Raashi Khanna | క‌థ విన‌కుండా సెట్స్‌కు వ‌చ్చేసింది – రాశీఖ‌న్నాపై డైరెక్ట‌ర్ హ‌రీష్ శంక‌ర్ కామెంట్స్‌…

Raashi Khanna |  ప‌వ‌న్ క‌ళ్యాణ్ హీరోగా న‌టించిన ఉస్తాద్ భ‌గ‌త్‌సింగ్ మార్చి 19న రిలీజ్ కాబోతుంది. హ‌రీష్ శంక‌ర్ ద‌ర్శ‌క‌త్వం వ‌హిస్తున్న ఈ సినిమా నుంచి కాల‌రే ఎత్త‌రా అనే సాంగ్‌ను మేక‌ర్స్ గురువారం రిలీజ్ చేశారు. కాస‌ర్ల శ్యామ్ రాసిన ఈ పాట‌ను రామ్ మిరియాల ఆల‌పించారు. దేశిశ్రీప్ర‌సాద్ మ్యూజిక్ అందించారు.కాల‌రే ఎత్త‌రా సాంగ్ లాంఛ్ ఈవెంట్ హైదరాబాద్ లోని మైత్రి విమల్ థియేటర్ లో జరిగింది. ఈ వేడుక‌లో రాశీఖ‌న్నా తో పాటు ద‌ర్శ‌కుడు హ‌రీష్ శంక‌ర్ పాల్గొన్నారు.

మాస్ సాంగ్‌లో...

ఈ వేడుక‌లో రాశీఖ‌న్నా మాట్లాడుతూ..."ప‌వ‌న్ క‌ళ్యాణ్‌తో సినిమా చేయాల‌నే కోరిక కెరీర్ ఆరంభం నుంచి ఉండేది. ఉస్తాద్ భ‌గ‌త్‌సింగ్‌తో ఆ క‌ల నెర‌వేరింది. కాల‌రే ఎత్త‌రా మాస్ సాంగ్ లో పవన్ కళ్యాణ్‌తో కలిసి డ్యాన్స్ చేయడం చాలా ఆనందంగా ఉంది. ఈ సినిమాలో వింటేజ్ పవన్ కళ్యాణ్ గారిని చూస్తారు" అని రాశీఖ‌న్నా అన్న‌ది.

క‌థ విన‌కుండానే....

క‌థ విన‌కుండానే రాశీఖ‌న్నా ఉస్తాద్ భ‌గ‌త్‌సింగ్‌లో న‌టించింద‌ని డైరెక్ట‌ర్ హ‌రీష్ శంక‌ర్ అన్నారు. ఉస్తాద్ భ‌గ‌త్‌సింగ్ క‌థ చెప్ప‌డానికి రాశీఖ‌న్నాకు ఫోన్ చేశాను. "జూమ్‌లో క‌థ చెప్పాలా...ఫోన్‌లోనే చెప్పాలా అని అడిగా...అవ‌స‌రం లేదు...నేరుగా సెట్స్‌కు వ‌చ్చేస్తా అని బ‌దులిచ్చింది. కథ కూడా వినకుండా సినిమా చేయడానికి అంగీక‌రించింది. ఈ పాటలో కూడా కళ్యాణ్‌తో క‌లిసి రాశీఖ‌న్నా వేసిన స్టెప్పులు అదిరిపోయింది. 2000 మంది డ్యాన్స‌ర్ల‌తో కాల‌రే ఎత్త‌రా పాట‌ను భారీ స్థాయిలో చిత్రీక‌రించాం. మైత్రీ మూవీ మేక‌ర్స్ కెరీర్‌లోనేఅత్య‌ధిక వ్య‌యంతో ఆ సాంగ్ కోస‌మే ఓ సెట్ వేశారు. ఈ సాంగ్‌లో ప‌వ‌న్ క‌ళ్యాణ్ డ్యాన్స్ కి చప్పట్లు, ఈలలతో సెట్ మొత్తం దద్దరిల్లిపోయింది. సినిమాలో ప‌వ‌న్ క‌ళ్యాణ్‌ పర్ఫార్మెన్స్ అదిరిపోతుంది. సెకండ్ హాఫ్ లో ఇంటెన్స్ సీన్స్ లో ఆయన అద్భుతంగా నటించారు" అని హ‌రీష్ శంక‌ర్ చెప్పాడు.

ఉస్తాద్ భగత్ సింగ్ మూవీలో రాశీఖన్నాతో పాటు శ్రీలీల మరో హీరోయిన్ గా నటిస్తోంది.  దేవిశ్రీప్రసాద్, తమన్ మ్యూజిక్ అందిస్తోన్నారు.