Yellamma Movie | ఎట్ట‌కేల‌కు సెట్స్‌పైకి దేవిశ్రీ ప్ర‌సాద్ ఎల్ల‌మ్మ – హైద‌రాబాద్‌లో తెలంగాణ విలేజ్ సెట్‌

Yellamma Movie |  టాలీవుడ్ టాప్ మ్యూజిక్ డైరెక్ట‌ర్ దేవిశ్రీప్ర‌సాద్ హీరోగా న‌టిస్తున్న‌ ఎల్ల‌మ్మ మూవీ ఎట్ట‌కేల‌కు సెట్స్‌పైకి రాబోతుంది. ఈ నెల‌లోనే ఈ సినిమా రెగ్యుల‌ర్ షూటింగ్ మొద‌లుకాబోతుంది. బ‌ల‌గం త‌ర్వాత వేణు ఎల్దండి ద‌ర్శ‌క‌త్వం వ‌హిస్తున్న ఈ సినిమాను దిల్‌రాజు నిర్మిస్తున్నారు.

తెలంగాణ సంస్కృతి...

బ‌ల‌గం త‌ర‌హాలోనే తెలంగాణ సంస్కృతి, సంప్ర‌దాయాల‌తో పాటు యాస‌, భాష‌ల‌కు ప్రాముఖ్య‌త‌నిస్తూ వేణు ఎల్దండి ఈ సినిమాను తెర‌కెక్కించ‌బోతున్నారు. నిమ్మ‌కులానికి చెందిన డ‌ప్పు క‌ళాకారుడి జీవ‌న ప్ర‌యాణంలో చోటుచేసుకున్న సంఘ‌ట‌న‌ల‌తో ఎమోష‌న‌ల్ డ్రామాగా ఎల్ల‌మ్మ మూవీ ఉండ‌బోతున్న‌ట్లు స‌మాచారం. ఈ సినిమాలో అంత‌ర్లీనంగా ఓ మైథ‌లాజిక‌ల్ పాయింట్ ఉంటుంద‌ని టాక్ . దేవిశ్రీప్ర‌సాద్ హీరోగా న‌టిస్తున్న ఫ‌స్ట్ మూవీ ఇది. ఈ సినిమా కోసం దేవిశ్రీప్ర‌సాద్ స్పెషల్‌గా మేకోవ‌ర్ అవుతున్న‌ట్లు స‌మాచారం. కాగా ఎల్ల‌మ్మ మూవీ ఈ నెల‌లోనే సెట్స్‌పైకి రాబోతుంది. ఏప్రిల్ 22 నుంచి హైద‌రాబాద్‌లో ఎల్ల‌మ్మ మూవీ షూటింగ్ మొద‌లుకాబోతున్న‌ట్లు స‌మాచారం.

తెలంగాణ విలేజ్ సెట్‌...

ఈ సినిమా కోసం హైద‌రాబాద్ శివార్ల‌లో తెలంగాణ ప‌ల్లెటూరిని త‌ల‌పించేలా ఓ భారీ సెట్‌ను వేయ‌బోతున్నార‌ట‌. ఈ విలేజ్ సెట్‌లోనే చాలా వ‌ర‌కు ఎల్ల‌మ్మ షూటింగ్ జ‌రుబోతున్న‌ట్లు స‌మాచారం. కొన్ని కీల‌క స‌న్నివేశాల‌ను రియ‌లిస్టిక్ లోకేష‌న్స్‌లో షూట్ చేయ‌బోతున్నార‌ట‌. ఇందుకోసం తెలంగాణ‌లోని కొన్ని ప్రాంతాల‌ను ఫైన‌ల్ చేశార‌ట డైరెక్ట‌ర్‌.

హీరోయిన్ ఎవ‌రు?

ఎల్ల‌మ్మ మూవీలో హీరోయిన్ ఎవ‌ర‌న్న‌ది మేక‌ర్స్ ఇప్ప‌టివ‌ర‌కు రివీల్ చేయ‌లేదు. తొలుత క‌థానాయిక‌గా కీర్తి సురేష్ పేరు వినిపించింది. కానీ ఇటీవ‌ల జ‌రిగిన ఓ సినిమా ప్ర‌మోష‌న్స్‌లో తాను ఎల్ల‌మ్మ సినిమా చేయ‌డం లేద‌ని కీర్తి సురేష్ ప్ర‌క‌టించింది. కీర్తి సురేష్ ప్లేస్‌లో ఎవ‌రిని హీరోయిన్‌గా తీసుకుంటార‌న్న‌ది ఆస‌క్తిక‌రంగా మారింది.
ఎల్ల‌మ్మ మూవీలో హీరోగా న‌టిస్తూనే ఈ మూవీకి దేవిశ్రీప్ర‌సాద్ మ్యూజిక్ అందిస్తున్నాడు. ఈ ఏడాది చివ‌ర‌లో ఈ సినిమా ప్రేక్ష‌కుల ముందుకు వ‌చ్చే అవ‌కాశం ఉన్న‌ట్లు స‌మాచారం.
దేవిశ్రీప్ర‌సాద్ కంటే ముందు ఈ సినిమాలో హీరోగా నాని, నితిన్‌, బెల్లంకొండ శ్రీనివాస్‌తో పాటు మ‌రికొంద‌రి పేర్లు వినిపించాయి.