Dulquer Salmaan | తండ్రీకొడుకుల బాక్సాఫీస్ వార్ – ఒకే రోజు థియేట‌ర్ల‌లోకి మ‌మ్ముట్టి, దుల్క‌ర్ స‌ల్మాన్ సినిమాలు

Dulquer Salmaan |  తండ్రీకొడుకులు హీరోలుగా న‌టించిన సినిమాలు ఒకే రోజు థియేట‌ర్ల‌లో రిలీజ్ కావ‌డం అన్న‌ది అరుదు. మ‌ల‌యాళ అగ్ర హీరో మ‌మ్ముట్టితో బాక్సాఫీస్ వ‌ద్ద ఆయ‌న త‌న‌యుడు దుల్క‌ర్ స‌ల్మాన్ పోటీప‌డ‌బోతున్నారు. మ‌మ్ముట్టి, ధ‌నుష్ హీరోలుగా న‌టించిన త‌మిళ మూవీ ఓం, దుల్క‌ర్ స‌ల్మాన్ తెలుగు సినిమా ఆకాశంలో ఒక తార ఒకేరోజు థియేట‌ర్ల‌లోకి రాబోతున్నాయి.

ర‌జ‌నీకాంత్ జైల‌ర్ 2...

ధ‌నుష్‌, మ‌మ్ముట్టి హీరోలుగా న‌టిస్తోన్న ఓం సినిమాను తొలుత ద‌స‌రాకు థియేట‌ర్ల‌లోకి తీసుకురావాల‌ని మేక‌ర్స్ ప్లాన్ చేశారు. కానీ ద‌స‌రా బ‌రిలో ర‌జ‌నీకాంత్ జైల‌ర్ 2 నిల‌వ‌డంతో ఓం సినిమాను వాయిదాప‌డింది. నెల రోజులు ఆల‌స్యంగా న‌వంబ‌ర్ 20న ఈ త‌మిళ సినిమాను ప్రేక్ష‌కుల ముందుకు తీసుకొస్తున్న‌ట్లు నిర్మాత‌లు వెల్ల‌డించారు. ఓంసినిమాకు నేష‌న‌ల్ అవార్డ్ విన్న‌ర్ రాజ్‌కుమార్ పెరియాసామి ద‌ర్శ‌క‌త్వం వ‌హిస్తున్నారు. సాయిప‌ల్ల‌వి, శ్రీలీల హీరోయిన్లుగా న‌టిస్తోన్నారు.

ఆకాశంలో ఒక తార‌...

కాగా న‌వంబ‌ర్ 20న ఓం సినిమాకు పోటీగా దుల్క‌ర్ స‌ల్మాన్ ఆకాశంలో ఒక తార రిలీజ్ కాబోతుంది. ఎమోష‌న‌ల్ డ్రామాగా తెర‌కెక్కుతోన్న ఈ తెలుగు మూవీకి ప‌వ‌న్ సాదినేని డైరెక్టర్. సాత్విక వీర‌వ‌ల్లి హీరోయిన్‌గా న‌టిస్తోన్న ఈ సినిమాలో శృతి హాస‌న్ ఓ కీల‌క పాత్ర‌లో క‌నిపించ‌బోతుంది. ఇటీవ‌లే ఈ సినిమా రిలీజ్ డేట్‌ను మేక‌ర్స్ అనౌన్స్ చేశారు.

రెండోసారి...

తండ్రి మ‌మ్ముట్టితో త‌న‌యుడు దుల్క‌ర్ స‌ల్మాన్ బాక్సాఫీస్ వ‌ద్ద పోటీప‌డ‌టం ఇది రెండో సారి. సావిత్రి బ‌యోపిక్‌గా రూపొందిన మ‌హాన‌టిలో దుల్క‌ర్ స‌ల్మాన్ ఓ కీల‌క పాత్ర‌లో న‌టించాడు. ఈ సినిమా 2018లో రిలీజైంది. మ‌హాన‌టితో పాటు అదే రోజు మ‌ల‌యాళ మూవీ పెరోల్ థియేట‌ర్ల‌లోకి వ‌చ్చింది. మ‌హాన‌టి బ్లాక్‌బ‌స్ట‌ర్‌గా నిల‌వ‌గా... పెరోల్ డిజాస్ట‌ర్ అయ్యింది. రెండోసారి బాక్సాఫీస్ పోరులో ఎవ‌రూ విన్న‌ర్‌గా నిలుస్తార‌న్న‌ది అభిమానుల్లో ఆస‌క్తిక‌రంగా మారింది.