Horror Movie | కిర‌ణ్ అబ్బ‌వ‌రం సినిమాలో బిగ్‌బాస్ తెలుగు ర‌న్న‌ర‌ప్ – హార‌ర్ మూవీతో హీరోయిన్‌గా ఎంట్రీ

Horror Movie | బిగ్‌బాస్ తెలుగు సీజ‌న్ 9 ర‌న్న‌ర‌ప్ త‌నూజ పుట్ట‌స్వామి హీరోయిన్‌గా టాలీవుడ్‌లోకి ఎంట్రీ ఇవ్వ‌బోతుంది. హార‌ర్ సినిమా చేస్తోంది. టాలీవుడ్ హీరో కిర‌ణ్ అబ్బ‌వ‌రం ప్రొడ్యూస‌ర్‌గా వ్య‌వ‌హ‌రిస్తోన్న ఈ మూవీ టైటిల్‌ను సోమ‌వారం అనౌన్స్ చేశారు. ఈ హార‌ర్ మూవీకి హ‌తః అనే పేరును ఖ‌రారు చేశారు. ఈ సినిమాలో త‌నూజతో పాటు కుష్లూ మ‌ద్దాల‌, న‌మ్రితా ఎమ్‌వీ , రెహ‌మాన్ కీల‌క పాత్ర‌ల్లో న‌టిస్తోన్నారు.

టైటిల్ గ్లింప్స్‌...

సోమ‌వారం టైటిల్ గ్లింప్స్‌ను రిలీజ్ చేశారు. న‌ల్ల‌పిల్లిని చూపిస్తూ ఈ గ్లింప్స్ ఇంట్రెస్టింగ్‌గా సాగింది. పిల్లి బ‌తికి ఉందా? చ‌నిపోయిందా? అంటూ ఈ వీడియోలో క‌నిపించ‌డం ఆస‌క్తిని రేకెత్తిస్తోంది. తెలుగులో తెర‌పై ఇప్ప‌టివ‌ర‌కు వ‌చ్చిన హార‌ర్ సినిమాల‌కు భిన్న‌మైన కాన్సెప్ట్‌తో ఈ మూవీ రూపొందుతోన్న‌ట్లు స‌మాచారం. ఫ‌స్ట్ సీన్ నుంచి లాస్ట్ సీన్ వ‌ర‌కు భ‌య‌పెడుతూనే ఉంటుంద‌ని మేక‌ర్స్ అన్నారు.

రెండో సినిమా...

ఈ వీడియో గ్లింప్స్‌లో హీరోహీరోయిన్ల‌ను చూపించ‌లేదు. త‌నూజ రోల్ ఏమిట‌న్న‌ది మేక‌ర్స్ రివీల్ చేయ‌లేదు. హ‌త మూవీకి అనుష్ గోర‌క్ ద‌ర్శ‌క‌త్వం వ‌హిస్తున్నారు. పౌర్ణ‌మి ఎంట‌ర్‌టైన్‌మెంట్స్‌తో క‌లిసి స్వీయ నిర్మాణ సంస్థ క ప్రొడ‌క్ష‌న్స్‌పై కిర‌ణ్ అబ్బ‌వ‌రం ఈ సినిమాను నిర్మిస్తున్నారు. తిమ్మ‌రాజుప‌ల్లి టీవీ త‌ర్వాత కిర‌ణ్ అబ్బ‌వ‌రం ప్రొడ్యూస‌ర్‌గా వ్య‌వ‌హ‌రిస్తోన్న సెకండ్ మూవీ ఇది.

పార్ట్ టైమ‌ర్స్‌...

ఇటీవ‌లే త‌నూజ పార్ట్ టైమ‌ర్స్ అనే వెబ్‌సిరీస్ చేసింది. ఇండిపెండెంట్ బిజినెస్ఉమెన్స్‌గా రాణించాల‌ని క‌ల‌లు క‌న్న ఇద్ద‌రు యువ‌త జీవ‌న ప్ర‌యాణంతో రూపొందిన ఈ వెబ్‌సిరీస్ జియో హాట్‌స్టార్‌లో స్ట్రీమింగ్ కాబోతుంది. తెలుగులో సీరియ‌ల్స్‌తో కెరీర్‌ను ప్రారంభించిన త‌నూజ బిగ్‌బాస్ తెలుగు సీజ‌న్ 9తో ఫేమ‌స్ అయ్యింది. ఈ సీజ‌న్‌లో ర‌న్న‌ర‌ప్‌గా నిలిచింది.