Vijay – Trisha | ర‌చ్చ చేయాల్సిన అవ‌స‌రం లేదు – విజ‌య్‌, త్రిష వ్య‌వ‌హారంపై ఖుష్బూ రియాక్ష‌న్‌

Vijay - Trisha | ద‌ళ‌ప‌తి విజ‌య్‌, త్రిష వ్య‌వ‌హారంపై ఇన్నాళ్లు సైలెంట్‌గా ఉన్న త‌మిళ సినీ వ‌ర్గాలు ఒక్కొక్క‌రిగా రియాక్ట్ అవుతోన్నారు. కొంద‌రు వీరిద్ద‌రిని విమ‌ర్శిస్తోండ‌గా...మ‌రికొంద‌రు మాత్రం స‌పోర్ట్ చేస్తోన్నారు. అది వారి వ్య‌క్తిగ‌త విష‌య‌మంటూ బ‌దులిస్తున్నారు. తాజాగా విజ‌య్‌, త్రిష రిలేష‌న్‌పై కోలీవుడ్ సీనియ‌ర్ న‌టి ఖుష్బూ రియాక్ట్ అయ్యింది. వారిద్ద‌రి వ్య‌వ‌హారంలో అంత పెద్ద ర‌చ్చ చేయాల్సిన అవ‌స‌రం లేద‌ని అన్న‌ది.

న‌ష్ట‌మేమీ లేదు...

"విజ‌య్‌, త్రిష‌ల‌పై ప్ర‌జ‌లు ఎందుకు అంత ఆస‌క్తిని చూపుతున్నారో అర్థం కావ‌డం లేదు. వారి వ్య‌క్తిగ‌త జీవితం వ‌ల్ల స‌మాజానికి వ‌చ్చే న‌ష్ట‌మేమీ లేదు. వారి స‌మ‌స్య‌ల‌ను వారే చ‌క్క‌దిద్దుకోగ‌ల‌రు" అని ఖుష్బూ అన్న‌ది. త్రిష వ‌ల్ల విజ‌య్ పొలిటిక‌ల్ కెరీర్‌కు వ‌చ్చే డ్యామేజీ కూడా ఏం లేద‌ని చెప్పింది. ఎవ‌రికి ఓటు వేయాలో, ఎవ‌రిని త‌మ నాయ‌కుడిగా ఎన్నుకోవాలో ప్ర‌జ‌ల‌కు తెలుసున‌ని ఖుష్బూ చెప్పింది. వ్య‌క్తిగ‌త జీవితం తాలూకు స‌మ‌స్య‌ల ప్ర‌భావం ఎన్నిక‌ల‌పై ఉంటుంద‌ని తాను అనుకోవ‌డం లేద‌ని ఖుష్బూ అన్న‌ది. ఆమె కామెంట్లు వైర‌ల్ అవుతోన్నాయి.

విజ‌య్ రియాక్ష‌న్‌...

విడాకుల‌పై ద‌ళ‌ప‌తి విజ‌య్ కూడా ఇటీవ‌ల రియాక్ట్ అయ్యాడు. త‌న జీవితంలో ఎదురైన స‌మ‌స్య‌లు చాలా చిన్న‌వ‌ని, మీ స‌మ‌యాన్ని కేటాయించేంతా ముఖ్య‌మైన‌వి కావంటూ అభిమానులతో విజ‌య్ అన్నారు. విడాకుల‌ను చిన్న స‌మ‌స్య‌లుగా విజ‌య్ పేర్కొన‌డంపై పొలిటిక‌ల్ వ‌ర్గాల‌తో పాటు నెటిజ‌న్లు విమ‌ర్శిస్తున్నారు.మ‌రోవైపు భార్య సంగీత‌కు విడాకులు ఇచ్చి త్వ‌ర‌లోనే త్రిష‌ను విజ‌య్ పెళ్లిచేసుకోనున్న‌ట్లు కూడా ప్ర‌చారం జ‌రుగుతోంది. విజ‌య్ టీవీకే పార్టీలో త్రిష చేర‌నున్న‌ట్లు కూడా వార్త‌లొస్తున్నాయి.