. ఆస్ట్రోనాట్ కావాల‌నే భార్య క‌ల‌ను ఓ భ‌ర్త ఎలా నెర‌వేర్చాడ‌నే కాన్సెప్ట్‌తో ఈ మూవీ తెర‌కెక్కింది. తొలిరోజే ఈ సినిమాకు పాజిటివ్ టాక్ వ‌చ్చింది.

పైర‌సీ...

ఆకాశంలో ఒక తార రిలీజై కొద్ది గంట‌లు కూడా గ‌డ‌వ‌క ముందే ఈ సినిమా ఆన్‌లైన్‌లో ప్ర‌త్య‌క్ష‌మైంది. ఓ వైబ్‌సెట్‌లో సినిమా మొత్తాన్ని అప్‌లోడ్ చేశారు. ఈ పైర‌సీపై తెలుగు ఫిల్మ్ ఛాంబ‌ర్‌తో క‌లిసి నిర్మాత‌లు పోలీసుల‌కు ఫిర్యాదు చేశారు. కర్నూల్‌లోని సిటీ స్క్వేర్ మాల్ థియేట‌ర్‌లో ర‌హ‌స్యంగా ఈ సినిమాను కెమెరాలో షూట్ చేసిన‌ట్లు పోలీసుల విచార‌ణ‌లో తేలింది. ఆకాశంలో ఒక తార‌తో పాటు ర‌ణ‌బాలి, క‌ల్ట్‌, ఆద‌ర్శ కుటుంబం సినిమాల‌ను కూడా పైర‌సీ చేసిన‌ట్లు గుర్తించారు. థియేట‌ర్‌లో రికార్డ్ చేసిన సినిమాల‌ను go2.india4moviee.click అనె వెబ్‌సైట్‌లో అప్‌లోడ్ చేస్తున్న‌ట్లు క‌నిపెట్టారు. ఈ సైట్ నుంచి పైర‌సీ చేసిన కొత్త సినిమాల‌ను తొల‌గించారు.

టాలీవుడ్ వ‌ర్గాల ఆందోళ‌న‌....

ఆకాశంలో ఒక తార సినిమాను అక్ర‌మంగా థియేట‌ర్‌లో రికార్డ్ చేసిన వారి వివ‌రాల‌తో పాటు పైర‌సీ వెనుక ఎవ‌రున్నార‌నే కోణంలో పోలీసులు ఇన్వేస్టిగేష‌న్‌ను కొన‌సాగిస్తోన్న‌ట్లు స‌మాచారం. విడుద‌ల రోజేకొత్త సినిమాలు పైర‌సీ బారిన ప‌డ‌టంపై టాలీవుడ్ వ‌ర్గాలు ఆందోళ‌న వ్య‌క్తం చేస్తున్నాయి.

 

Advertisement
Advertisement