Netflix | ఘూస్కోర్ పండ‌త్ వివాదం – టీజ‌ర్‌ను తొల‌గించిన నెట్‌ఫ్లిక్స్ – నీర‌జ్ పాండేపై కేసు న‌మోదు

Netflix | మ‌నోజ్ బాజ్‌పాయ్ ప్ర‌ధాన పాత్ర‌లో న‌టించిన ఘూస్కోర్ పండ‌త్  మూవీ వివాదం చ‌ర్చ‌నీయాంశంగా మారింది. ఈ సిరీస్ క్రియేట‌ర్‌ నీర‌జ్ పాండేతో పాటు న‌టుడు మ‌నోజ్ బాజ్‌పాయ్‌పై హిందూ సంఘాలు ఆగ్ర‌హం వ్య‌క్తం చేస్తున్నాయి. ఈ సినిమాను బ్యాన్ చేయాలంటూ భోపాల్‌, ప్ర‌యాగ్‌రాజ్‌తో పాటు ప‌లు న‌గ‌రాల్లో నీర‌జ్ పాండే దిష్ట బొమ్మ‌ను హిందూ సంఘాలు ద‌హ‌నం చేశారు.

నెట్‌ఫ్లిక్స్‌లో...

షూస్కోర్ పండ‌త్ పేరుతో నీర‌జ్ పాండే ఇటీవ‌ల  ఓ సినిమాను ప్ర‌క‌టించారు మ‌నోజ్ బాజ్‌పాయ్‌, రిద్దిమా పండిత్‌, జోయా అఫ్రోజ్‌, దివ్యా ద‌త్తా కీల‌క పాత్ర‌ల్లో క‌నిపించ‌బోతున్నారు. నీర‌జ్ పాండే స్టోరీ రైట‌ర్ క‌మ్ క్రియేట‌ర్‌గా వ్య‌వ‌హ‌రిస్తున్న ఈ  ఓటీటీ మూవీకి రితేష్ షా ద‌ర్శ‌క‌త్వం వ‌హించ‌నున్నారు. త్వ‌ర‌లో నెట్‌ఫ్లిక్స్‌లో ఈ సినిమా రిలీజ్ రాబోతుంది. ఇటీవ‌ల టీజ‌ర్‌ను రిలీజ్ చేశారు.

లంచ‌గొండి....

అనౌన్స్‌మెంట్‌తోనే ఈ సినిమా పై హిందూ సంఘాలు ఫైర్ అయ్యాయి. ముఖ్యంగా బ్ర‌హ్మ‌ణ సంఘాల నుంచి టైటిల్‌పై అభ్యంత‌రాలు వ్య‌క్త‌మ‌య్యాయి. పండ‌త్ లేదా పండిట్ అని బ్ర‌హ్మాణుల‌ను పిలుస్తుంటారు. ఘూస్కోర్ అంటే అవినీతిప‌రుడు, లంచ‌గొండి అని అర్థం.
బ్ర‌హ్మ‌ణుల‌ను అవినీతిప‌రులు అంటూ అవ‌మానించేలా ఈ టైటిల్ ఉందంటూ ఆరోప‌ణ‌లు వ‌స్తున్నాయి. చివ‌ర‌కు ఈ వెబ్ సిరీస్ వివాదం కాస్త రాజ‌కీయ రంగు ప‌లుముకుంది. బీఎస్‌పీ పార్టీ అధినేత మాయ‌వ‌తితో పాటు యూవీ డిప్యూటీ సీఏం బ్ర‌జేష్ పాఠ‌క్ లాంటి వారు సైతం ఘూస్కోర్ పండ‌త్ మేక‌ర్స్‌పై విమ‌ర్శ‌లు గుప్పించారు. ఈ  సినిమా షూటింగ్‌ను నిలిపివేయ‌డ‌మే కాకుండా రిలీజ్ చేయ‌ద్దంటూ పేర్కొన్నారు.

క్ష‌మాప‌ణ‌లు చెప్పినా...

ఈ సినిమాలో హిందూవులను మ‌నోభావాల‌ను దెబ్బ‌తీసేలా ఎలాంటి స‌న్నివేశాలు ఉండ‌వంటూ నీర‌జ్ పాండే క్లారిటీ ఇచ్చారు. క్ష‌మాప‌ణ‌లు కూడా చెప్పారు. అయినా వివాదం స‌ద్దుమ‌ణ‌గ‌లేదు. లక్నోలోని హజ్రత్‌గంజ్ పోలీస్ స్టేషన్‌లో నీర‌జ్ పాండేతో పాటు డైరెక్ట‌ర్‌పై కేసు న‌మోదు అయ్యింది. ఈ  మూవీని బ్యాన్ చేయాలంటూ ఢిల్లీ హైకోర్టులో పిటిష‌న్ దాఖ‌లు చేశారు.
ఈ వివాదాల నేప‌థ్యంలో ఘూస్కోర్ పండ‌త్  మూవీపై నెట్‌ఫ్లిక్స్ వెన‌క్కి త‌గ్గింది. ఈ సినిమా టీజ‌ర్‌తో పాటు ఇప్ప‌టివ‌ర‌కు రిలీజ్ కంటెంట్ మొత్తాన్ని తొల‌గించింది. విమ‌ర్శ‌ల నేప‌థ్యంలో  మూవీ టైటిల్ మార‌నున్న‌ట్లు ప్ర‌చారం జ‌రుగుతోంది.