Meenakshi Chaudhary | ల‌క్కీ భాస్క‌ర్ డైరెక్ట‌ర్‌తో మీనాక్షి చౌద‌రి తెలుగు వెబ్‌సిరీస్ – సినిమాకు మించిన బ‌డ్జెట్‌తో…

Meenakshi Chaudhary |  సంక్రాంతికి వ‌స్తున్నాం, అన‌గ‌న‌గా ఒక రాజుతో వ‌రుస‌గా రెండు బ్లాక్‌బ‌స్ట‌ర్ల‌ను అందుకుంది మీనాక్షి చౌద‌రి. వంద‌ల కోట్ల వ‌సూళ్ల‌తో ఈ రెండు సినిమాలు బాక్సాఫీస్ రికార్డుల‌ను తిర‌గ‌రాశాయి. ఈ స‌క్సెస్‌ల‌తో మీనాక్షి చౌద‌రి టాలీవుడ్‌లో ల‌క్కీ హీరోయిన్‌గా మారిపోయింది. తెలుగుతో పాటు త‌మిళంలో ఈ అమ్మ‌డికి ఆఫ‌ర్లు పెరిగాయి. స్టార్ హీరోల సినిమాల్లో అవ‌కాశాల‌ను ద‌క్కించుకుంటోంది. ప్ర‌స్తుతం మూడు సినిమాలు చేస్తూ బిజీగా ఉన్న ఈ బ్యూటీ ఓ ప్ర‌యోగానికి సిద్ధ‌మైంది. తెలుగులో ఓ వెబ్‌సిరీస్‌కు గ్రీన్‌సిగ్న‌ల్ ఇచ్చింది. సినిమాల‌కు మించిన బ‌డ్జెట్‌, స్టార్ కాస్టింగ్‌తో ఈ వెబ్‌సిరీస్ తెర‌కెక్క‌బోతుంది.

మ‌నీ హైస్ట్‌

సార్‌, ల‌క్కీ భాస్క‌ర్ సినిమాల ఫేమ్ వెంకీ అట్లూరి ఓటీటీటీలోకి ఎంట్రీ ఇస్తూ ఓ వెబ్‌సిరీస్‌ను రూపొందిస్తున్నారు. మ‌నీ హైస్ట్ త‌ర‌హాలో బ్యాంకింగ్ స్కామ్‌ల బ్యాక్‌డ్రాప్‌లో క్రైమ్ థ్రిల్ల‌ర్‌గా రూపొందుతోన్న ఈ సిరీస్‌లో డీజే టిల్లు హీరో సిద్ధు జొన్న‌ల‌గ‌డ్డ లీడ్ రోల్‌లో న‌టిస్తున్నారు. అత‌డికి జోడీగా మీనాక్షి చౌద‌రి క‌నిపించ‌బోతున్న‌ది.

తెలుగులో ఓటీటీ హిస్ట‌రీలోనే కాస్ట్‌లీయెస్ట్ వెబ్‌సిరీస్‌గా ఇది తెర‌కెక్కుతోన్న‌ట్లు స‌మాచారం. ఇర‌వై కోట్ల బ‌డ్జెట్‌తో నిర్మిస్తున్న‌ట్లు ప్ర‌చారం జ‌రుగుతోంది. ఈ వెబ్‌సిరీస్‌కు సంబంధించి కొంత షూటింగ్ కూడా కంప్లీట్ అయ్యింది. అల్యూమినియం ఫ్యాక్ట‌రీలో వేసిన సెట్‌లో ప్ర‌ధాన తారాగ‌ణంపై కొన్ని స‌న్నివేశాల‌ను షూట్ చేశారు. ఇందులో సిద్ధు జొన్న‌ల‌గ‌డ్డ‌, మీనాక్షి చౌద‌రి ఇద్ద‌రి పాత్ర‌లు నెగెటివ్ ట‌చ్‌తో సాగుతాయ‌ని స‌మాచారం.

నెట్‌ఫ్లిక్స్‌

ఈ తెలుగు వెబ్ సిరీస్ స్ట్రీమింగ్ హ‌క్కుల‌ను నెట్‌ఫ్లిక్స్ సొంతం చేసుకుంది. వ‌చ్చే ఏడాది స్ట్రీమింగ్ కానున్న‌ట్లు స‌మాచారం. ఈ సిరీస్‌ను సూర్య‌దేవ‌ర నాగ‌వంశీ నిర్మిస్తున్నారు. తెలుగులో మీనాక్షి చౌద‌రికి ఇది ఫ‌స్ట్ ఓటీటీ ప్రాజెక్ట్‌. హిందీలో అవుట్ ఆఫ్ ల‌వ్ అనే సిరీస్‌లో న‌టించింది. ఈ క్రైమ్ థ్రిల్ల‌ర్ సిరీస్‌తోనే మీనాక్షి యాక్టింగ్ జ‌ర్నీ మొద‌లైంది. ప్ర‌స్తుతం తెలుగులో నాగ‌చైత‌న్య‌తో వృష‌క‌ర్మ సినిమా చేస్తోంది మీనాక్షి చౌద‌రి. అలాగే త‌మిళంలో కార్తీతో ఓ సినిమాను అంగీక‌రించింది.