Jabardast Actor | రోడ్డు ప్ర‌మాదంలో జ‌బ‌ర్ధ‌స్త్‌ న‌టుడు క‌న్నుమూత‌

Jabardast Actor | రాజ‌మండ్రిలో జ‌రిగిన రోడ్డు ప్ర‌మాదంలో జ‌బ‌ర్ధ‌స్త్‌ న‌టుడు ల‌క్ష్మీనారాయ‌ణ అలియాస్ బాబీ క‌న్నుమూశారు. సోమ‌వారం రాజ‌మండ్రి రోడ్ కం రైల్వే బ్రిడ్జిపై బైక్‌తో పాటు స్కూటీ ఎదురెదురుగా వేగంగా వ‌చ్చి ఢీకొన్నాయి. ఈ ప్ర‌మాదంలో త‌ల‌కు బ‌ల‌మైన గాయాలు కావ‌డంలో బాబీ ఘ‌ట‌నా స్థ‌లంలోనే క‌న్నుమూశాడు. ఈ ప్ర‌మాదంలో బాబీతో పాటు అక్ష‌య్ కుమార్‌, స‌త్య‌క‌ళ్యాణ్ అనే మ‌రో ఇద్ద‌రు యువ‌కులు కూడా మృత్యువాత‌ప‌డ్డారు.
జ‌బ‌ర్ధ‌స్త్‌తో పాటు శ్రీదేవి డ్రామా కంపెనీ, సుమ అడ్డాతో పాటు మ‌రికొన్ని టీవీ షోల‌లో న‌టించాడు బాబీ. ప‌లు స్కిట్స్‌ల‌లో త‌న కామెడీతో ఆక‌ట్టుకున్నాడు. న‌టుడిగా ఇప్పుడిప్పుడే ఎదుగుతున్న త‌రుణంలో బాబీ క‌న్నుమూయ‌డం విషాదాన్ని మిగిల్చింది. జ‌బ‌ర్ధ‌స్థ్ న‌టుల‌తో పాటు సినీ యాక్ట‌ర్లు బాబీ మృతికి సంతాపం వ్య‌క్తం చేశారు. జ‌బ‌ర్ధ‌స్త్‌లో ఎంట్రీ ఇవ్వ‌క‌ముందు అమ‌లాపురం ఎంపీ జీవీ హ‌ర్ష‌కుమార్ వ‌ద్ద చాలా కాలం పాటు బాబీ డ్రైవ‌ర్‌గా ప‌నిచేసిన‌ట్లు స‌మాచారం.