Mamitha Baiju | మ‌మితా బైజులో ఈ టాలెంట్ కూడా ఉందా? – హీరోయిన్‌గానే కాకుండా?

Mamitha Baiju |  ప్రేమ‌లు బ్యూటీ మ‌మితా బైజు త‌న‌లోని మ‌రో కొత్త టాలెంట్‌ను చూపించేందుకు రెడీ అయ్యింది. సింగ‌ర్‌గా అవ‌తారం ఎత్త‌బోతుంది. సూర్య హీరోగా వెంకీ అట్లూరి ద‌ర్శ‌క‌త్వంలో రూపొందుతోన్న విశ్వ‌నాథ్ అండ్ స‌న్స్ మూవీ ఆగ‌స్ట్ 14న థియేట‌ర్ల‌లోకి రాబోతుంది. తెలుగు, త‌మిళ భాష‌ల్లో బైలింగ్వ‌ల్‌గా రానున్న‌ ఈ భారీ బ‌డ్జెట్ సినిమాలో మ‌మితా బైజు హీరోయిన్‌గా న‌టిస్తోంది.

షూటింగ్ కంప్లీట్‌...

విశ్వ‌నాథ్ అండ్ స‌న్స్ షూటింగ్ పూర్త‌య్యింది. ప్ర‌స్తుతం పోస్ట్ ప్రొడ‌క్ష‌న్ ప‌నులు జ‌రుపుతున్నారు. రిలీజ్‌కు రెండు నెల‌లు ముందుగానే మేక‌ర్స్ ప్ర‌మోష‌న్స్ మొద‌లుపెట్ట‌బోతున్నారు. ఈ సినిమాలోని ఫ‌స్ట్ సింగిల్ ప్రోమోను జూన్ 17న రిలీజ్ చేస్తున్న‌ట్లు ప్ర‌క‌టించారు. ఈ పాట‌న మ‌మితా బైజు పాడిన‌ట్లు మేక‌ర్స్ హింట్ ఇచ్చారు. ఫ‌స్ట్ సింగిల్ ప్రోమో అనౌన్స్‌మెంట్ తాలుకు వీడియో వైర‌ల్ అవుతోంది. ఇందులో పాట పాడ‌టానికి త‌న స్టూడియోకు వ‌చ్చే సింగ‌ర్ కోసం మ్యూజిక్ డైరెక్ట‌ర్ జీవీ ప్ర‌కాష్ కుమార్ ఎదురుచూస్తూ క‌నిపించారు. స‌డెన్‌గా మ‌మితా బైజు రావ‌డం , వీరిద్ద‌రి మ‌ధ్య సాగిన ఫ‌న్నీ డైలాగ్స్‌తో ఈ వీడియో ఆక‌ట్టుకుంటుంది. ఇన్‌డైరెక్ట్‌గా ఈ వీడియో ద్వారా ఫ‌స్ట్ సింగిల్‌ను పాడింది మ‌మితానే చెప్ప‌క‌నే చెప్పారు మేక‌ర్స్‌. ఈ పాట‌ను మ‌మితా బైజు కేవ‌లం త‌మిళంలోనే పాడిన‌ట్లు స‌మాచారం. తెలుగులో మాత్రం మ‌రో సింగ‌ర్‌గా ఈ పాట‌ను పాడించార‌ని అంటున్నారు.

జ‌న‌నాయ‌గ‌న్ ట్రోల్స్‌...

ద‌ళ‌ప‌తి విజ‌య్ జ‌న‌నాయ‌గ‌న్ మూవీలో మ‌మితా బైజు ఓ కీల‌క పాత్ర‌లో న‌టిస్తోంది. ఈ మూవీ ఆడియో లాంఛ్ ఈవెంట్‌లో స్టేజ్‌పై మ‌మితా ఓ పాట పాడింది. ఆమె వాయిస్‌, సాంగ్ పాడిన తీరుపై దారుణంగా ట్రోల్స్ వ‌చ్చాయి. ఆ ట్రోల్స్ కు విశ్వ‌నాథ్ అండ్ స‌న్స్ ఫ‌స్ట్ సింగిల్‌తో మ‌మితా బైజు బ‌దులివ్వ‌బోతున్న‌ట్లు చెబుతోన్నారు. కాగా కాగా మూడు వంద‌ల కోట్ల బ‌డ్జెట్‌తో రూపొందుతోన్న విశ్వ‌నాథ్ అండ్ స‌న్స్ మూవీలో ర‌మ్య‌కృష్ణ‌, ర‌వీనా టాండ‌న్ కీల‌క పాత్ర‌ల్లో న‌టిస్తున్నారు.