Horror Comedy OTT | ఓటీటీలోకి వ‌చ్చిన మ‌ల‌యాళం హార‌ర్ కామెడీ మూవీ – హాస్ట‌ల్‌లోకి ద‌య్యం ఎంట‌రైతే?

Horror Comedy OTT |  ఎలాంటి అంచ‌నాలు లేకుండా చిన్న సినిమాగా థియేట‌ర్ల‌లోకి వ‌చ్చిన మ‌ల‌యాళం మూవీ క‌నిమంగ‌ళం కోవిల‌కం డీసెంట్ హిట్‌గా నిలిచింది. హార‌ర్ కామెడీగా తెర‌కెక్కిన ఈ సినిమా తాజాగా ఓటీటీలోకి వ‌చ్చింది. శుక్ర‌వారం స‌న్ నెక్స్ట్ ప్లాట్‌ఫామ్‌లో రిలీజైంది. కేవ‌లం మ‌ల‌యాళ వెర్ష‌న్ మాత్ర‌మే అందుబాటులోకి వ‌చ్చింది.క‌నిమంగ‌ళం కోవిల‌కం సినిమాలో అజ్మ‌ల్ ఖాన్‌, అబ్బీ క్రిష్, మ‌హ్మ‌ద్ ర‌ఫీ, ధ్యాన్ శ్రీనివాస‌న్ కీల‌క పాత్ర‌ల్లో న‌టించారు. రాజేష్ మోహ‌న్ ద‌ర్శక‌త్వం వ‌హించారు.

మ‌ల‌యాళంలో వెబ్‌సిరీస్....

జ‌న‌వ‌రిలో థియేట‌ర్ల‌లో రిలీజైన ఈ మూవీ మ‌ల‌యాళ ప్రేక్ష‌కుల‌ను మెప్పించింది. ట్విస్ట్‌ల‌తో పాటు కామెడీ బాగుందంటూ కామెంట్స్ వ‌చ్చాయి. క‌నిమంగ‌ళం కోవిల‌కం పేరుతో మ‌ల‌యాళంలో ఓ వెబ్‌సిరీస్ రిలీజై ఆడియెన్స్‌ను మెప్పించింది. ఆ వెబ్ సిరీస్ ఆధారంగానే మేక‌ర్స్ ఈ సినిమాను తెర‌కెక్కించారు.

హాస్ట‌ల్‌ సీక్రెట్....

ఓ ఇంజినీరింగ్ కాలేజీకి హాస్ట‌ల్‌కు మ‌ధ్య‌లో స్మ‌శానం ఉంటుంది. ఆ స్మ‌శానంలో ఆత్మ‌ల ఉన్నాయంటూ ప్ర‌చారం జ‌రుగుతోంది. దాంతో స్మ‌శానం ద‌గ్గ‌ర ఆగ‌డానికి స్టూడెంట్స్ భ‌య‌ప‌డ‌తారు. ముగ్గురు స్నేహితుల‌కు ఇదే ఇంజినీరింగ్ కాలేజీలో సీట్ వ‌స్తుంది. పార్టీ చేసుకున్న ముగ్గురు అనుకోకుండా స్మ‌శానంలోకి అడుగుపెడ‌తారు? అప్ప‌టి నుంచి వారికి విచిత్ర‌మైన అనుభ‌వాలు ఎదుర‌వుతాయి? ఆ స్మ‌శానం మిస్ట‌రీ ఏమిటి? నిజంగానే ద‌య్యాలు ఉన్నాయా? త‌మ హాస్ట‌ల్‌కు సంబంధించిన ఓ సీక్రెట్ వారు ఎలా బ‌య‌ట‌పెట్టారు అన్న‌దే ఈ మూవీ క‌థ‌.ఈ వారం క‌నిమంగ‌ళం కోవిల‌కంతో పాటు మ‌ల‌యాళం సినిమా హాల్‌, త‌మిళ బ్లాక్‌బ‌స్ట‌ర్ మూవీ తాయ్ కిళ‌వి, క‌న్న‌డ సినిమా అమృతాంజ‌నం ఓటీటీ ప్రేక్ష‌కుల ముందుకొచ్చాయి.