Mega Family | జ‌న‌వ‌రి 31…మెగా ఫ్యామిలీకి మెమోర‌బుల్ డే కానుందా?

Mega Family | జ‌న‌వ‌రి 31న మెగా ఫ్యామిలీ నుంచి ఓ గుడ్‌న్యూస్ రాబోతున్న‌ట్లు ప్ర‌చారం జ‌రుగుతోంది. మెమోర‌బుల్ డేగా మెగా ఫ్యామిలీకి ఈ రోజు నిల‌వ‌బోతున్న‌ట్లు స‌మాచారం. రామ్‌చ‌ర‌ణ్ స‌తీమ‌ణి ఉపాస‌న కొణిదెల రెండో సారి త‌ల్లి కాబోతున్న‌ట్లు గ‌త ఏడాది దీపావ‌ళికి మెగా ఫ్యామిలీ ప్ర‌క‌టించింది. ఆమె సీమంతం వేడుక తాలూకు వీడియోను అభిమానుల‌తో పంచుకుంది. రామ్‌చ‌ర‌ణ్‌, ఉపాస‌న దంప‌తుల‌కు ట్విన్స్ పుట్ట‌బోతున్న‌ట్లు వార్త‌లువినిపిస్తున్నాయి.

మెగా వార‌సులు...

ఉపాస‌న డెలివ‌రీ డేట్‌ను డాక్ట‌ర్లు నిర్ణ‌యించిన‌ట్లు స‌మాచారం. జ‌న‌వ‌రి 31న క‌వ‌ల‌ల‌కు ఉపాస‌న జ‌న్మ‌నివ్వ‌బోతున్న‌ట్లు ప్ర‌చారం జ‌రుగుతోంది. మెగా ఫ్యామిలీ ఇంట ఒకే రోజు ఇద్ద‌రు వార‌సులు అడుగుపెట్ట‌నున్న‌ట్లు చెబుతోన్నారు. డెలివ‌రీ డేట్‌కు సంబంధించి మెగా ఫ్యామిలీ నుంచి మాత్రం అఫీషియ‌ల్ అప్‌డేట్ రాలేదు. రామ్‌చ‌ర‌ణ్‌, ఉపాస‌న దంప‌తుల‌కు మొత‌టి సంతానంగా 2023లో కూతురు క్లిన్‌కారా జ‌న్మించింది. ఉపాస‌న డెలివ‌రీ డేట్ ద‌గ్గ‌ర‌ప‌డ‌టంతో పెద్ది సినిమా షూటింగ్‌కు రామ్‌చ‌ర‌ణ్ బ్రేక్ ఇచ్చిన‌ట్లు స‌మాచారం.

మార్చిలో అనుకున్నారు...

పెద్ది సినిమాకు బుచ్చిబాబు సానా ద‌ర్శ‌క‌త్వం వ‌హిస్తున్నారు. స్పోర్ట్స్ యాక్ష‌న్ డ్రామాగా రూపొందుతోన్న ఈ మూవీలో జాన్వీక‌పూర్ హీరోయిన్‌గా న‌టిస్తోంది. క‌న్న‌డ అగ్ర న‌టుడు శివ‌రాజ్‌కుమార్‌తో పాటు జ‌గ‌ప‌తిబాబు కీల‌క పాత్ర‌ల్లో న‌టిస్తున్నారు. రామ్‌చ‌ర‌ణ్ బ‌ర్త్‌డే సంద‌ర్భంగా మార్చి 27న పెద్ది సినిమా రిలీజ్ చేయ‌బోతున్న‌ట్లు మేక‌ర్స్ ప్ర‌క‌టించారు. షూటింగ్ డిలే కార‌ణంగా ఈ సినిమా వాయిదాప‌డిన‌ట్లు ప్ర‌చారం జ‌రుగుతోంది. మార్చిలో కాకుండా మే నెల‌లో ఈ మూవీ విడుద‌ల కాబోతున్న‌ట్లు వార్త‌లు వినిపిస్తున్నాయి. పెద్ది త‌ర్వాత సుకుమార్‌తో రామ్‌చ‌ర‌ణ్ సినిమా చేయ‌బోతున్నాడు.