Kajal Aggarwal | లేడీ డాన్‌గా కాజ‌ల్ – సైలెంట్‌గా తెలుగు వెబ్‌సిరీస్‌కు ప్యాక‌ప్‌

Kajal Aggarwal | తెలుగు సినిమాల‌కు రెండేళ్ల పాటు గ్యాప్ తీసుకున్న అందాల చంద‌మామ కాజ‌ల్ అగ‌ర్వాల్ మ‌ళ్లీ బిజీ అవుతోంది. ఇటీవ‌లే బాల‌కృష్ణతో ఓ కొత్త సినిమాకు గ్రీన్‌సిగ్న‌ల్ ఇచ్చింది. ఈ మూవీతో పాటుగా తెలుగులో వెబ్‌సిరీస్ కూడా చేయ‌బోతుంది. తెలుగు డెబ్యూ వెబ్‌సిరీస్ షూటింగ్‌ను కూడా సైలెంట్‌గా కాజ‌ల్ కంప్లీట్ చేసింది.

స్వామిరారా డైరెక్ట‌ర్‌...

స్వామిరారా ఫేమ్ సుధీర్ వ‌ర్మ డైరెక్ష‌న్‌లో విశాఖ పేరుతో యాక్ష‌న్ డ్రామా వెబ్‌సిరీస్ రూపొందుతోంది. ఈ సిరీస్‌లో కాజ‌ల్ అగ‌ర్వాల్ లీడ్ రోల్ చేస్తోంది. ఇందులో గ్యాంగ్‌స్ట‌ర్‌గా ప‌వ‌ర్‌ఫుల్ క్యారెక్ట‌ర్‌లో కాజ‌ల్ క‌నిపించ‌బోతున్న‌ద‌ట‌. లేడీ డాన్‌గా, సాధార‌ణ గృహిణిగా డిఫ‌రెంట్ వేరియేష‌న్స్‌తో ఆమె పాత్ర సాగ‌నుంద‌ట‌. కాజ‌ల్‌పై వ‌చ్చే యాక్ష‌న్‌పై ఎపిసోడ్స్ అదిరిపోతాయ‌ని అంటున్నారు. కాగా సిరీస్‌లో కాజ‌ల్ పాత్ర‌కు సంబంధించిన షూటింగ్ శుక్ర‌వారం నాటితో కంప్లీట్ అయ్యింది. ఈ సంద‌ర్భంగా సెట్స్‌లో స్పెష‌ల్‌గా కాజ‌ల్ కేక్ క‌ట్ చేసింది. ఇందుకు సంబంధించిన ఫొటోలు సోష‌ల్ మీడియాలో వైర‌ల్ అవుతోన్నాయి.

హిందీ రీమేక్‌...

సుస్మితా సేన్ లీడ్ రోల్‌లో హిందీలో సూప‌ర్ హిట్‌గా నిలిచిన ఆర్య వెబ్‌సిరీస్‌కు రీమేక్‌గా విశాఖ తెర‌కెక్కుతోన్న‌ట్లు స‌మాచారం. జియో హాట్‌స్టార్‌లో స్ట్రీమింగ్ కాబోతుంది. జూలై లేదా ఆగ‌స్ట్‌లో విశాఖ ప్రేక్ష‌కుల ముందుకు రానున్న‌ట్లు స‌మాచారం. తెలుగులో కాజ‌ల్ అగ‌ర్వాల్ చేస్తోన్న ఫ‌స్ట్ వెబ్‌సిరీస్ ఇదే కావ‌డం గ‌మ‌నార్హం.

రీఎంట్రీ...

స‌త్య‌భామ త‌ర్వాత తెలుగు సినిమాల‌కు దూర‌మైన కాజ‌ల్ బాల‌కృష్ణ‌, గోపీచంద్ మ‌లినేని మూవీతో రెండేళ్ల త‌ర్వాత రీఎంట్రీ ఇవ్వ‌బోతుంది. స్టైలిష్ యాక్ష‌న్‌గా ఈ మూవీ తెర‌కెక్కుతోంది.

Queen @MsKajalAggarwal garu has completed shooting for her portions in #Vishakha 🤗❤️, good to know !!

Can't wait for promotional teaser ahead of series/movie...#KajalAggarwal @sudheerkvarma pic.twitter.com/2Z03eDBojn

— ⚓ AmruthVarsh ⚓ (@Dhoni_Varsh) June 12, 2026