Sreeleela | టాలీవుడ్ సంక్రాంతి బ్లాక్‌బ‌స్ట‌ర్‌ను మిస్ చేసుకున్న శ్రీలీల – అస‌లేమైందంటే?

Sreeleela |  శ్రీలీల హిట్టు అందుకొని మూడేళ్లు దాటిపోయింది. అయినా ఈ అమ్మ‌డి క్రేజ్‌కు డోకా లేదు. తెలుగులోనే కాకుండా త‌మిళం, హిందీ భాష‌ల్లో ఆఫ‌ర్లు మీద ఆఫ‌ర్లు అందుకుంటోంది. ఇటీవ‌లే ప‌రాశ‌క్తి మూవీతో కోలీవుడ్‌లోకి ఎంట్రీ ఇచ్చింది. శివ‌కార్తికేయ‌న్ హీరోగా న‌టించిన ఈ సినిమాలో ర‌త్న‌మాల అనే అమ్మాయిగా శ్రీలీల క‌నిపించింది. ఈ త‌మిళ మూవీలో శ్రీలీల యాక్టింగ్‌కు మంచి మార్కులే ప‌డ్డాయి. క‌మ‌ర్షియ‌ల్‌గా మాత్రం ప‌రాశ‌క్తి యావ‌రేజ్‌గా నిలిచింది.

అన‌గ‌న‌గా ఒక రాజులో  హీరోయిన్‌గా

ఈ సంక్రాంతికి తెలుగులో రిలీజైన న‌వీన్ పొలిశెట్టి అన‌గ‌న‌గా ఒక రాజులో శ్రీలీల హీరోయిన్‌గా న‌టించాల్సింది. హీరోయిన్‌గా ఈ క‌న్న‌డ బ్యూటీ పేరును మేక‌ర్స్ అఫీషియ‌ల్‌గా ప్ర‌క‌టించారు. న‌వీన్ పొలిశెట్టికి యాక్సిడెంట్ కావ‌డంతో షూటింగ్ డిలే అయ్యింది. అదే టైమ్‌లో ప‌రాశ‌క్తి , ఉస్తాద్ భ‌గ‌త్‌సింగ్ సినిమాల‌తో బిజీ అయిన శ్రీలీల డేట్స్ అడ్జెస్ట్ కాక‌పోవ‌డంతో అన‌గ‌న‌గా ఒక రాజు సినిమా నుంచి త‌ప్పుకుంది. దాంతో మేక‌ర్స్ ఆమె స్థానంలో మీనాక్షి చౌద‌రిని హీరోయిన్‌గా ఎంపిక‌చేశారు. ఈ సినిమాను రిజెక్ట్ చేసి శ్రీలీల పెద్ద త‌ప్పు చేసింద‌ని నెటిజ‌న్లు పేర్కొంటున్నారు.

వంద కోట్ల‌ క‌లెక్ష‌న్స్‌

కాగా సంక్రాంతికి రిలీజైన ప‌రాశ‌క్తి ఇప్ప‌టికీ యాభై కోట్ల మార్క్‌ను కూడా ట‌చ్ చేయ‌క‌పోగా అన‌గ‌న‌గా ఒక రాజు మాత్రం వంద కోట్ల‌కుపైగా క‌లెక్ష‌న్స్‌తో దూసుకుపోతుంది. ఈ సినిమాను రిజెక్ట్ చేసి బ్లాక్‌బ‌స్ట‌ర్‌ను మిస్ చేసుకుంద‌ని ఫ్యాన్స్ కామెంట్స్ పెడుతున్నారు. శ్రీలీల జ‌డ్జిమెంట్ మ‌రోసారి రాంగ్ అయ్యింద‌ని అంటున్నారు.
ప‌రాశ‌క్తి డిజాస్ట‌ర్‌తో సంబంధం లేకుండా త‌మిళంలో మ‌రో బంప‌ర్ ఆఫ‌ర్ అందుకుంది శ్రీలీల‌. ప్ర‌దీప్ రంగ‌నాథ‌న్ హీరోగా కోలీవుడ్‌లో సైన్స్ ఫిక్ష‌న్ మూవీ తెర‌కెక్కుతోంది. ఇందులో శ్రీలీల హీరోయిన్‌గా న‌టించ‌బోతున్న‌ట్లు ప్ర‌చారం జ‌రుగుతోంది. అలాగే హిందీలో కార్తీక్ ఆర్య‌న్‌తో ఆషికీ 3తో పాటు నాగ్జిల్లా సినిమాలు చేస్తోన్న‌ట్లు వార్త‌లు వినిపిస్తున్నాయి. శ్రీలీల హీరోయిన్‌గా న‌టించిన ఉస్తాద్ భ‌గ‌త్‌సింగ్ స‌మ్మ‌ర్‌లో ప్రేక్ష‌కుల ముందుకు రానుంది. ప‌వ‌న్ క‌ళ్యాణ్ హీరోగా న‌టిస్తున్న ఈ మూవీకి హ‌రీష్ శంక‌ర్ ద‌ర్శ‌క‌త్వం వ‌హిస్తున్నాడు.