Telangana Cabinet | జులై 2 వ తేదీన మంత్రివర్గ సమావేశం

Telangana Cabinet | త్రినేత్ర‌.న్యూస్ : మ‌రోసారి తెలంగాణ మంత్రివ‌ర్గం( Telangana Cabinet ) స‌మావేశం కానుంది. జులై 2వ తేదీన సీఎం రేవంత్ రెడ్డి( CM Revanth Reddy ) అధ్య‌క్ష‌త‌న కేబినెట్ స‌మావేశం జ‌ర‌గ‌నుంది. ఈ స‌మావేశంలో రాష్ట్రంలో నెల‌కొన్న తాజా ప‌రిస్థితులు, సాగునీటి స‌మ‌స్య‌ల‌తో పాటు అభివృద్ధి, సంక్షేమ ప‌థ‌కాల‌పై చ‌ర్చించే అవ‌కాశం ఉంది.

తొలిసారిగా పేప‌ర్‌లెస్ కేబినెట్

జులై 2వ తేదీన జ‌రగ‌బోయే కేబినెట్ స‌మావేశం పేప‌ర్ ర‌హితంగా జ‌ర‌గ‌నుంది. రాష్ట్రంలో తొలిసారిగా డిజిట‌ల్ కేబినెట్ నిర్వ‌హించ‌నున్నారు. ఈ క్ర‌మంలో ఇప్ప‌టికే ఐటీ మినిస్ట‌ర్ శ్రీధ‌ర్ బాబు.. సీఎం రేవంత్ రెడ్డి, డిప్యూటీ సీఎం భ‌ట్టి విక్ర‌మార్క‌తో పాటు మంత్రులంద‌రికీ ట్యాబ్‌లు పంపిణీ చేశారు. కేబినెట్ ఎజెండాతో పాటు త‌దిత‌ర అంశాల‌న్నింటినీ డిజిట‌ల్ విధానంలోనే చ‌ర్చించ‌నున్నారు.