Bhagyaraj | ఇద్ద‌రు హీరోయిన్లతో ప్రేమాయ‌ణం – పెళ్లైన రెండేళ్ల‌కే భార్య మ‌ర‌ణం – సినిమా క‌థ‌లాగే భాగ్య‌రాజ్ జీవితం

Bhagyaraj |  తమిళ దిగ్గ‌జ ద‌ర్శ‌క‌న‌టుడు భాగ్య‌రాజ్ వ్య‌క్తిగ‌త జీవితం కూడా అచ్చం సినిమా మాదిరిగానే ట్విస్ట్‌లు, ట‌ర్న్‌ల‌తో సాగింది. ఓ హీరోయిన్‌ను ప్రేమించి పెళ్లి చేసుకున్నారు భాగ్య‌రాజ్‌. కానీ పెళ్లైన రెండేళ్ల‌కే ఆమె మ‌ర‌ణించింది. ఆ త‌ర్వాత త‌న సినిమాలో న‌టించిన మ‌రో క‌థానాయిక‌తో ప్రేమ‌లో ప‌డిన భాగ్య‌రాజ్ ఆమెను రెండో పెళ్లి చేసుకున్నారు.

భార్య స‌హ‌కారంతోనే...

1970- 80 ద‌శ‌కంలో త‌మిళం, మ‌ల‌యాళ భాష‌ల్లో టాప్ హీరోయిన్‌గా పేరు తెచ్చుకున్న ప్ర‌వీణ‌తో ప్రేమ‌లో ప‌డ్డారు భాగ్య‌రాజ్‌. స్వ‌త‌హాగా మ‌ల‌యాళ న‌టి అయిన ప్ర‌వీణ‌... కే బాల‌చంద‌ర్ ద‌ర్శ‌క‌త్వం వ‌హించిన మ‌న్మ‌థ‌లీలై మూవీతో క‌థానాయిక‌గా అరంగేట్రం చేసింది. త‌మిళంలో సినిమాలు చేస్తోన్న టైమ్‌లోనే భాగ్య‌రాజ్‌తో ఆమెకు ఏర్ప‌డిన ప‌రిచ‌యం ప్రేమ‌గా మారింది. స‌హాయ‌న‌టుడిగా ఉన్న చిన్న చిన్న పాత్ర‌లు చేస్తోన్న భాగ్య‌రాజ్.... ప్ర‌వీణ వ‌ల్లే హీరోగా, డైరెక్ట‌ర్‌గా అవ‌కాశాలు అందుకున్నారు. 1981లో భాగ్య‌రాజ్‌, ప్ర‌వీణ పెళ్లిచేసుకున్నారు. పెళ్లైన రెండేళ్ల‌కే కామెర్ల వ్యాధితో ప్ర‌వీణ క‌న్నుమూసింది. ప్ర‌వీణ తెలుగులో సీతాప‌తి సంసారం అనే తెలుగు సినిమా చేసింది.

ఏడాదికే...

మొద‌టి భార్య చ‌నిపోయిన త‌ర్వాత ఏడాదే హీరోయిన్ పూర్ణిమ జ‌య‌రామ్‌తో ఏడ‌డుగులు వేశారు భాగ్య‌రాజ్‌. డార్లింగ్ డార్లింగ్ డార్లింగ్ సినిమాలో భాగ్య‌రాజ్‌కు జోడీగా పూర్ణిమ న‌టించింది. ఈ సినిమా షూటింగ్‌లోనే వీరి మ‌ధ్య ప్రేమ చిగురించింది. పూర్ణిమ జ‌య‌రామ్ తెలుగుతో పాటు త‌మిళం, మ‌ల‌యాళం, క‌న్న‌డ హిందీ భాష‌ల్లో సినిమాలు చేసింది. తెలుగులో చిరంజీవి మంత్రిగారి వియ్యంకుడు సినిమాలో హీరోయిన్‌గా న‌టించింది. భాగ్య‌రాజా, పూర్ణిమ దంప‌తుల‌కు ఓ కొడుకుతో పాటు కూతురు ఉన్నారు. కొడుకు శంత‌ను హీరోగా త‌మిళంలో ప‌లు సినిమాలు చేశాడు.

పెళ్లి వేడుక‌లో స‌ర‌దాగా....

సీనియ‌ర్ హీరోయిన్ ఖుష్బూ కూతురు అవంతిక పెళ్లి గురువారం గోవాలో జ‌రిగింది. ఈ పెళ్లి వేడుక‌కు భాగ్య‌రాజ్ అటెండ్ అయ్యారు. సీనియ‌ర్ యాక్ట‌ర్ల‌తో క‌లిసి వేడుక‌లో సంద‌డి చేశారు. అల‌నాటి జ్ఞాప‌కాల‌ను అంద‌రూ గుర్తుచేసుకుంటూ స‌ర‌దాగా గ‌డిపారు. పెళ్లి వేడుకుక అటెండ్ అయిన త‌ర్వాత రోజే అత‌డి క‌న్నుమూయ‌డం అభిమానులు జీర్ణించుకోలేక‌పోతున్నారు. ఖుష్బూ కూతురు పెళ్లికి భాగ్య‌రాజ్ అటెండ్ అయిన ఫొటోలు సోష‌ల్ మీడియాలో వైర‌ల్ అవుతోన్నాయి.