Meenakshi Chaudhary | శాండ‌ల్‌వుడ్‌లోకి మీనాక్షి – కేజీఎఫ్ హీరోతో రొమాన్స్‌

Meenakshi Chaudhary | టాలీవుడ్‌లో ల‌క్కీ ఛార్మ్‌గా కొన‌సాగుతోంది మీనాక్షి చౌద‌రి. సంక్రాంతికి వ‌స్తున్నాం, ల‌క్కీ భాస్క‌ర్ సినిమాల‌తో బిగ్గెస్ట్ హిట్స్‌ను త‌న ఖాతాలో వేసుకుంది. మీనాక్షి చౌద‌రి హీరోయిన్‌గా ఈ ఏడాది సంక్రాంతికి రిలీజైన అన‌గ‌న‌గా ఒక రాజు కూడా వంద కోట్ల వ‌సూళ్ల‌ను సాధించింది. ఈ బ్లాక్‌బ‌స్ట‌ర్స్‌తో టాలీవుడ్‌లో మీనాక్షి టాప్ హీరోయిన్ల లీగ్‌లోకి అడుగుపెట్టింది.

య‌శ్ సినిమాలో....

తెలుగు, త‌మిళ భాష‌ల్లో వ‌రుస ఆఫ‌ర్ల‌ను చేజిక్కించుకుంటున్న ఈ బ్యూటీ తాజాగా శాండ‌ల్‌వుడ్‌పై క‌న్నేసింద‌ట‌. కేజీఎఫ్ హీరో య‌శ్‌తో రొమాన్స్ చేయ‌బోతున్న‌ట్లు ప్ర‌చారం జ‌రుగుతోంది. టాక్సిక్‌తో పాటు బాలీవుడ్ మూవీ రామాయ‌ణ పార్ట్ వ‌న్ షూటింగ్‌ల‌ను య‌శ్ ఇటీవ‌లే పూర్తిచేశారు. ఈ రెండు భారీ బ‌డ్జెట్ సినిమాలు ఈ ఏడాదే థియేట‌ర్ల‌లోకి రాబోతున్నాయి.తాజాగా య‌శ్ క‌న్న‌డంలో ఓ రొమాంటిక్ యాక్ష‌న్ థ్రిల్ల‌ర్ మూవీకి ఓకే చెప్పాడ‌ని అంటున్నారు. నార్త‌న్ ద‌ర్శ‌క‌త్వం వ‌హిస్తున్న ఈ మూవీలో హీరోయిన్లుగా త్రిప్తి డిమ్రితో పాటు మీనాక్షి చౌద‌రి పేర్లు వినిపిస్తున్నాయి. క‌న్న‌డ ఎంట్రీ కోసం చాలా కాలంగా ఎదురుచూస్తోన్న మీనాక్షి ...య‌శ్ సినిమాలో ఆఫ‌ర్ కావ‌డంతో వెంట‌నే గ్రీన్‌సిగ్న‌ల్ ఇచ్చిన‌ట్లు టాక్.

ల‌వ‌ర్ బాయ్‌గా...

కేజీఎఫ్‌, టాక్సిక్ సినిమాల్లో ర‌గ్డ్‌డ్ లుక్‌లో క‌నిపించిన య‌శ్ ....నార్త‌న్ సినిమాలో మాత్రం గెట‌ప్‌ను కంప్లీట్‌గా ఛేంజ్ చేయ‌బోతున్న‌ట్లు స‌మాచారం. ల‌వ‌ర్ బాయ్‌గా క‌నిపించ‌నున్న‌ట్లు చెబుతున్నారు.త్వ‌ర‌లోనే ఈ మూవీపై అఫీషియ‌ల్ అనౌన్స్‌మెంట్ రానున్న‌ట్లు వార్త‌లొస్తున్నాయి.

రెమ్యూన‌రేష‌న్ ఎంతంటే?

వ‌రుస స‌క్సెస్ కార‌ణంగా మీనాక్షి చౌద‌రి త‌న రెమ్యూన‌రేష‌న్‌ను పెంచింద‌ని అంటున్నారు. ఈ క‌న్న‌డ మూవీ కోసం ఐదు కోట్ల వ‌ర‌కు పారితోషికం స్వీక‌రించ‌బోతున్న‌ట్లు స‌మాచారం. ల‌క్కీ భాస్క‌ర్ కంటే ముందు సినిమాకు కోటి మాత్ర‌మే తీసుకుంది. సంక్రాంతికి వ‌స్తున్నాం, అన‌గ‌న‌గా ఒక రాజు స‌క్సెస్‌ల‌తో రెమ్యూన‌రేష‌న్‌ను నాలుగింత‌లు పెంచిన‌ట్లు గుస‌గుస‌లు వినిపిస్తున్నాయి

కార్తి సినిమాలో....

మీనాక్షి చౌద‌రి హీరోయిన్‌గా న‌టించిన తెలుగు మూవీ వృష‌క‌ర్మ విడుద‌ల‌కు రెడీగా ఉంది. మిస్టిక్ థ్రిల్ల‌ర్‌గా రూపొందిన ఈ మూవీలో నాగ‌చైత‌న్య హీరోగా న‌టిస్తున్నాడు. విరూపాక్ష ఫేమ్ కార్తీక్ వ‌ర్మ ద‌ర్శ‌క‌త్వం వ‌హించాడు. కార్తితో ఓ తెలుగు, త‌మిళ బైలింగ్వ‌ల్ మూవీ కూడా చేస్తుంది మీనాక్షి చౌద‌రి.