Baahubali: The Epic: ఓటీటీలోకి ‘బాహుబలి: ది ఎపిక్‌’.. స్ట్రీమింగ్ ఎందులో అంటే?

Baahubali: The Epic OTT: డార్లింగ్‌ ప్ర‌భాస్‌ను పాన్ ఇండియా హీరోగా మార్చిన సినిమా, తెలుగు సినిమా రికార్డుల‌ను తిర‌గ‌రాసిన మూవీ, ద‌ర్శ‌క‌ధీరుడు రాజ‌మౌళి (SS Rajamouli) తెర‌కెక్కించిన ‘బాహుబలి’ సిరీస్‌. ఆ రెండు భాగాల‌ను క‌లిపి ఒక్క‌టిగా చేసి ‘బాహుబలి: ది ఎపిక్‌’ (Baahubali: The Epic) పేరుతో ఇటీవ‌ల ప్రేక్ష‌కుల ముందుకు తీసుకొచ్చిన విష‌యం తెలిసిందే. రెండు భాగాల్లో సుమారు 90 నిమిషాల‌కు పైగా స‌నివేశాల‌ను తొల‌గించి దీనిని రూపొందించి థియేట‌ర్ల‌లో అక్టోబర్‌ 31న రిలీజ్ చేశారు.

ప‌దేండ్ల త‌ర్వాత కూడా ప్రేక్ష‌కుల్లో బాహుబ‌లి సినిమాల‌కు ఉన్న క్రేజ్ ఏమాత్రం త‌గ్గ‌లేద‌ని నిరూపిస్తూ ఈ సినిమా మంచి వ‌సూళ్ల‌ను రాబ‌ట్టింది. థియేట‌ర్‌లో రిలీజ్ అయిన 55 రోజుల త‌ర్వాత ఇప్పుడీ చిత్రం ఓటీటీ (OTT) ల‌వ‌ర్స్‌ను ప‌ల‌క‌రించ‌డానికి రెడీ అయింది. క్రిస్ట‌మ‌స్‌ను పుర‌స్క‌రించుకుని డిసెంబ‌ర్ 25 నుంచి ప్ర‌ముఖ ఓటీటీ ప్లాట్‌ఫామ్‌ నెట్‌ఫ్లిక్స్ (Netflix) వేదిక‌గా స్ట్రీమింగ్ కానుంది.

మొద‌టి రెండు భాగాల్లోని అవంతిక లవ్‌స్టోరీ, పచ్చ బొట్టేసిన పాట, ఇరుక్కుపో, కన్నా నిదురించరా పాట‌ల‌ను, యుద్ధానికి సంబంధించిన కొన్ని సన్నివేశాలను తొలగించి 3 గంట‌ల 43 నిమిషాల నిడివితో ‘ఎపిక్‌’ను రూపొందించారు. అయితే ఇప్పుడు ఓటీటీలో వీటిని యాడ్‌ చేస్తారేమో చూడాలి. సో రెడీ టూ వాచ్‌..