Mohan Lal | ఓటీటీలో పెద్ద హిట్ – థియేట‌ర్ల‌లో ఎపిక్ డిజాస్ట‌ర్ – మోహ‌న్‌లాల్ మూవీకి షాకింగ్ క‌లెక్ష‌న్స్‌

Mohan Lal | దృశ్యం 3 రిలీజ్ ముంగిట మ‌ల‌యాళ అగ్ర హీరో మోహ‌న్‌లాల్‌కు పెద్ద షాక్ త‌గిలింది. దృశ్యం 3 సినిమాపై హైప్‌ను పెంచేందుకు మేక‌ర్స్ ఇటీవ‌లే దృశ్యం 2 సినిమాను థియేట‌ర్ల‌లో రీ రిలీజ్ చేశారు. ఏప్రిల్ 10న మ‌ల‌యాళ వెర్ష‌న్ ప్రేక్ష‌కుల ముందుకొచ్చింది. రీ రిలీజ్ కోసం నిర్మాత‌లు భారీగానే ప్ర‌మోష‌న్స్ చేశారు. కానీ దృశ్యం 2 ఎపిక్ డిజాస్ట‌ర్‌గా నిలిచింది. ఈ రీ రిలీజ్ కోసం మేక‌ర్స్ పెట్టిన ఖ‌ర్చులు కూడా రాబ‌ట్ట‌లేక‌పోయింది. కేవ‌లం ఐదు ల‌క్ష‌ల క‌లెక్ష‌న్స్‌తో దారుణంగా నిరాశ‌ప‌ర‌చ‌డం మ‌ల‌యాళ ఇండ‌స్ట్రీ వ‌ర్గాల్లో ఆస‌క్తిక‌రంగా మారింది. మోహ‌న్‌లాల్ క్రేజ్‌తో పాటు దృశ్యం ఫ్రాంచైజ్‌పై ఉన్న బ‌జ్ ఈ రీ రిలీజ్‌కు ఏ మాత్రం క‌లిసిరాలేదు.

ఓటీటీలో...

దృశ్యం 2 సినిమా థియేట‌ర్ల‌లో విడుద‌ల కావ‌డం ఇదే ఫ‌స్ట్ టైమ్‌. లాక్‌డౌన్ కార‌ణంగా మోహ‌న్‌లాల్ హీరోగా న‌టించిన ఈ మ‌ర్డ‌ర్ మిస్ట‌రీ మూవీ నేరుగా అమెజాన్ ప్రైమ్ ఓటీటీలో విడుద‌లైంది. ఓటీటీలో ట్రెండ్ సెట్ట‌ర్‌గా నిలిచింది. అమెజాన్ ప్రైమ్‌లో హ‌య్యెస్ట్ వ్యూస్ సొంతం చేసుకున్న మ‌ల‌యాళ సినిమాల్లో ఒక‌టిగా రికార్డ్ క్రియేట్ చేసింది.

రికార్డులు అనుకుంటే...

ఓటీటీలో బ్లాక్‌బ‌స్ట‌ర్‌గా నిలిచిన ఈ సినిమా మొద‌టిసారి థియేట‌ర్ల‌లో రిలీజ్ కానుండ‌టంతో క‌లెక్ష‌న్స్ భారీగానే వ‌స్తాయ‌ని మేక‌ర్స్ అంచ‌నా వేశారు. దృశ్యం 3 సినిమాపై ఉన్న హైప్ కూడా ఈ సినిమాకు క‌లిసివ‌స్తుంద‌ని అనుకున్నారు. కానీ వారు ఒక‌టి ఊహిస్తే రిజ‌ల్ట్ మాత్రం మ‌రోలా వ‌చ్చింది. ఐదు ల‌క్ష‌ల వ‌సూళ్ల‌తో భారీగా న‌ష్టాల‌ను మిగిల్చింది.

జార్జ్ కుట్టి పోరాటం...

దృశ్యం, దృశ్యం 2 సినిమాల‌కు కొన‌సాగింపుగా దృశ్యం 3 రాబోతుంది. జీతూ జోసెఫ్ ద‌ర్శ‌క‌త్వం వ‌హిస్తున్న ఈ థ్రిల్ల‌ర్ మూవీ మే 21న రిలీజ్అవుతోంది. ఐజీ గీతా ప్ర‌భాక‌ర్ నుంచి జార్జ్ కుట్టి తో పాటు అత‌డి కుటుంబానికి మ‌రో ఆప‌ద వ‌స్తుంది? అదేమిటి? మ‌రోసారి త‌న తెలివితేట‌ల‌తో జార్జ్ కుట్టి గీతా ప్ర‌భాక‌ర్‌ను ఎలా దెబ్బ‌కొట్టానే పాయింట్‌తో దృశ్యం 3 రూపొందుతోంది. దృశ్యం 3 మూవీలో మీనా, ఆశా శ‌ర‌త్‌, ఎస్తేర్ అనిల్‌, అనిస్బా హ‌స‌న్ కీల‌క పాత్ర‌ల్లో న‌టిస్తున్నారు.