Bigg Boss | హీరోయిన్‌గా బిగ్‌బాస్ మాజీ కంటెస్టెంట్ – బోల్డ్ రోల్‌లో

Bigg Boss | బిగ్‌బాస్ మాజీ కంటెస్టెంట్ ఇన‌యా సుల్తానా హీరోయిన్‌గా తెలుగులో ఓ క్రైమ్ థ్రిల్ల‌ర్ మూవీ చేస్తోంది. యద్భావం తద్భవతి పేరుతో తెర‌కెక్కుతోన్న ఈ మూవీలో వ‌రుణ్ సందేశ్ హీరోగా న‌టిస్తోంది. ఈ సినిమా రిలీజ్ డేట్‌ను మేక‌ర్స్ క‌న్ఫామ్ చేశారు. న‌వంబ‌ర్ 27న యద్భావం తద్భవతి థియేట‌ర్ల‌లోకి రాబోతున్న‌ట్లు ప్ర‌క‌టించారు.

ర‌గ్గ్‌డ్ రోల్‌...

యద్భావం తద్భవతి లో ఇన‌యా సుల్తానాతో పాటు రేణుశ్రీ మ‌రో నాయిక‌గా న‌టిస్తోంది. ఈ క్రైమ్ థ్రిల్ల‌ర్ సినిమాకు ర‌మేష్ జ‌క్క‌ల ద‌ర్శ‌క‌త్వం వ‌హిస్తున్నారు. ఇందులో వ‌రుణ్ సందేశ్ మాస్ ర‌గ్డ్‌డ్ పాత్ర‌లో న‌టిస్తోండ‌గా... ఇన‌యా సుల్తానా పాత్ర బోల్డ్‌గా గ్లామ‌ర్ హంగుల‌తో సాగుతుంద‌ని అంటున్నారు. సుమ‌న్‌, నాగ‌మ‌హేష్‌, శ్వేత వ‌ర్మ‌, ధ‌న్‌రాజ్ కీల‌క పాత్ర‌ల్లో క‌నిపించ‌బోతున్నారు.

టీజ‌ర్ రిలీజ్‌...

యద్భావం తద్భవతి మూవీ టీజ‌ర్‌ను గురువారం ప్రొడ్యూస‌ర్ ల‌గ‌డ‌పాటి శ్రీధ‌ర్ రిలీజ్ చేశారు. యాక్ష‌న్‌, క్రైమ్‌, గ్లామ‌ర్ అంశాల‌తో ఈ టీజ‌ర్ ఇంట్రెస్టింగ్‌గా సాగింది. మిహిరామ్ ఈ సినిమాకు మ్యూజిక్ అందించారు.

బిగ్‌బాస్ తెలుగు సీజ‌న్ 6

బిగ్‌బాస్ తెలుగు సీజ‌న్ 6లో ఓ కంటెస్టెంట్‌గా పాల్గొన్న ఇన‌యా సుల్తానా ఏడో ప్లేస్‌తో హౌజ్ నుంచి ఎలిమినేట్ అయ్యింది. బిగ్‌బాస్‌తో వ‌చ్చిన గుర్తింపుతో తెలుగులో కొన్ని సినిమాల‌తో పాటు సీరియ‌ల్స్ చేసింది. ఏవం జ‌గ‌త్‌, వాలెంటైన్స్ నైట్‌, న‌ట ర‌త్నాలు, శివంభ‌జేతో పాటు మ‌రికొన్ని సినిమాల్లో హీరోయిన్‌గా, క్యారెక్ట‌ర్ ఆర్టిస్ట్‌గా క‌నిపించింది. బ్ర‌హ్మ‌ముడితో పాటు మ‌రికొన్ని సీరియ‌ల్స్ చేసింది.