Director Shankar | యాక్ట‌ర్‌గా మార‌నున్న డైరెక్ట‌ర్ శంక‌ర్ – ర‌జ‌నీకాంత్ సినిమాలో విల‌న్‌గా?

Director Shankar |  ఒక‌ప్పుడు ద‌క్షిణాదిలో నెంబ‌ర్ వ‌న్ డైరెక్ట‌ర్ ఎవ‌రంటే శంక‌ర్ పేరు వినిపించేది. శంక‌ర్ తో సినిమాలు చేసేందుకు కోలీవుడ్‌, టాలీవుడ్‌తో పాటు బాలీవుడ్ అగ్ర హీరోలు సైతం ఆస‌క్తిగా ఎదురుచూసేవారు. బాక్సాఫీస్ రికార్డుల‌ను తిర‌గ‌రాయాల‌న్న‌, కొత్త రికార్డుల‌ను నెల‌కొల్పాల‌న్న శంక‌ర్ సినిమాల‌తోనే సాధ్య‌మ‌య్యేది. జెంటిల్‌మెన్ నుంచి రోబో వ‌ర‌కు శంక‌ర్ ద‌ర్శ‌క‌త్వం వ‌చ్చిన ప్ర‌తి సినిమా బిగ్గెస్ట్ హిట్‌గా నిలిచాయి.

డిజాస్ట‌ర్లు...

రోబో 2.ఓ నుంచి శంక‌ర్ బ్యాడ్‌టైమ్ స్టార్ట‌య్యింది. క‌మ‌ల్‌హాస‌న్ ఇండియ‌న్ 2తో పాటు రామ్‌చ‌ర‌ణ్ గేమ్ ఛేంజ‌ర్ డిజాస్ట‌ర్లుగా నిలిచాయి. ఈ సినిమాల‌తో శంక‌ర్‌పై దారుణంగా ట్రోల్ వ‌చ్చాయి. డైరెక్ట‌ర్‌గా శంక‌ర్ ఔట్‌డేటెడ్ అయ్యారంటూ విమ‌ర్శించారు.
ఈ ప‌రాజ‌యాల కార‌ణంగా శంక‌ర్‌తో సినిమాలు చేసేందుకు స్టార్ హీరోలు కూడా ఎవ‌రూ ముందుకు రావ‌డం లేదు. శంక‌ర్ పేరు చెబితేనే భ‌య‌ప‌డుతున్నారు. ఈ డిజాస్ట‌ర్ల‌తో శంక‌ర్ త‌న రూటును మార్చిన‌ట్లు స‌మాచారం. మెగా ఫోన్ గ్యాప్ ఇచ్చి యాక్టింగ్‌పై ఫోక‌స్ పెట్టాఅని అనుకుంటున్నారట.

ర‌జ‌నీకాంత్ సినిమాలో...

ఇప్ప‌టికే త‌మిళంలో చాలా మంది సీనియ‌ర్ డైరెక్ట‌ర్లు యాక్ట‌ర్లుగా సెకండ్ ఇన్నింగ్స్‌ల‌ను మొద‌లుపెట్టి బిజీ అయ్యారు. వారి బాట‌లోనే శంక‌ర్ అడుగులు వేయ‌బోతున్నాడ‌ట‌.
ర‌జ‌నీకాంత్ హీరోగా విల‌క్ష‌ణ న‌టుడు క‌మ‌ల్‌హాస‌న్ నిర్మాణంలో ఓ త‌మిళ మూవీ రూపొంద‌నున్న సంగ‌తి తెలిసిందే. ఈ సినిమాలో శంక‌ర్ విల‌న్‌గా క‌నిపించ‌బోతున్న‌ట్లు ప్ర‌చారం జ‌రుగుతోంది. యాక్ష‌న్ ఎంట‌ర్‌టైన‌ర్‌గా రూపొందుతోన్న ఈ సినిమాలో స్టైలిష్ విల‌న్ రోల్ కోసం శంక‌ర్‌ను డైరెక్ట‌ర్ సిబీ చ‌క్ర‌వ‌ర్తి అప్రోచ్ అయ్యార‌ట‌.

ద‌ర్శ‌కుడు త‌న పాత్ర‌ను సిద్ధం చేసిన తీరు న‌చ్చ‌డంతో విల‌న్‌గా న‌టించ‌డానికి శంక‌ర్ అంగీక‌రించిన‌ట్లు చెబుతోన్నారు. ద‌ర్శ‌కుడి ఐడియాకు ర‌జ‌నీకాంత్‌తో పాటు క‌మ‌ల్‌హాస‌న్ కూడా ఓకే చెప్పిన‌ట్లు స‌మాచారం. ర‌జ‌నీకాంత్ హీరోగా శంక‌ర్ ద‌ర్శ‌క‌త్వంలో రూపొందిన శివాజీ, రోబో సినిమాలు ఇండ‌స్ట్రీ హిట్స్‌గా నిలిచాయి. తాజాగా ర‌జ‌నీ సినిమాలో శంక‌ర్ విల‌న్‌గా క‌నిపించ‌బోతుండ‌టం అభిమానుల్లో ఉత్కంఠ‌ను పంచుతోంది.
కెరీర్ ఆరంభంలో అసిస్టెంట్ డైరెక్ట‌ర్‌గా ప‌నిచేస్తోన్న రోజుల్లో సీత‌, వ‌సంత రాగంతో పాటు మ‌రికొన్ని సినిమాల్లో శంక‌ర్ కీల‌క పాత్ర‌లు పోషించారు. లాంగ్ గ్యాప్ త‌ర్వాత మ‌ళ్లీ ర‌జ‌నీకాంత్ సినిమాతో యాక్ట‌ర్‌గా కెమెరా ముందుకు రాబోతున్నారు.