OTT | డైరెక్ట్‌గా ఓటీటీలో రిలీజైన‌ మౌనీరాయ్ బాలీవుడ్ బోల్డ్ మూవీ – రెడ్‌లైట్ ఏరియా క‌థ‌ల‌తో…

OTT | మౌనీరాయ్ హీరోయిన్‌గా న‌టించిన బాలీవుడ్ బోల్డ్ మూవీ బాంబే స్టోరీస్ థియేట‌ర్ల‌ను స్కిప్ చేస్తూ నేరుగా ఓటీటీలో రిలీజైంది. సెక్స్ వ‌ర్క‌ర్ల జీవితాల నేప‌థ్యంలో ర‌హ‌త్ షా క‌జ్మీ ద‌ర్శ‌క‌త్వం వ‌హిస్తూ ఈ సినిమాను నిర్మించారు. బాంబే స్టోరీస్ సినిమాలో మౌనీరాయ్‌తో పాటు అనుప్రియ గోయెంక‌, మోనిక అగ‌ర్వాల్‌, గార్గి దుగ్గ‌ల్ కీల‌క పాత్ర‌ల్లో న‌టించారు. కేన్స్‌తో పాటు ప‌లు ఇంట‌ర్నేష‌న‌ల్ ఫిల్మ్ ఫెస్టివ‌ల్స్‌లో ఈ మూవీ స్క్రీనింగ్ అయ్యింది.

స‌డెన్‌గా ఓటీటీలోకి...

సోమ‌వారం స‌డెన్‌గా ఈ మూవీ ఓటీటీలోకి వ‌చ్చింది. జియో హాట్‌స్టార్‌లో స్ట్రీమింగ్ అవుతోంది. ముంబైలోని రెడ్ ఏరియాలోని న‌లుగురు వేశ్య‌ల జీవితాల చుట్టూ సాగే క‌థ‌తో ద‌ర్శ‌కుడు ఈ సినిమాను తెర‌కెక్కించారు. దిగ్గ‌జ ర‌చ‌యిత సాద‌త్ మంటో రాసిన క‌థ‌ల స్ఫూర్తితో ఈ మూవీ రూపొందింది.

నాగిన్ సీరియ‌ల్‌తో...

ఈ ఏడాది మే నెల‌లో భ‌ర్త సూర‌జ్ నంబియార్ నుంచి విడాకులు తీసుకుంది మౌనీరాయ్‌. నాలుగేళ్ల బంధానికి ముగింపు ప‌లికింది. నాగిన్ సీరియ‌ల్‌తో ఫేమ‌స్ అయ్యింది మౌనీరాయ్‌. సీరియ‌ల్స్ ద్వారా వ‌చ్చిన గుర్తింపుతో సినిమాల్లోకి అడుగుపెట్టింది. బాలీవుడ్‌లో స్పెష‌ల్ సాంగ్స్‌తో ఫేమ‌స్ అయ్యింది. చిరంజీవి విశ్వంభ‌ర‌తో టాలీవుడ్‌లోకి ఎంట్రీ ఇస్తోంది. ఈ సినిమాలో ప్ర‌త్యేక గీతంలో క‌నిపించింది.