Vishnu Priya | యాంక‌ర్ విష్ణుప్రియ‌తో రెండో పెళ్లి – క్లారిటీ ఇచ్చిన టాలీవుడ్ హీరో

Vishnu Priya |  ఇన్‌స్టాగ్రామ్ స‌బ్‌స్క్రిప్ష‌న్ వివాదం కార‌ణంగా ఇటీవ‌ల వార్త‌ల్లో నిలిచింది యాంక‌ర్ విష్ణుప్రియ‌. సోష‌ల్ మీడియాలో అస‌భ్య‌క‌ర ఫొటోలు పోస్ట్ చేస్తుందంటూ ఆమెపై పోలీస్ కేసు న‌మోదు అయ్యింది. బోల్డ్ ఫొటోలు, వీడియోల ద్వారా డ‌బ్బులు సంపాదిస్తుందంటూ ఆరోప‌ణ‌లు వ‌చ్చాయి. ఈ పోలీస్ కేసు, వివాదాలు విష్ణుప్రియ‌కు ప్ల‌స్ అయ్యాయి. ఇన్‌స్టాగ్రామ్‌లో ఆమె స‌బ్‌స్క్రైబ‌ర్లు రెట్టింపు అయ్యారు.

పెళ్లి రూమ‌ర్లు...

ఈ వివాదం స‌మ‌సిపోక‌ముందే విష్ణుప్రియ పెళ్లి అంటూ టాలీవుడ్‌లో కొత్త‌ రూమ‌ర్లు మొద‌ల‌య్యాయి. టాలీవుడ్ సీనియ‌ర్ జేడీ చ‌క్ర‌వ‌ర్తితో విష్ణుప్రియ త్వ‌ర‌లోనే ఏడ‌డుగులు వేయ‌బోతున్న‌ట్లు వార్త‌లు వినిపిస్తున్నాయి.  విష్ణుప్రియ‌ను ఈ టాలీవుడ్ హీరో రెండో పెళ్లి చేసుకోబోతున్నాడ‌ని అంటున్నారు. జేడీ చ‌క్ర‌వ‌ర్తి అంటే త‌న‌కు ఇష్ట‌మ‌ని ఓ టీవీ షోలో విష్ణుప్రియ చెప్పింది. జేడీ చ‌క్ర‌వ‌ర్తి ఇంట్లోవాళ్లు ఒప్పుకుంటే అత‌డిని పెళ్లి చేసుకుంటాన‌ని స‌ర‌దాగా కామెంట్స్ చేసింది. అప్ప‌టి నుంచే ఈ పెళ్లి వార్త‌లు తెర‌పైకి వ‌చ్చాయి. ఈ పెళ్లి పుకార్ల‌పై గాయ‌ప‌డ్డ సింహం ప్ర‌మోష‌న్స్‌లో జేడీ చ‌క్ర‌వ‌ర్తి రియాక్ట్ అయ్యారు.

గురుశిష్యుల బంధం...

విష్ణుప్రియ‌తో త‌న‌కు ఎఫైర్ ఉందంటూ వ‌చ్చిన వార్త‌ల్లో నిజం లేద‌ని జేడీ చ‌క్ర‌వ‌ర్తి అన్నారు. "విష్ణుప్రియ‌ను నేను స్టూడెంట్‌గానే భావిస్తా. తాను కూడా న‌న్ను గురువుగారు అని పిలుస్తుంది. మా ఇద్ద‌రి మ‌ధ్య గురుశిష్యుల బంధం త‌ప్ప మ‌రోటి లేదు. పెళ్లి వార్త‌ల‌న్నీ అబ‌ద్ద‌మే. త‌న‌ను క‌లిసే చాలా ఏళ్లు అవుతుంది. ఈ రూమ‌ర్లు ఎలా వ‌చ్చాయో కూడా అర్థం కావ‌డం లేదు" అని అంటూ పెళ్లి వార్త‌ల‌కు జేడీ చ‌క్ర‌వ‌ర్తి పుల్‌స్టాప్ పెట్టారు.

గాయ‌ప‌డ్డ సింహం మూవీలో జేడీ చ‌క్ర‌వ‌ర్తి ఓ కీల‌క పాత్ర‌లో క‌నిపించ‌బోతున్నారు. త‌రుణ్ భాస్క‌ర్ హీరోగా న‌టించిన ఈ మూవీ మే 1న రిలీజ్ కాబోతుంది.