Mouni Roy | విడాకుల దిశ‌గా యంగ్‌ హీరోయిన్ – భ‌ర్త‌ను అన్‌ఫాలో చేసిన విశ్వంభ‌ర బ్యూటీ

Mouni Roy |  బాలీవుడ్‌తో పాటు ద‌క్షిణాదిలో సినిమాల కంటే స్పెష‌ల్ సాంగ్స్‌తోనే ఎక్కువ‌గా ఫేమ‌స్ అయ్యింది మౌనీరాయ్‌. కేజీఎఫ్ 2, ర‌న్‌, ల‌వ్ సెక్స్ ఔర్ దోఖా 2తో పాటు ప‌లు సినిమాల్లోని ప్ర‌త్యేక గీతాల్లో త‌న గ్లామ‌ర్ మెరుపుల‌తో ఆక‌ట్టుకుంది. టీవీ సీరియ‌ల్ యాక్ట‌ర్‌గా మౌనీరాయ్ కెరీర్ మొద‌లైంది. ఒకానొక ద‌శ‌లో ఇండియాలోనే అత్య‌ధిక రెమ్యూన‌రేష‌న్ అందుకున్న‌ టీవీ యాక్ట‌ర్‌గా నిలిచింది.

విడాకుల‌తో  వార్త‌ల్లో  ...

తాజాగా మౌనీరాయ్ వార్త‌ల్లో నిలిచింది. అయితే సినిమాల‌తో కాదు..భ‌ర్త సూర‌జ్ నంబియార్ నుంచి ఈ బ్యూటీ విడాకులు తీసుకోబోతున్న‌ట్లు జోరుగా ప్ర‌చారం జ‌రుగుతోంది. వీరిద్ద‌రి మ‌ధ్య మ‌న‌స్ప‌ర్థ‌లు మొద‌లైన‌ట్లు, విడిపోనున్న‌ట్లు చాలా కాలంగా పుకార్లు వినిపిస్తున్నాయి.ఈ రూమ‌ర్ల న‌డుమ భ‌ర్త‌తో క‌లిసి దిగిన‌ ఫొటోల‌న్నింటిని సోష‌ల్ మీడియా నుంచి మౌనీరాయ్ డిలేట్ చేసింది. అంతే కాకుండా సూర‌జ్‌ను అన్‌ఫాలో కూడా చేసింది. సెలిబ్రిటీలు విడాకులు తీసుకొనే ముందు సోష‌ల్ మీడియాలో ఒక‌రినొక‌రు అన్‌ఫాలో చేసుకోవ‌డం కామ‌న్. చాలా జంట‌లు ఇలాగే చేశాయి. ఇప్ప‌డు మౌనీరాయ్ కూడా భ‌ర్త‌ను అన్‌ఫాలో చేయ‌డంతో విడాకులు తీసుకోవ‌డం క‌న్ఫామ్ అని నెటిజ‌న్లు పేర్కొంటున్నారు. ఈ విడాకుల రూమ‌ర్ల‌పై మాత్రం మౌనీరాయ్ రియాక్ట్ కాలేదు.

గోవాలో పెళ్లి...

సూర‌జ్ నంబియార్ మ‌ల‌యాళీ. కానీ దుబాయ్‌లో సెటిల‌య్యారు. వ్యాపార‌వేత్త అయిన సూర‌జ్‌తో మౌనీరాయ్‌కి ఏర్ప‌డిన ప‌రిచ‌యం ప్రేమ‌గా మారింది. 2022లో మ‌ల‌యాళీ, బెంగాళీ ప‌ద్ద‌తుల్లో పెళ్లిచేసుకున్నారు. పెళ్లికి ముందు మూడేళ్లు ప్రేమ‌లో ఉన్నారు. వివాహం జ‌రిగిన నాలుగేళ్ల‌కే విడాకులు తీసుకోవాల‌ని నిర్ణ‌యించుకోవ‌డం ఆస‌క్తిక‌రంగా మారింది. సూర‌జ్ కూడా పెళ్లి ఫొటోల‌ను డిలీట్ చేశాడాని టాక్‌.

చిరంజీవి విశ్వంభ‌ర‌లో...

త్వ‌ర‌లోనే మౌనీరాయ్ టాలీవుడ్‌లోకి ఎంట్రీ ఇవ్వ‌బోతుంది. చిరంజీవి విశ్వంభ‌ర‌లో స్పెష‌ల్ సాంగ్ చేసింది. సోషియో ఫాంట‌సీగా తెర‌కెక్కిన ఈ మూవీ ఆగ‌స్ట్‌లో రిలీజ్ కానున్న‌ట్లు ప్ర‌చారం జ‌రుగుతోంది. సోషియో ఫాంట‌సీగా రూపొందిన విశ్వంభ‌ర మూవీకి వ‌శిష్ట మ‌ల్లిడి ద‌ర్శ‌క‌త్వం వ‌హించారు.