Malayalam OTT | ఓటీటీలోకి కాంట్ర‌వ‌ర్సియ‌ల్ మ‌ల‌యాళం మూవీ – సినిమా ఇండ‌స్ట్రీలోని రాజ‌కీయాలే క‌థ‌గా..

Malayalam OTT |  ప్రేమ‌లు ఫేమ్ న‌స్లీన్ హీరోగా న‌టించిన మ‌ల‌యాళం మూవీ మాలీవుడ్ టైమ్స్‌ను రిలీజ్‌కు ముందు అనేక వివాదాలు చుట్టుముట్టాయి. ఈ సినిమా ద‌ర్శ‌క‌నిర్మాత‌ల‌పై సెన్సార్ బోర్డ్ కేసు పెట్టింది. వివాదాలు, కోర్టు కేసుల‌తో వార్త‌ల్లో నిలిచిన ఈ మ‌ల‌యాళం మూవీ ఓటీటీలోకి వ‌చ్చేస్తోంది. మాలీవుడ్ టైమ్స్ మూవీ జూలై 3 నుంచి జియో హాట్‌స్టార్‌లో స్ట్రీమింగ్ కాబోతుంది. మ‌ల‌యాళంతో పాటు తెలుగులోనూ రిలీజ్ అవుతోంది.

బాసిల్ జోసెఫ్‌....

డార్క్ కామెడీ క‌థ‌తో తెర‌కెక్కిన ఈ మ‌ల‌యాళం సినిమాకు అభిన‌వ్ సుంద‌ర్ నాయ‌క్ ద‌ర్శ‌క‌త్వం వ‌హించాడు. న‌స్లీన్‌తో పాటు వినీత్ శ్రీనివాస‌న్‌, ష‌రాఫ్ ఉద్దీన్ కీల‌క పాత్ర‌ల్లో క‌నిపించారు. మ‌ల‌యాళ అగ్ర హీరో బాసిల్ జోసెఫ్ గెస్ట్ రోల్ చేశారు. దాదాపు ఎనిమిది కోట్ల బ‌డ్జెట్‌తో రూపొందిన మాలీవుడ్ టైమ్స్ థియేట‌ర్ల‌లో 18 కోట్ల‌కుపైగా వ‌సూళ్ల‌ను ద‌క్కించుకుంది. నిర్మాత‌ల‌కు ప‌ది కోట్ల వ‌ర‌కు లాభాలు తెచ్చిపెట్టింది.

సెన్సార్ బోర్డ్ కేసు...

మాలీవుడ్ టైమ్స్ ద‌ర్శ‌క‌నిర్మాత‌ల‌తో పాటు డిస్ట్రిబ్యూట‌ర్ల‌పై సెన్సార్ బోర్డ్ కేసు పెట్ట‌డం మ‌ల‌యాళంలో చ‌ర్చ‌నీయాంశంగా మారింది. సెన్సార్ స‌మ‌యంలో బోర్డు స‌భ్యులు సినిమాలోని కొన్ని సీన్లు, డైలాగ్స్ క‌ట్ చేయాల్సిందిగా సూచించారు. కానీ మేక‌ర్స్ మాత్రం సీబీఎఫ్‌సీ క‌ట్స్ చెప్పిన సీన్లు, డైలాగ్స్‌తోనే ఈ సినిమాను థియేట‌ర్ల‌లో ప్ర‌ద‌ర్శించ‌డం వివాదానికి దారితీసింది. సీబీఎఫ్‌సీ కోర్టును ఆశ్ర‌యించింది.

హార‌ర్ మూవీ....

వినీత్ మాధ‌వన్ సినిమాలంటే పిచ్చి. ద‌ర్శ‌కుడు కావాల‌ని, ఓ హార‌ర్ సినిమా చేయాల‌ని క‌ల‌లు కంటుంటాడు. ఓ క‌థ‌ను రాసుకొని సినిమా చేయాల‌ని అనుకుంటాడు. ఇండ‌స్ట్రీలోని రాజ‌కీయాలు, నెపోటిజం వ‌ల్ల వినీత్‌కు ఎలాంటి క‌ష్టాలు ఎదుర‌య్యాయి. వినీత్ క‌థ‌ను కాపీ కొట్టి సినిమా తీసిన అర్జున్ హ‌రిదాస్ ఎవ‌రు? సినిమా తీయాల‌నే వినీత్ క‌ల నెర‌వేరిందా? లేదా? అన్న‌దే మూవీ క‌థ‌.