OTT | ఓటీటీలోకి మాధ‌వ‌న్ బ‌యోపిక్ మూవీ – బ్రిటీష‌ర్ల‌ను ఎదురించిన ఇండియ‌న్ సైంటిస్ట్ క‌థ‌

OTT |  వెర్స‌టైల్ యాక్ట‌ర్ మాధ‌వ‌న్ హీరోగా న‌టించిన బ‌యోపిక్ మూవీ జీడీఎన్ ఓటీటీ రిలీజ్ డేట్ ఖ‌రారైంది. ఇండియ‌న్ ఎడిస‌న్‌గా పేరు తెచ్చుకున్న భార‌తీయ శాస్త్ర‌వేత్త జీడీ నాయుడు జీవితం ఆధారంగా ఈ సినిమా రూపొందింది. ఈ బ‌యోపిక్‌లో దుషారా విజ‌య‌న్‌, ప్రియ‌మ‌ణి కీల‌క పాత్ర‌ల్లో న‌టించారు.

ప‌దిహేను కోట్ల‌తో తీస్తే...

కృష్ణ‌కుమార్ రామ్‌కుమార్ ద‌ర్శ‌క‌త్వం వ‌హించిన ఈ బ‌యోపిక్‌లో స‌త్య‌రాజ్‌, జ‌య‌రామ్‌, విన‌య్ రాయ్, అదితి బాల‌న్ కీల‌క పాత్ర‌ల్లో న‌టించారు. నిజాయితీతో కూడిన మంచి ప్ర‌య‌త్నంగా జీడీఎన్ ప్రేక్ష‌కుల‌ను మెప్పించింది. కానీ క‌మ‌ర్షియ‌ల్‌గా మాత్రం స‌రైన విజ‌యాన్ని సాధించ‌లేక‌పోయింది. ప‌దిహేను కోట్ల‌తో రూపొందిన ఈ మూవీ కేవ‌లం ఐదు కోట్ల లోపే వ‌సూళ్ల‌ను రాబ‌ట్టింది. నిర్మాత‌ల‌కు భారీగా న‌ష్టాల‌ను తెచ్చిపెట్టింది.

నెట్‌ఫ్లిక్స్‌లో...

జీడీఎన్ మూవీ ఓటీటీలోకి వ‌స్తోంది. సెప్టెంబ‌ర్ 4 నుంచి జీ5 ఓటీటీలో స్ట్రీమింగ్ కాబోతుంది. త‌మిళంతో పాటు తెలుగులో రిలీజ్ అవుతోంది.బ్రిటీష్ పాల‌నలో గొప్ప సైంటిస్ట్‌గా జీడీ నాయుడు పేరు తెచ్చుకుంటాడు. అత‌డి ఎదుగుద‌ల‌ను చూసి ఓర్వ‌లేక పోయిన తెల్ల‌దొర‌లు ప‌న్నులు ఎగ‌వేస్తున్నాడంటూ నాయుడు ఆస్తుల‌ను దోచుకోవాల‌ని చూస్తారు. హిట్ల‌ర్‌తో అత‌డికి సంబంధాలు ఉన్నాయ‌ని ఆరోప‌ణ‌లు చేస్తారు. తెల్ల‌దొర‌ల నింద‌ల‌ను ఎదుర్కొంటూ నాయుడు ఎలా గొప్ప శాస్త్ర‌వేత్త‌గా ఎదిగాడ‌నే అంశాల‌తో ఈ మూవీ రూపొందింది.

మాధ‌వ‌న్ ట్రాన్స్‌ఫ‌ర్మేష‌న్‌...

జీడీ నాయుడు పాత్ర‌లో మాధ‌వ‌న్ ట్రాన్స్‌ఫ‌ర్మేష‌న్‌, ఆయ‌న న‌ట‌న అభిమానుల‌ను ఆక‌ట్టుకున్నాయి. ఈ సినిమాకు గాను మాధ‌వ‌న్‌కు ఈ సారి నేష‌న‌ల్ అవార్డ్ రావ‌డం ఖాయ‌మ‌ని త‌మిళ సినీ వ‌ర్గాలు చెబుతోన్నాయి.