Sai Dharam Tej | వేముల‌వాడ‌లో మెగా హీరో సాయి ధ‌ర‌మ్‌ తేజ్…భీమేశ్వ‌ర ఆల‌యంలో ప్ర‌త్యేక పూజ‌లు

Sai Dharam Tej |  మెగా హీరో సాయిధ‌ర‌మ్‌తేజ్ వేముల‌వాడలో సంద‌డి చేశారు. శుక్ర‌వారం వేముల‌వాడ వ‌చ్చిన సాయిధ‌ర‌మ్‌తేజ్ రాజ‌రాజేశ్వ‌ర స్వామిని ద‌ర్శించుకున్నారు. మెగా హీరోకు ఆల‌య సిబ్బంది స్వాగ‌తం ప‌లికారు. సంప్ర‌దాయ దుస్తుల్లో కోడె మొక్కును చెల్లించుకున్నారు. ఆ త‌ర్వాత భీమేశ్వ‌ర ఆల‌యంలో సాయిధ‌ర‌మ్‌తేజ్‌ ప్ర‌త్యేక పూజ‌లు నిర్వ‌హించారు. రాజ‌రాజేశ్వ‌ర స్వామిని ద‌ర్శించుకోవ‌డం ఎంతో ఆనందంగా ఉంద‌ని సాయిధ‌ర‌మ్‌తేజ్ అన్నారు. ఆ త‌ర్వాత వేముల‌వాడ నుంచి కొండ‌గ‌ట్టు బ‌య‌లుదేరారు సాయిధ‌ర‌మ్‌తేజ్‌.

సంబ‌రాల ఏటిగ‌ట్టు...

ప్ర‌స్తుతం సాయిధ‌ర‌మ్‌తేజ్ సంబ‌రాల ఏటిగ‌ట్టు పేరుతో ఓ యాక్ష‌న్ మూవీ చేస్తున్నారు. దాదాపు వంద కోట్ల బ‌డ్జెట్‌తో తెర‌కెక్కుతోన్న ఈ పాన్ ఇండియ‌న్ మూవీకి రోహిత్ కేపీ ద‌ర్శ‌క‌త్వం వ‌హిస్తున్నారు. ఐశ్వ‌ర్య ల‌క్ష్మి హీరోయిన్‌గా న‌టిస్తోన్న ఈ సినిమాలో శ్రీకాంత్‌, అన‌న్య నాగ‌ళ్ల కీల‌క పాత్ర‌ల్లో న‌టిస్తున్నారు. సంబ‌రాల ఏటిగ‌ట్టు షూటింగ్ తుది ద‌శ‌కు చేరుకుంది. త్వ‌ర‌లో ఈ సినిమా ప్రేక్ష‌కుల ముందుకు రాబోతుంది.
సంబ‌రాల ఏటిగ‌ట్లు త‌ర్వాత క డైరెక్ట‌ర్లు సుజీత్‌, సందీప్‌ల‌తో త‌న నెక్స్ట్ మూవీ చేయ‌నున్నాడు సాయిధ‌ర‌మ్‌తేజ్‌. ఇటీవ‌లే ఈ సినిమాను అఫీషియ‌ల్‌గా అనౌన్స్‌చేశారు.