Kiara advani | న‌య‌న‌తార భ‌ర్త సినిమాను రిజెక్ట్ చేసిన కియారా అద్వానీ – కోలీవుడ్ డెబ్యూ ఛాన్స్ మిస్‌

Kiara advani |  య‌శ్ టాక్సిక్‌లో న‌య‌న‌తార‌తో పాటు కియారా అద్వానీ హీరోయిన్లుగా న‌టిస్తోన్నారు. ఈ క‌న్న‌డ మూవీ ఆగ‌స్ట్ 26న థియేట‌ర్ల‌లోకి రాబోతుంది. పాన్ ఇండియ‌న్ వైడ్‌గా ఈ గ్యాంగ్‌స్ట‌ర్ మూవీపై భారీగా హైప్ నెల‌కొంది. టాలీవుడ్‌, కోలీవుడ్ అనే భేదాలు లేకుండా అన్ని ఇండ‌స్ట్రీల‌లో టాక్సిక్ మేనియా క‌నిపిస్తోంది. కాగా టాక్సిక్ కంటే ముందే న‌య‌న‌తార‌, కియారా అద్వానీ కాంబినేష‌న్‌లో ఓ సినిమా రావాల్సింది. ఈ సినిమాతో బాలీవుడ్ బ్యూటీ త‌మిళ ఇండ‌స్ట్రీలోకి ఎంట్రీ ఇవ్వాల్సింది. కానీ క‌థ న‌చ్చ‌క కియారా ఆ మూవీని రిజెక్ట్ చేసింది.

విఘ్నేష్ శివ‌న్‌...

టాక్సిక్ మూవీ త‌మిళ ప్రీ రిలీజ్ ఈవెంట్ సోమ‌వారం చెన్నైలో జ‌రిగింది. ఈ వేడుక‌లో న‌య‌న‌తార భ‌ర్త విఘ్నేష్ శివ‌న్ పాల్గొన్నాడు. టాక్సిక్ త‌మిళ వెర్ష‌న్‌లో విఘ్నేష్ శివ‌న్ ఓ మూడు పాట‌లు రాశాడు. ఈ వేడుక‌లో కియారా అద్వానీపై విఘ్నేష్ శివ‌న్ ఆస‌క్తిక‌ర కామెంట్లు చేశాడు. "క‌బీర్ సింగ్ కంటే ముందు కియారాను క‌లిసి ఓ త‌మిళ మూవీ క‌థ చెప్పాను. కానీ అప్ప‌టికీ ఆమెకున్న క‌మిట్‌మెంట్ల వ‌ల్ల ఈ సినిమా చేయ‌లేక‌పోయింది. కియారాకు చెప్పిన ఆ క‌థతో ఇటీవ‌ల ల‌వ్ ఇన్సూరెన్స్ కంపెనీ సినిమా చేశా" అంటూ విఘ్నేష్ శివ‌న్ పేర్కొన్నాడు. "ఈ సినిమా రిజెక్ట్ చేయ‌డ‌మే కియారాకు మంచిదైంది" అంటూ కామెంట్లు చేశాడు. ఈ కోలీవుడ్ డైరెక్ట‌ర్ వ్యాఖ్య‌లు వైర‌ల్ అవుతోన్నాయి.

ల‌వ్ ఇన్సూరెన్స్ కంపెనీ

ల‌వ్ ఇన్సూరెన్స్ కంపెనీతోనే కియారా అద్వానీని త‌మిళ ఇండ‌స్ట్రీకి ప‌రిచ‌యం చేయాల‌ని విఘ్నేష్ శివ‌న్ భావించారు. కానీ క‌థ న‌చ్చ‌క ఆమె ఈ సినిమాను రిజెక్ట్ చేసింది. కియారా కాద‌న‌డంతో హీరోయిన్‌గా ఆమె ప్లేస్‌లో కృతి శెట్టిని తీసుకొని సినిమా చేశాడు. ప్ర‌దీప్ రంగ‌నాథ‌న్ హీరోగా న‌టించిన ఈ మూవీకి న‌య‌న‌తార ప్రొడ్యూస‌ర్‌గా వ్య‌వ‌హ‌రించింది. దాదాపు వంద కోట్ల బ‌డ్జెట్‌తో రూపొందిన ల‌వ్ ఇన్సూరెన్స్ కంపెనీ యాభై కోట్ల లోపే వ‌సూళ్ల‌ను ద‌క్కించుకుంది. న‌య‌న‌తార‌కు భారీగా న‌ష్టాల‌ను తెచ్చిపెట్టింది.