Singitham Srinivasarao | తొంభైనాలుగేళ్ల వ‌య‌సులో డైరెక్ష‌న్ – తెలుగు ద‌ర్శ‌కుడి రికార్డ్‌

Singitham Srinivasarao |  టాలీవుడ్ సీనియ‌ర్ డైరెక్ట‌ర్ సింగీతం శ్రీనివాస‌రావు అరుదైన రికార్డును నెల‌కొల్ప‌నున్నారు. 94 ఏళ్ల వ‌య‌సులో ఓ సినిమాకు ద‌ర్శ‌క‌త్వం వ‌హించ‌బోతున్నారు. సింగీతం శ్రీనివాస‌రావు డైరెక్ష‌న్‌లో వ‌స్తోన్న‌ 61వ మూవీ ఇది. శ‌నివారం ఈ సినిమాను అఫీషియ‌ల్‌గా అనౌన్స్‌చేశారు. వైజ‌యంతీ మూవీస్ ప‌తాకంపై సీనియ‌ర్ ప్రొడ్యూస‌ర్ అశ్వ‌నీద‌త్ నిర్మిస్తున్నారు.సింగీతం శ్రీనివ‌స‌రావు గ‌త సినిమాల త‌ర‌హాలోనే ప్ర‌యోగాత్మ‌కంగా ఈ సినిమా ఉండ‌బోతున్న‌ట్లు స‌మాచారం. ఈ మూవీకి క‌ల్కి డైరెక్ట‌ర్ నాగ్ అశ్విన్‌ ప్రాజెక్ట్ సూప‌ర్‌వైజ‌ర్‌గా ప‌నిచేయ‌బోతున్నారు. దేవిశ్రీప్ర‌సాద్ మ్యూజిక్ అందిస్తున్నారు.

61వ మూవీ...

కొత్త న‌టీన‌టుల‌తో సింగీతం 61వ మూవీ రూపొంద‌నున్న‌ట్లు వార్త‌లు వినిపిస్తున్నాయి. త్వ‌ర‌లోనే ఈ సినిమా సెట్స్‌పైకి రానున్న‌ట్లు స‌మాచారం. ఈ మూవీతో అత్య‌ధిక వ‌య‌సులో మెగాఫోన్ ప‌ట్టిన‌ టాలీవుడ్ డైరెక్ట‌ర్‌గా సింగీతం రికార్డును నెల‌కొల్ప‌నున్న‌ట్లు చెబుతోన్నారు. 2013లో వ‌చ్చిన వెల్‌క‌మ్ ఒబామా త‌ర్వాత ద‌ర్శ‌క‌త్వ బాధ్య‌త‌ల‌కు దూర‌మ‌య్యారు సింగీతం శ్రీనివ‌స‌రావు. దాదాపు 13 ఏళ్ల త‌ర్వాత మ‌ళ్లీ ఈ మూవీతో డైరెక్ట‌ర్‌గా టాలీవుడ్‌లోకి పున‌రాగ‌మ‌నం చేయ‌బోతున్నారు.

క‌ల్కికి మెంట‌ర్‌...

ప్ర‌స్తుతం ప్ర‌భాస్ క‌ల్కి 2 మూవీకి మెంట‌ర్‌గా వ్య‌వ‌హ‌రిస్తున్నారు సింగీతం శ్రీనివ‌స‌రావు. ఫిబ్ర‌వ‌రిలో ఈ సినిమా రెగ్యుల‌ర్ షూటింగ్ మొద‌లుకాబోతుంది.
సుదీర్ఘ సినీ ప్ర‌యాణంలో ఆదిత్య 369, పుష్ప‌క విమానం, భైర‌వ‌ద్వీపంతో పాటు ప‌లు సూప‌ర్‌హిట్ సినిమాల‌కు ద‌ర్శ‌క‌త్వం వ‌హించారు సింగీతం శ్రీనివాస‌రావు. తెలుగులోనే కాకుండా త‌మిళం, మ‌ల‌యాళం, క‌న్న‌డ హిందీ భాష‌ల్లో సినిమాలు చేశారు.