Crime Thriller OTT | స‌డెన్‌గా ఓటీటీలోకి వ‌చ్చిన వెట్రిమార‌న్‌ త‌మిళ క్రైమ్ థ్రిల్ల‌ర్ మూవీ – ట్విస్ట్‌ల‌ను ఊహించ‌డం క‌ష్ట‌మే|

Crime Thriller OTT |  లేటెస్ట్ త‌మిళ క్రైమ్ థ్రిల్ల‌ర్ మూవీ మాస్క్ స‌డెన్‌గా ఓటీటీలో రిలీజైంది. త‌మిళ స్టార్ డైరెక్ట‌ర్ వెట్రిమార‌న్ ప్ర‌జెంట‌ర్‌గా వ్య‌వ‌హ‌రించిన ఈ సినిమాకు విక్ర‌మ‌న్ అశోక్ ద‌ర్శ‌క‌త్వం వ‌హించారు. కెవిన్‌, ఆండ్రియా, రుహానీ శ‌ర్మ‌ హీరోహీరోయిన్లుగా న‌టించారు. ఈ క్రైమ్ థ్రిల్ల‌ర్ మూవీ శుక్ర‌వారం ఓటీటీ ప్రేక్ష‌కుల ముందుకొచ్చింది. జీ5 ఓటీటీలో (Zee5 ott)రిలీజైంది. కేవ‌లం త‌మిళ వెర్ష‌న్ మాత్ర‌మే అందుబాటులోకి వ‌చ్చింది. త్వ‌ర‌లోనే తెలుగులోనూ మాస్క్ రిలీజ్ కానున్న‌ట్లు ప్ర‌చారం జ‌రుగుతోంది.

ఆండ్రియా నిర్మాత‌...

మాస్క్ మూవీలో హీరోయిన్‌గా న‌టిస్తూనే ఈ సినిమాకు ఓ ప్రొడ్యూస‌ర్‌గా ఆండ్రియా వ్య‌వ‌హ‌రించింది. జీవీ ప్ర‌కాష్ కుమార్ మ్యూజిక్ అందించారు. 10 కోట్ల బ‌డ్జెట్‌తో రూపొందిన ఈ మూవీ 30 కోట్ల‌కుపైగా వ‌సూళ్ల‌ను ద‌క్కించుకుంది. నిర్మాత‌ల‌కు లాభాల‌ను తెచ్చిపెట్టింది.

మాస్క్ క‌థేమిటంటే?

వేలు (కెవిన్‌) ఓ ప్రైవేట్ డిటిక్టివ్‌. డ‌బ్బు కోసం హ్యాకింగ్‌లాంటి ఇల్లీగ‌ల్ ప‌నులు చేస్తుంటాడు. భూమి (ఆండ్రియా) అనాథ పిల్ల‌ల కోసం ఆశ్ర‌మం న‌డుపుతుంటుంది. సంఘ‌సంస్క‌ర్త‌గా మంచి పేరు తెచ్చుకున్న భూమిలో ప్ర‌పంచానికి తెలియ‌ని మ‌రో కోణం ఉంటుంది. రాజ‌కీయ నాయ‌కుల‌కు బినామీగా వ్య‌వ‌హ‌రిస్తూ క‌బ్జాలు, సెటిల్‌మెంట్ల‌కు పాల్ప‌డుతుంటుంది. భూమి ద‌గ్గ‌ర ఓ పొలిటీషియ‌న్ వంద‌ల కోట్ల బ్లాక్‌మ‌నీ దాచిపెడ‌తాడు. కానీ ఓ మాస్క్ మ్యాన్ ఆ డ‌బ్బు కొట్టేస్తాడు. ఆ డ‌బ్బు దొంగిలించింది ఎవ‌రో తెలుసుకోవ‌డానికి వేలు సాయం కోరుతుంది భూమి. ఈ కేసును వేలు ఎలా సాల్వ్ చేశాడు. భూమి ద‌గ్గ‌ర నుంచి ఆ డ‌బ్బు కొట్టేసింది ఎవ‌రు? భూమికి వ‌ర‌ప్ర‌భ‌ల‌క్ష్మికి ఉన్న సంబంధం ఏమిటి అన్న‌దే ఈ మూవీ క‌థ‌.
మాస్క్ మూవీకి కోలీవుడ్ అగ్ర ద‌ర్శ‌కుడు నెల్స‌న్ వాయిస్ ఓవ‌ర్ అందించారు. ఈ మూవీలోనే ఆండ్రియా నిర్మాత‌గా కోలీవుడ్‌లోకి ఎంట్రీ ఇచ్చింది. బిగ్‌బాస్‌తో కెరీర్‌ను ప్రారంభించి కెవిన్ ప్ర‌స్తుతం కోలీవుడ్‌లో మోస్ట్ ప్రామిసింగ్ యంగ్ హీరోల్లో ఒక‌రిగా మారిపోయారు. డాడా, స్టార్, లిఫ్ట్ సినిమాల‌తో విజ‌యాల‌ను అందుకున్నాడు. గ‌త ఏడాది మాస్క్‌తో పాటు కిస్ సినిమాలు చేశాడు. న‌య‌న‌తార‌కు జోడీగా కెవిన్ న‌టించిన హాయ్ మూవీ రిలీజ్‌కు సిద్ధంగా ఉంది.