Kayadu Lohar | నేను సింగిలే – డేటింగ్ రూమ‌ర్ల‌పై ఫంకీ హీరోయిన్ రియాక్ష‌న్‌

Kayadu Lohar |  ద‌క్షిణాదిలో మోస్ట్ బిజీయెస్ట్ హీరోయిన్ ఎవ‌రూ అన‌గానే న‌య‌న‌తార‌, సాయిప‌ల్ల‌వి అంటూ టాప్ స్టార్స్ పేర్లు వినిపిస్తుంటాయి. కానీ సినిమా అవ‌కాశాల్లో ఈ సీనియ‌ర్ హీరోయిన్ల‌ దాటేసింది డ్రాగ‌న్ బ్యూటీ క‌య‌దు లోహ‌ర్‌. తెలుగు, త‌మిళం, మ‌ల‌యాళ భాష‌ల్లో క‌లిపి ప్ర‌స్తుతం ప‌ది సినిమాలు చేస్తోంది. మ‌రో మూడేళ్ల వ‌ర‌కు ఆమె డేట్స్ ఖాళీ లేవ‌ట‌. ఓ సినిమా కాగానే మ‌రో సినిమాతో గ‌త ఏడాది కాలంగా సింగిల్ డే కూడా బ్రేక్ తీసుకోకుండా వ‌ర్క్ చేస్తుంద‌ట క‌య‌దు లోహ‌ర్‌.

ప్రేమ‌లో ప‌డిందా?

తాజాగా క‌య‌దు లోహ‌ర్ ప్రేమ‌లో ప‌డింద‌ని, త్వ‌ర‌లోనే ప్రియుడితో ఏడ‌డుగులు వేయ‌బోతున్న‌ట్లు పుకార్లు షికారు చేస్తున్నాయి. ఈ రూమ‌ర్ల‌పై ఓ త‌మిళ ఇంట‌ర్వ్యూలో క‌య‌దు రియాక్ట్ అయ్యింది.
తాను సింగిల్ అని బ‌దులిచ్చింది. "ఈ రూమ‌ర్లు ఎలా మొద‌ల‌య్యాయో తెలియ‌దు. ప్ర‌స్తుతానికైతే నేను సింగిలే. యాక్టింగ్‌తోనే ప్రేమ‌లో ఉన్నాను. న‌ట‌న, సినిమాల‌ గురించి త‌ప్ప ప్రేమ‌, పెళ్లి వంటి బంధాల గురించి ఆలోచించే తీరిక దొర‌క‌డం లేదు" అని అన్న‌ది.

పెళ్లి చేసుకుంటా...

పెళ్లిపై కూడా రియాక్ట్ అయ్యింది క‌య‌దు లోహ‌ర్‌. "నాకు పెళ్లి చేసుకోవాల‌ని ఉంది. కానీ అందుకు చాలానే టైమ్ ఉంది. నా ఆలోచ‌న‌లు, అభిప్రాయాలు గౌర‌వించే వ్య‌క్తి కోసం తార‌స‌ప‌డితే నా అభిప్రాయం మార‌వ‌చ్చు. కానీ అలాంటి వ్య‌క్తి ఇప్ప‌టివ‌ర‌కు క‌నిపించ‌లేదు" అంటూ క‌య‌దు లోహ‌ర్ చెప్పింది.

మిక్స్‌డ్ టాక్‌...

ఇటీవ‌లే ఫంకీ మూవీతో ప్రేక్ష‌కుల ముందుకొచ్చింది క‌య‌దు లోహ‌ర్‌. విశ్వ‌క్‌సేన్ హీరోగా జాతిర‌త్నాలు ఫేమ్ అనుదీప్ ద‌ర్శ‌క‌త్వంలో రూపొందిన ఈ మూవీ మిక్స్‌డ్ టాక్‌ను సొంతం చేసుకుంది. ఫంకీ రిజ‌ల్ట్‌తో సంబంధం లేకుండా నాని ప్యార‌డైజ్‌లో హీరోయిన్‌గా ఛాన్స్ ద‌క్కించుకుంది. శ్రీకాంత్ ఓదెల ద‌ర్శ‌క‌త్వం వ‌హిస్తున్న ఈ సినిమాలో డీ గ్లామ‌ర్ రోల్‌లో క‌య‌దు లోహ‌ర్ క‌నిపించ‌బోతున్న‌ట్లు ప్ర‌చారం జ‌రుగుతోంది.
మ‌ల‌యాళంలో దుల్క‌ర్ స‌ల్మాన్ ఐ యామ్ గేమ్‌తో పాటు ప‌ళ్లిచ‌ట్టంబి, తార‌మ్ సినిమాలు చేస్తోంది. త‌మిళంలో క‌య‌దు లోహ‌ర్ హీరోయిన్‌గా న‌టిస్తోన్న ఓ మూడు సినిమాలు షూటింగ్ ద‌శ‌లో ఉన్నాయి.