Kayadu Lohar | నితిన్‌కు రుక్మిణి దొరికిందా? – ర‌చ‌యిత‌గా క‌య‌దు లోహ‌ర్‌

Kayadu Lohar |నాచుర‌ల్ స్టార్ నాని సినిమా అంటే హిట్టే అనే న‌మ్మ‌కం ఆడియెన్స్‌తో పాటు ఇండ‌స్ట్రీ వ‌ర్గాల్లో క‌నిపిస్తుంది. హీరోగా ప్ర‌స్తుతం ప‌లు పాన్ ఇండియ‌న్ సినిమాల‌తో బిజీగా ఉన్నాడు. మ‌రోవైపు నిర్మాత‌గా కూడా కంటెంట్ ఓరియెంటెడ్ క‌థాంశాల‌తో కూడిన సినిమాల‌ను తెర‌కెక్కిస్తూ విజ‌యాల‌ను అందుకుంటున్నాడు. స్వీయ నిర్మాణ సంస్థ వాల్ పోస్ట‌ర్ బ్యాన‌ర్‌పై గ‌త ఏడాది నాని నిర్మించిన కోర్ట్ మూవీ చిన్న సినిమాల్లో పెద్ద విజ‌యాన్ని సాధించింది. కోర్ట్ త‌ర్వాత నిర్మాత‌గా త‌న‌ నెక్స్ట్ మూవీని నాని ఇటీవ‌లే అనౌన్స్ చేశాడు. అలియాస్ రుక్మిణి పేరుతో రొమాంటిక్ థ్రిల్ల‌ర్‌ మూవీని తెర‌కెక్కించ‌బోతున్నాడు.

దండోరా డైరెక్ట‌ర్‌...

అలియాస్ రుక్మిణిలో నితిన్ హీరోగా న‌టిస్తున్నాడు. దండోరా ఫేమ్ ముర‌ళీకాంత్ ద‌ర్శ‌క‌త్వం వ‌హిస్తున్న ఈ మూవీ ఇటీవ‌ల పూజా కార్య‌క్ర‌మాల‌తో ప్రారంభ‌మైంది. ఈ సినిమా హీరో, సాంకేతిక నిపుణుల‌తో షూటింగ్ వివ‌రాల‌ను రివీల్ చేసిన మేక‌ర్స్ హీరోయిన్ ఎవ‌ర‌న్న‌ది మాత్రం వెల్ల‌డించ‌లేదు. ఈ రొమాంటిక్ మూవీలో నితిన్‌కు జోడీగా రుక్మిణి వ‌సంత్ క‌థానాయిక‌గా క‌నిపించే అవ‌కాశం ఉంద‌ని ప్ర‌చారం జ‌రిగింది. పాన్ ఇండియ‌న్ సినిమాల‌తో బిజీగా ఉండ‌టంతో రుక్మిణి వ‌సంత్ అలియాస్ రుక్మిణి సినిమాకు డేట్స్ అడ్జెస్ట్ చేయ‌లేక‌పోయిన‌ట్లు స‌మాచారం.

ర‌చ‌యిత‌గా...

రుక్మిణి వ‌సంత్ ప్లేస్‌లో క‌య‌దు లోహ‌ర్‌ను హీరోయిన్‌గా మేక‌ర్స్ ఫైన‌ల్ చేసే అవ‌కాశం ఉంద‌ని అంటున్నారు. ఈ సినిమాలో రుక్మిణిగా టైటిల్ రోల్‌లో అస్సాం బ్యూటీ క‌నిపించ‌నున్న‌ట్లు చెబుతున్నారు. ఇందులో ర‌చ‌యిత‌గా క‌య‌దు లోహ‌ర్ న‌టించ‌నుంది. భార్యాభ‌ర్త‌ల అనుంబంధానికి ఓ థ్రిల్ల‌ర్ ఎలిమెంట్‌ను జోడించి ఈ మూవీ రూపొంద‌నున్న‌ట్లు స‌మాచారం.

సుబ్బ‌ల‌క్ష్మి...

ప్ర‌స్తుతం నానితో ప్యార‌డైజ్ సినిమా చేస్తోంది క‌య‌దు లోహ‌ర్‌. ఈ సినిమాలో సుబ్బ‌ల‌క్ష్మి అనే పాత్ర‌లో న‌టిస్తోంది. సెప్టెంబ‌ర్‌లో ప్యార‌డైజ్ రిలీజ్ కాబోతుంది. ప్యార‌డైజ్‌లో నానికి జోడీగా న‌టిస్తోన్న ఈ బ్యూటీ నెక్స్ట్ తెలుగు మూవీని అత‌డి బ్యాన‌ర్‌లోనే చేయ‌బోతుండ‌టం ఆస‌క్తిక‌రంగా మారింది.