BB Jodi Season 2 | బీబీ జోడీ సీజ‌న్ 2 విన్న‌ర్స్‌గా మాన‌స్‌, శ్ర‌ష్టి వ‌ర్మ – ట్రోఫీతో పాటు ప్రైజ్‌మ‌నీ ఎంత ద‌క్కిందంటే?

BB Jodi Season 2 | ప‌ద‌మూడు వారాలు పాటు బుల్లితెర ప్రేక్ష‌కుల‌కు ఉత్కంఠ‌ను పంచిన బీబీ జోడీ సీజ‌న్ 2లో మాన‌స్ నాగుల‌ప‌ల్లి, శ్ర‌ష్టి వ‌ర్మ విన్న‌ర్స్‌గా నిలిచారు. గ్రాండ్ ఫినాలేలో త‌మ‌ డ్యాన్స్‌తో వీరిద్ద‌రు అద‌ర‌గొట్టారు . అది జ్వాల అనంత జ్వాల‌తో పాటు అఖండ తాండ‌వం, చిచ్చుబుడ్డి పాట‌ల‌కు మాన‌స్‌, శ్ర‌ష్టి వ‌ర్మ వేసిన స్టెప్పుల‌కు జ‌డ్జ్‌లు సైతం ఫిదా అయ్యారు. చాలా క‌ఠిన‌మైన స్టెప్పుల‌తో వీరిద్ద‌రి ప‌ర్ఫార్మెన్స్ సాగింది. ఫైన‌ల్‌లో మాన‌స్‌, శ్ర‌ష్టి వ‌ర్మ ప‌ర్ఫార్మెన్స్ ముందు మిగిలిన కంటెస్టెంట్స్ అంద‌రూ తేలిపోయారు. దాంతో మాన‌స్‌, శ్ర‌ష్టిల‌ను విజేత‌లుగా జ‌డ్జ్‌లు ప్ర‌క‌టించారు.

ర‌న్న‌ర‌ప్స్‌...

బీబీ జోడీ సీజ‌న్ 2లో విశ్వ‌రాజ్ - నేహా చౌద‌రి ఫ‌స్ట్ ర‌న్న‌ర‌ప్స్‌గా నిలిచారు. ఫైన‌ల్ వ‌ర‌కు మాన‌స్‌, శ్ర‌ష్టి వ‌ర్మ‌కు గ‌ట్టి పోటీ ఇచ్చారు. ఫైన‌ల్‌లోనూ అద‌ర‌గొట్టిన విశ్వ‌రాజ్‌, నేహాల‌కు నిరాశే మిగిలింది. సెకండ్ ర‌న్న‌ర‌ప్స్ స్థానంతో అమ‌ర్‌దీప్ చౌద‌రి - నైనిక స‌రిపెట్టుకున్నారు. నాలుగో స్థానంలో అర్జున్ క‌ళ్యాణ్ - శ్రీస‌త్య జోడీ నిలిచింది.బీబీ జోడీ టైటిల్ గెలిచిన మాన‌స్, శ్ర‌ష్టి వ‌ర్మ‌కు భారీగానే ప్రైజ్‌మ‌నీ ద‌క్కింది. బీబీ జోడీ ట్రోఫీతో పాటు ప‌దిహేను ల‌క్ష‌లు సొంతం చేసుకున్నారు.

అర్జున్ గెస్ట్‌...

బీబీ జోడీ గ్రాండ్ ఫినాలేకు చీఫ్ గెస్ట్‌గా సీనియ‌ర్ హీరో అర్జున్ అటెండ్ అయ్యారు. ఈ డ్యాన్స్ షోకు హోస్ట్‌గా ప్ర‌దీప్ మాచిరాజు వ్య‌వ‌హ‌రించ‌గా...శేఖ‌ర్ మాస్ట‌ర్‌, శ్రీదేవి విజ‌య్ కుమార్‌, స‌దా జ‌డ్జ్‌లుగా వ్య‌వ‌హ‌రించారు.
బీబీ జోడీ సీజ‌న్ 2లో మొత్తం ప‌న్నెండు జంట‌లు కంటెస్టెంట్స్‌గా పాల్గొన్నారు. ధ‌న్‌రాజ్ - భానుశ్రీ, నాగ‌మ‌ణికంఠ - ప్రియాంక సింగ్‌, సాయి శ్రీనివాస - కిరాక్ సీత‌, రీతూ చౌద‌రి - డెమోన్ ప‌వ‌న్ తో పాటు మ‌రికొంద‌రు ఈ షోలో పాల్గొన్నారు. బిగ్‌బాస్ సీజ‌న్ 9లో ఓ కంటెస్టెంట్‌గా పాల్గొన్న‌ది శ్ర‌ష్టి వ‌ర్మ‌. వారం మాత్ర‌మే హౌజ్‌లో కొన‌సాగింది. ఈ షో నుంచి ఎలిమినేట్ అయిన ఫ‌స్ట్ కంటెస్టెంట్‌గా నిలిచింది.