Kajal Aggarwal | డీ గ్లామ‌ర్ లుక్‌లో కాజ‌ల్ – బాల‌కృష్ణ సినిమా కోసం గెట‌ప్ మార్చిన అందాల చంద‌మామ

Kajal Aggarwal |  బాల‌కృష్ణ , కాజ‌ల్ అగ‌ర్వాల్ కాంబినేష‌న్‌లో వ‌చ్చిన భ‌గ‌వంత్ కేస‌రి బాక్సాఫీస్ వ‌ద్ద వంద కోట్ల‌కుపైగా వ‌సూళ్ల‌ను ద‌క్కించుకుంది. అనిల్ రావిపూడి ద‌ర్శ‌క‌త్వంలో రూపొందిన ఈ సినిమా బెస్ట్ తెలుగు మూవీగా నేష‌న‌ల్ అవార్డు అందుకుంది. భ‌గ‌వంత్ కేస‌రి త‌ర్వాత బాల‌కృష్ణ‌, కాజ‌ల్ అగ‌ర్వాల్ క‌లిసి మ‌రో సినిమా చేయ‌బోతున్నారు. కాజ‌ల్ ఫ‌స్ట్ లుక్ పోస్ట‌ర్‌తో మేక‌ర్స్ అభిమానుల‌ను స‌ర్‌ప్రైజ్ చేశారు.

రెట్రో లుక్‌లో...

బాల‌కృష్ణ హీరోగా గోపీచంద్ మ‌లినేని ద‌ర్శ‌క‌త్వంలో స్టైలిష్ యాక్ష‌న్ ఎంట‌ర్‌టైన‌ర్ మూవీ తెర‌కెక్కుతోంది. కాజ‌ల్ బ‌ర్త్‌డే సంద‌ర్భంగా ఈ సినిమాలో ఆమె హీరోయిన్‌గా న‌టించ‌బోతున్న‌ట్లు శుక్ర‌వారం మేక‌ర్స్ అఫీషియ‌ల్‌గా ప్ర‌క‌టించారు. ఈ అందాల చంద‌మామ ఫ‌స్ట్ లుక్‌ను రిలీజ్ చేశారు. పాత‌కాలం నాటి క‌ళ్ల‌ద్ధాలు ధ‌రించి చీర‌లో రెట్రో స్టైల్‌లో కాజ‌ల్ ఈ పోస్ట‌ర్‌లో క‌నిపించ‌డం ఆస‌క్తిని పంచుతోంది. ఆమె వెనుక కొన్ని ర‌బ్బ‌ర్ స్టాంప్‌లు, ఫైల్స్ ఉన్నాయి. ఇందులో గ‌వ‌ర్న‌మెంట్ ఆఫీస‌ర్‌గా కాజ‌ల్ న‌టిస్తోన్న‌ట్లు తెలుస్తోంది.

న‌య‌న‌తార‌ను అనుకొని....

బాల‌కృష్ణ‌ మూవీ షూటింగ్‌లో ఇటీవ‌లే కాజ‌ల్ జాయినైంది. ఈ సినిమాలో తొలుత హీరోయిన్‌గా న‌య‌న‌తార‌ను తీసుకున్నారు. కానీ బ‌డ్జెట్ ప‌ర‌మైన స‌మ‌స్య‌ల వ‌ల్ల న‌య‌న్‌ను ప‌క్క‌న‌పెట్టి కాజ‌ల్‌ను ఫైన‌ల్ చేశారు. బాల‌కృష్ణ హీరోగా న‌టిస్తోన్న 111వ సినిమా ఇది. త‌మ‌న్ మ్యూజిక్ అందిస్తున్నాడు. వ‌చ్చే ఏడాది సంక్రాంతికి ఈ సినిమా రిలీజ్ కానున్న‌ట్లు ప్ర‌చారం జ‌రుగుతోంది.

ప్ర‌స్తుతం హిందీలో కాజ‌ల్ హీరోయిన్‌గా న‌టించిన ది ఇండియా స్టోరీ జూలై 24న రిలీజ్ కాబోతుంది. అలాగే తెలుగులో బాల‌కృష్ణ సినిమాతో పాటుగా విశాఖ పేరుతో వెబ్‌సిరీస్ చేస్తోంది.