Lavanya Tripathi | థియేట‌ర్ల‌లో రిలీజై రెండు వారాలు కాక‌ముందే ఓటీటీలోకి మెగా కోడ‌లు మూవీ – భ‌ర్త‌ను క‌ట్టేసి కొడితే…

Lavanya Tripathi |  మెగా కోడ‌లు లావ‌ణ్య త్రిపాఠి హీరోయిన్‌గా న‌టించిన లేటెస్ట్ మూవీ స‌తీ లీలావ‌తి గ‌త వార‌మే థియేట‌ర్ల‌లోకి వ‌చ్చింది. క‌నీసం రెండు వారాలు కూడా కాక‌ముందే ఈ రొమాంటిక్ కామెడీ మూవీ ఓటీటీలోకి రాబోతుంది. మే 20 నుంచి స‌న్ నెక్స్ట్ ప్లాట్‌ఫామ్‌లో స్ట్రీమింగ్ కాబోతుంది. థియేట‌ర్, ఓటీటీ రిలీజ్ మ‌ధ్య‌ గ్యాప్‌కు కేవ‌లం ప‌ద‌మూడు రోజులే ఉండ‌టం ఆస‌క్తిక‌రంగా మారింది. డిజాస్ట‌ర్‌గా నిల‌వ‌డంతో ఈ సినిమా త్వ‌ర‌గా ఓటీటీలోకి వ‌స్తున్న‌ట్లు ప్ర‌చారం జ‌రుగుతోంది.

మ‌ల‌యాళ న‌టుడు...

స‌తీ లీలావ‌తి మూవీలో మ‌ల‌యాళ న‌టుడు దేవ్ మోహ‌న్ హీరోగా న‌టించాడు. లావ‌ణ్య త్రిపాఠితో పాటు మ‌డోన్నా సెబాస్టియ‌న్ మ‌రో హీరోయిన్‌గా న‌టించింది. తాతినేని స‌త్య ద‌ర్శ‌క‌త్వం వ‌హించిన ఈ సినిమాలో స‌ప్త‌గిరి, వీటీవీ గ‌ణేష్, సీనియ‌ర్ న‌రేష్ కీల‌క పాత్ర‌లు పోషించారు.

పెళ్లి త‌ర్వాత...

భార్య‌భ‌ర్త‌ల బంధానికి వినోదాన్ని జోడించి ద‌ర్శ‌కుడు తాతినేని స‌త్య స‌తీ లీలావ‌తి సినిమాను తెర‌కెక్కించారు. కాన్సెప్ట్‌లో ఆస‌క్తి లోపించ‌డం, కామెడీ వ‌ర్క‌వుట్ కాక‌పోవ‌డంతో ఈ మూవీ ఫెయిల్యూర్‌గా నిలిచింది. పెళ్లి త‌ర్వాత లావ‌ణ్య త్రిపాఠి న‌టించిన సినిమా ఇది. దాదాపు నాలుగేళ్ల త‌ర్వాత రీఎంట్రీ ఇచ్చినా హిట్టు మాత్రం ద‌క్క‌లేదు. స‌తీ లీలావ‌తికి మిక్కీ జే మేయ‌ర్ మ్యూజిక్ అందించాడు.

సినిమా డైరెక్ట‌ర్‌....

లీలావ‌తి (లావ‌ణ్య త్రిపాఠి) సినిమా డైరెక్ట‌ర్‌. సైకాల‌జిస్ట్ సేతును ప్రేమించి పెళ్లి చేసుకుంటుంది. అపోహ‌లు, అపార్థాల కార‌ణంగా లీలావ‌తికి విడాకులు ఇచ్చి నికోలా సెబాస్టియ‌న్ (మ‌డోన్నా సెబాస్టియ‌న్‌) అనే మ‌రో అమ్మాయిని పెళ్లి చేసుకోవాల‌ని సేతు అనుకుంటాడు. ఈ విడాకుల‌కు లీలావ‌తి ఒప్పుకోదు భ‌ర్త‌ను కొట్టి ఇంట్లోనే క‌ట్టిప‌డేస్తుంది. ఆ త‌ర్వాత ఏమైంది. మెట్ట రాజ‌ర్ (మొట్ట రాజేంద్ర‌న్‌) అనే ప్రొడ్యూస‌ర్‌తో పాటు ఓ దొంగ సాయంతో లీలావ‌తి త‌న కాపురాన్ని ఎలా చ‌క్క‌బెట్టుకుంది అన్న‌దే ఈ మూవీ క‌థ‌.