Mega Victory Song | సంక్రాంతి అదిరిపోద్ది – స్టెప్పుల‌తో ఇర‌గ‌దీసిన‌ చిరు, వెంకీ – మెగా విక్ట‌రీ సాంగ్ రిలీజ్‌

Mega Victory Song | టాలీవుడ్‌లో అగ్ర హీరోలుగా కొన‌సాగుతున్న చిరంజీవి, వెంక‌టేష్‌ల‌ను ఒకే ఫ్రేమ్‌లో చూడాల‌న్న‌ది అభిమానులు చిర‌కాల క‌ల‌. మ‌న శంక‌ర వ‌ర‌ప్ర‌సాద్ గారుతో మెగా, విక్ట‌రీ ఫ్యాన్స్ క‌ల‌ను నిజం చేయ‌బోతున్నారు డైరెక్ట‌ర్ అనిల్ రావిపూడి. చిరంజీవి హీరోగా న‌టిస్తోన్న ఈ మూవీలో వెంక‌టేష్ ఓ కీల‌క పాత్ర‌లో న‌టిస్తున్నారు. సంక్రాంతి కానుక‌గా జ‌న‌వ‌రి 12న ఈ సినిమా ప్రేక్ష‌కుల ముందుకు రాబోతుంది. తాజాగా సంక్రాంతి సంబ‌రాల‌ను ఓ ఇర‌వై రోజుల ముందుగానే అందించారు మేక‌ర్స్‌. మ‌న శంక‌ర వ‌ర‌ప్ర‌సాద్ గారు నుంచి మెగా విక్ట‌రీ సాంగ్‌ను మంగ‌ళ‌వారం రిలీజ్ చేశారు. చిరంజీవి, వెంక‌టేష్ ఇమేజ్‌కు త‌గ్గ‌ట్టుగా మెగా విక్ట‌రీ సాంగ్ లిరిక్స్ సాగాయి. ఈ పాట‌లో ఇద్ద‌రు హీరోలు మాస్ స్టెప్పుల‌తో అద‌ర‌గొట్టారు. పోటీప‌డి డ్యాన్స్ చేశారు. మెగా విక్ట‌రీ సాంగ్‌కు కాస‌ర్ల శ్యామ్ సాహిత్యం అందించారు. న‌కాష్ అజీజ్, విశాల్ ద‌ద్లానీ ఈ పాట‌ను ఆల‌పించారు. భీమ్స్ మ్యూజిక్ ఆల‌పించారు. "నువ్వు నేనే వేరే లెవెల్‌.... ఇద్దరి కాంబో పీక్స్ లెవెల్....ఏంటి బాసు సంగ‌తి అదిరిపొద్ది సంక్రాంతి...ఏంటి వెంకీ సంగ‌తి ఇర‌గ‌దీద్దాం సంక్రాంతి" అంటూ సాగిన లిరిక్స్ అభిమానుల్లో జోష్‌ను నింపుతున్నాయి. మెగా విక్ట‌రీ సాంగ్ యూట్యూబ్‌లో వైర‌ల్ అవుతోంది.

బెస్ట్ లుక్‌...

ఈ సాంగ్ లాంఛ్ ఈవెంట్‌లో అనిల్ రావిపూడి పాల్గొన్నారు."ఫ్యామిలీ ఎంట‌ర్‌టైన‌ర్‌గా మ‌న శంక‌ర వ‌ర ప్ర‌సాద్ గారు మూవీని తెర‌కెక్కించ‌బోతున్న‌ట్లు ప్ర‌క‌టించారు. ఈ సినిమా కోసం చిరంజీవి బ‌రువు త‌గ్గి స్లిమ్‌గా మారారు. ఆయ‌న బెస్ట్ లుక్‌ను ఇందులో చూస్తారు. ఈ సంక్రాంతి మెమోర‌బుల్‌గా ఉంటుంది. చిరంజీవి, వెంక‌టేష్ స్టెప్పులు, యాక్టింగ్, చాలా రోజులు గుర్తుండిపోతాయి" సాంగ్ లాంఛ్ వేడుక‌లో అనిల్ రావిపూడి చెప్పారు.

మ‌న శంక‌ర వ‌ర‌ప్ర‌సాద్‌గారులో వెంక‌టేష్ ది ఫుల్ లెంగ్త్ రోల్ కాదు. సెకండాఫ్‌లో ఇర‌వై నిమిషాల పాటు ఆయ‌న క్యారెక్ట‌ర్ అభిమానుల‌కు క‌నిపించ‌బోతున్న‌ట్లు స‌మాచారం. ఇటీవ‌లే ఈ సినిమా నుంచి మీసాల పిల్లాతో పాటు శ‌శిరేఖ పాట‌లు రిలీజ్ చేశారు. త్వ‌ర‌లోనే గ్రాండ్ ప్రీ రిలీజ్ ఈవెంట్‌ను మేక‌ర్స్ ప్లాన్ చేసిన‌ట్లు స‌మాచారం.
మ‌న శంక‌ర వ‌ర‌ప్ర‌సాద్‌గారులో న‌య‌న‌తార హీరోయిన్‌గా న‌టిస్తోంది. కేథ‌రిన్ కీల‌క పాత్ర పోషిస్తుంది. ఈ సినిమాను సాహు గార‌పాటితో క‌లిసి చిరంజీవి కూతురు సుస్మిత కొణిదెల ప్రొడ్యూస్ చేస్తుంది.