OTT | 44 ఏళ్ల త‌ర్వాత ఓటీటీలోకి క‌మ‌ల్‌హాస‌న్‌, శ్రీదేవి బ్లాక్‌బ‌స్ట‌ర్ మూవీ

OTT |  క‌మ‌ల్ హాస‌న్‌, శ్రీదేవి హీరోహీరోయిన్లుగా న‌టించిన నేష‌న‌ల్ అవార్డ్ విన్నింగ్ మూవీ మూండ్రంపిరై న‌ల‌భై నాలుగేళ్ల త‌ర్వాత ఓటీటీలోకి రాబోతుంది. డిజిట‌ల్ రీ మాస్ట‌ర్ వెర్ష‌న్ మే 1 నుంచి అమెజాన్ ప్రైమ్ వీడియోలో స్ట్రీమింగ్ కానుంది. కేవ‌లం త‌మిళ వెర్ష‌న్ మాత్ర‌మే రిలీజ్ అవుతోన్న‌ట్లు  అమెజాన్ ప్రైమ్ ప్రకటించింది. రొమాంటిక్ ల‌వ్‌స్టోరీగా తెర‌కెక్కిన ఈ సినిమాకు బాలు మ‌హేంద్ర ద‌ర్శ‌క‌త్వం వ‌హించాడు. ఇళ‌య‌రాజా మ్యూజిక్ అందించారు.

బెస్ట్ యాక్ట‌ర్‌గా....

1982లో థియేట‌ర్ల‌లో రిలీజైన మూండ్రంపిరై బిగ్గెస్ట్ హిట్‌గా నిలిచింది. ఏడాదికిపైగా థియేట‌ర్ల‌లో ఆడింది. ఈ సినిమాకుగాను బెస్ట్ యాక్ట‌ర్‌గా క‌మ‌ల్‌హాస‌న్‌కు నేష‌న‌ల్ అవార్డు ద‌క్కింది. బెస్ట్ సినిమాటోగ్రాఫ‌ర్‌గా బాలు మ‌హేంద్ర మ‌రో జాతీయ పుర‌స్కారాన్ని ద‌క్కించుకున్నారు. ఈ సినిమాలో సిల్క్ స్మిత కీల‌క పాత్ర‌లో న‌టించింది.

వ‌సంత కోకిల‌...

మూండ్రంపిరై స‌క్సెస్‌లో ఇళ‌య‌రాజా మ్యూజిక్ కీల‌క పాత్ర పోషించింది. వ‌సంత కోకిల పేరుతో తెలుగులోకి డ‌బ్ అయిన ఈ మూవీ పెద్ద విజ‌యాన్ని సాధించింది. హిందీలో స‌ద్మా పేరుతో ఈ సినిమా రీమేక్ అయ్యింది. బాలీవుడ్ వెర్ష‌న్‌లో క‌మ‌ల్ హాస‌న్‌, శ్రీదేవి హీరోహీరోయిన్లుగా న‌టించారు.

గ‌తం మ‌ర్చిపోతే...

కారు ప్ర‌మాదంలో ల‌క్ష్మి అనే యువ‌తి గ‌తాన్ని మ‌ర్చిపోతుంది. సోము ఆమెను చేర‌దీస్తాడు. ఈ క్ర‌మంలోనే ఇద్ద‌రి మ‌ధ్య ప్రేమ చిగురిస్తుంది. గ‌తం గుర్తుకురావ‌డంతో ల‌క్ష్మి త‌న త‌ల్లిదండ్రుల వ‌ద్ద‌కు వెళ్లిపోతుంది. త‌మ ప్రేమ‌ను సోము ఆమెకు గుర్తుచేయాల‌ని అనుకుంటాడు. కానీ ల‌క్ష్మి అత‌డిని ప‌ట్టించుకోదు ఆ త‌ర్వాత ఏమైంది అన్న‌దే ఈ మూవీ క‌థ‌.