Lavanya Tripathi | సోష‌ల్ మీడియాలో మెగా కోడ‌లిపై అస‌భ్య కామెంట్లు

Lavanya Tripathi | సోష‌ల్ మీడియా వేధింపుల‌పై మెగా కోడ‌లు లావ‌ణ్య త్రిపాఠి సైబ‌ర్ క్రైమ్ పోలీసుల‌ను ఆశ్ర‌యించారు. త‌న వ్య‌క్తిగ‌త జీవితాన్ని, కుటుంబ‌స‌భ్యుల‌ను ల‌క్ష్యంగా చేసుకొని గ‌త కొద్ది రోజులుగా సోష‌ల్ మీడియాలో ఓ వ్య‌క్తి అస‌భ్య కామెంట్లు, పోస్టులు పెడుతున్నాడ‌ని త‌న ఫిర్యాదులో లావ‌ణ్య త్రిపాఠి పేర్కొన్న‌ది. ప‌ర్పుల్ క్రెయాన్00 అనే ఇన్‌స్టాగ్రామ్ అకౌంట్ ద్వారా త‌న ప‌రువుకు భంగం క‌లిగించేలా పోస్ట్‌లు, గౌర‌వాన్ని దెబ్బ‌తీసేలా నిరాధార‌మైన ఆరోప‌ణ‌లు చేస్తున్నార‌ని లావ‌ణ్య త్రిపాఠి అన్న‌ది.

చ‌ర్య‌లు తీసుకోవాలి...

ఇన్‌స్టా ఖాతా నిర్వ‌హిస్తున్న వ్య‌క్తిని గుర్తించ‌డ‌మే కాకుండా చ‌ట్ట‌ప‌రంగా అత‌డిపై క‌ఠిన చ‌ర్య‌లు తీసుకోవాల‌ని పోలీసుల‌కు ఫిర్యాదు చేసింది. ఈ ఇన్‌స్టాలో త‌న‌ను ఉద్దేశించి పెట్టిన పోస్టుల‌ను తొల‌గించాల‌ని కోరింది. లావ‌ణ్య త్రిపాఠి ఫిర్యాదును స్వీక‌రించిన పోలీసులు ఐటీ యాక్ట్ 67తో పాటు బీఎన్ఎస్ 78, 79 కింద కేసులు న‌మోదు చేశారు. విచార‌ణ జ‌రుపుతోన్నారు.

స‌తీలీలావ‌తితో రీఎంట్రీ...

కాగా మెగా హీరో వ‌రుణ్ తేజ్‌తో పెళ్లి త‌ర్వాత సినిమాల‌కు దూర‌మైంది లావ‌ణ్య త్రిపాఠి. స‌తీలీలావ‌తి మూవీతో త్వ‌ర‌లోనే రీఎంట్రీ ఇవ్వ‌బోతుంది. మార్చి 6న రిలీజ్ కావాల్సిన ఈ మూవీ అనివార్య కార‌ణాల వ‌ల్ల వాయిదాప‌డింది. ఈ నెల‌లోనే ఈ మూవీని రిలీజ్ చేసేందుకు మేక‌ర్స్ స‌న్నాహాలు చేస్తోన్నారు. ఈ క్రైమ్ కామెడీ మూవీకి తాతినేని స‌త్య ద‌ర్శ‌క‌త్వం వ‌హిస్తున్నాడు.