Jim Jim Tara Song | జిమ్ జిమ్ తార ఫుల్ సాంగ్ వ‌చ్చేసింది – లిరిక్స్ ఇవిగో…

Jim Jim Tara Song | జిమ్ జిమ్ తార సాంగ్ ప్ర‌స్తుతం సోష‌ల్ మీడియాను ఊపేస్తోంది. సెలిబ్రిటీల నుంచి సామాన్యుల వ‌ర‌కు ఎంతో మంది ఈ పాట‌కు అభిమానులుగా మారిపోయారు. త‌మ సినిమాల ప్ర‌మోష‌న్స్‌లో ప‌లువురు స్టార్స్ జిమ్ జిమ్ తార‌కు స్టెప్పులు వేస్తున్నారు. చివ‌ర‌కు ఫుల్‌బాట్ స్టార్ మెస్సీ సైతం ఈ పాట‌కు ఫిదా అయ్యారు.

ప‌ర్ణ‌శాల‌...

ప‌ర్ణ‌శాల అనే హార‌ర్ కామెడీ సినిమా కోసం ల‌క్ష్మిదేవి ఈ పాట‌ను ఆల‌పించారు. కేవ‌లం ప్రోమోతోనే సెన్సెష‌న్ అయిన జిమ్ జిమ్ తార ఫుల్ సాంగ్ వ‌చ్చేసింది. మంగ‌ళ‌వారం మేక‌ర్స్ ఈ పాట లిరిక‌ల్ వీడియోను రిలీజ్ చేశారు. ఫుల్ సాంగ్ అభిమానుల‌ను ఆక‌ట్టుకుంటోంది. ఈ పాట‌ను పాడ‌ట‌మే కాకుండా లిరిక్స్ కూడా ల‌క్ష్మిదేవి అందించారు. విన‌య్ శ‌శిధ‌ర్ మ్యూజిక్ అందించారు.

హార‌ర్ కామెడీ...

జిమ్ జిమ్ తార పాట‌తో ప‌ర్ణ‌శాల మూవీ టాలీవుడ్‌లో మంచి హైప్ వ‌చ్చింది. హార‌ర్ కామెడీగా తెర‌కెక్కుతోన్న ఈ సినిమాలో కార్తికేయ‌, అన్యుక్త హీరోహీరోయిన్లుగా న‌టిస్తున్నారు. టాక్సీవాలా విష్ణు, అజ‌య్ ఘోష్‌, చందు జేసీ, జోష్ ప్ర‌ధాన పాత్ర‌లు పోషిస్తున్నారు. వైజీ భ‌ర‌త్ ద‌ర్శ‌క‌త్వం వ‌హిస్తున్నారు.

న‌వ్విస్తూనే థ్రిల్‌...

ఈ సందర్భంగా చిత్ర దర్శకుడు వై.జి. భరత్ మాట్లాడుతూ, “ ప‌ర్ణ‌శాల సినిమా కోసం జి.ల‌క్ష్మిదేవి రాసి పాడిన జిమ్ జిమ్ తార’ పాటకు ప్రేక్షకుల నుంచి వస్తున్న స్పందన ఆనందాన్ని కలిగిస్తోంది. ఫుల్ సాంగ్ కూడా అదే స్థాయిలో హిట్ట‌వుతుంద‌ని న‌మ్ముతున్నాం. హార‌ర్ కామెడీ స‌స్పెన్స్ అంశాల‌తో న‌వ్విస్తూనే ఈ సినిమా థ్రిల్‌ను పంచుతుంది" అని అన్నారు.