Tamannaah | త‌మ‌న్నాకు షాక్ – మిల్కీ బ్యూటీకి వ్య‌తిరేకంగా మ‌ద్రాస్ హైకోర్టు తీర్పు

Tamannaah |  సినిమాలు, స్పెష‌ల్ సాంగ్స్‌తో మాత్ర‌మే కాకుండా బ్రాండ్ ఎండార్స్‌మెంట్స్ ద్వారా త‌మ‌న్నా భారీగా సంపాదిస్తోంది. ఒక్కో సినిమాకు ఏడు కోట్ల వ‌ర‌కు రెమ్యూన‌రేష‌న్‌ను డిమాండ్ చేస్తోంది మిల్కీ బ్యూటీ. అలాగే ఒక్కో యాడ్ చేయ‌డానికి మూడు కోట్ల వ‌ర‌కు స్వీక‌రిస్తుంద‌ట. యంగ్ హీరోయిన్ల ఎంత మంది వ‌చ్చినా త‌గ్గేదేలే అంటూ దూసుకుపోతుంది.

మ‌ద్రాస్ హైకోర్టు...

తాజాగా గ‌తంలో చేసిన ఓ యాడ్‌కు సంబంధించి త‌మ‌న్నాకు కోర్టు పెద్ద షాకిచ్చింది. హీరోయిన్‌గా మంచి బిజీగా ఉన్న టైమ్‌లో ప‌వ‌ర్ సోప్స్ అనే సంస్థ‌కు బ్రాండ్ అంబాసిడ‌ర్‌గా వ్య‌వ‌హ‌రించ‌డానికి త‌మ‌న్నా అంగీక‌రించింది. ఏడాది పాటు సంస్థ త‌యారు చేసే ప్రొడ‌క్ట్స్‌పై త‌న ఫొటోల‌ను వాడుకునేలా త‌మ‌న్నా అగ్రిమెంట్ కుదుర్చుకుంది.
కానీ అగ్రిమెంట్ గ‌డువు పూర్త‌యినా కూడా త‌మ ప్రొడ‌క్ట్స్‌పై ప‌వ‌ర్ సోప్స్ సంస్థ‌ త‌న ఫొటోల‌నే వాడుకుంటున్నాదంటూ త‌మ‌న్నా మ‌ద్రాస్ హైకోర్టును ఆశ్ర‌యించింది. ఒప్పందం ఉల్లంఘించిడ‌మే కాకుండా త‌న ఇమేజ్‌ను డ్యామేజ్ చేసినందుకు కోటి రూపాయ‌లు న‌ష్ట ప‌రిహారం చెల్లించాలంటూ మ‌ద్రాస్ హైకోర్టులో కేసు వేసింది.

గ‌డువు ముగిసినా....

గ‌డువు ముగిసిన త‌ర్వాత కూడా త‌మ‌న్నా ఫొటో సంస్థ వాడుకున్న‌ట్లుగా ఎలాంటి ఆధారాలు లేవ‌ని ఈ కేసులో కోర్టు తీర్పు చెప్పింది. మిల్కీ బ్యూటీ త‌రుపు లాయ‌ర్ వాద‌న‌ల‌తో కోర్టు ఏకీభ‌వించ‌లేదు. ఊహాజ‌నిత క‌థ‌నాల‌తో న‌ష్ట‌ప‌రిహారం చెల్లించ‌డం కుద‌ర‌దంటూ తీర్పు ఇచ్చింది. 2017లో కేసు వేయ‌గా దాదాపు తొమ్మిదేళ్ల త‌ర్వాత ఈ కేసులో కోర్టు తీర్పు చెప్పింది.ప్ర‌స్తుతం త‌మ‌న్నా హిందీలో వ్వాన్ సినిమా చేస్తోంది. త‌మిళంలో పురుష‌న్ పేరుతో ఓ రొమాంటిక్ కామెడీ మూవీ చేస్తోంది.