Dimple Hayathi | నేను సింగిల్ – పెళ్లి వార్త‌ల‌పై టాలీవుడ్ హీరోయిన్ క్లారిటీ

Dimple Hayathi | భ‌ర్త మ‌హాశ‌యుల‌కు విజ్ఞ‌ప్తి మూవీతో సంక్రాంతికి ప్రేక్ష‌కుల ముందుకొచ్చింది డింపుల్ హ‌య‌తి(Dimple Hayathi).  ర‌వితేజ హీరోగా న‌టించిన ఈ మూవీలో బాలామ‌ణి అనే క్యారెక్ట‌ర్‌లో క‌నిపించింది. భ‌ర్త‌పై అమిత‌మైన ప్రేమానురాగాలు క‌లిగిన యువ‌తి పాత్ర‌లో చ‌క్క‌టి న‌ట‌న‌తో ఆక‌ట్టుకుంది. కిషోర్ తిరుమ‌ల ద‌ర్శ‌క‌త్వంలో రూపొందిన ఈ మూవీలో ర‌వితేజ‌, డింపుల్ కెమిస్ట్రీ అభిమానుల‌ను ఆక‌ట్టుకుంటోంది.

ఫొటోలు వైర‌ల్‌...

కాగా డేవిడ్ అనే వ్య‌క్తిని డింపుల్ హ‌య‌తి పెళ్లి చేసుకున్న‌ట్లుగా కొన్నాళ్లుగా ప్ర‌చారం జ‌రుగుతోంది. పెద్ద‌ల అంగీకారంతో సీక్రెట్‌గా ఈ జంట పెళ్లి పీట‌లు ఎక్కారంటూ వార్త‌లు వ‌చ్చాయి. విక్ట‌ర్ డేవిడ్‌తో జంట‌గా డింపుల్ క‌నిపించిన ఫొటోలో అప్ప‌ట్లో సోష‌ల్ మీడియాలో చ‌క్క‌ర్లు కొట్టాయి. ఈ పెళ్లి వార్త‌ల‌పై డింపుల్ రియాక్ట్ అయ్యింది. అవ‌న్నీ పుకార్లేన‌ని అన్న‌ది. "నాకు పెళ్ల‌యిందంటూ వ‌స్తోన్న వార్త‌ల్లో నిజం లేదు. ప్ర‌జెంట్ నేను సింగిల్‌గా చాలా సంతోషంగా ఉన్నా. నా వ్య‌క్తిగ‌త జీవితం గురించి గుడ్‌న్యూస్ ఏదైనా ఉంటే నేనే స్వ‌యంగా అంద‌రికి తెలియ‌జేస్తా. దాచాల్సిన ప‌నిలేదు. ద‌య‌చేసి ఇలాంటి రూమ‌ర్ల‌ను క్రియేట్ చేయ‌వ‌ద్దు. వీటిని ఎవ‌రూ న‌మ్మ‌వ‌ద్దు" అని సోష‌ల్ మీడియా ద్వారా డింపుల్ వెల్ల‌డించింది.

కెరీర్‌పైనే ఫోక‌స్‌...

డేవిడ్ విక్ట‌ర్ త‌న‌కు ఫ్యామిలీ ఫ్రెండ్ అని, అత‌డితో స‌న్నిహితంగా ఉండ‌టంతోనే కొంద‌రు ఇలాంటి రూమ‌ర్ల‌ను క్రియేట్ చేశార‌ని ఇటీవ‌ల‌ ఓ ఇంట‌ర్వ్యూలో తెలిపింది. ప్ర‌స్తుతం కెరీర్‌పైనే పూర్తిగా ఫోక‌స్ పెట్టిన‌ట్లు చెప్పింది.
2017లో వ‌చ్చిన గ‌ల్ఫ్ మూవీతో టాలీవుడ్‌లోకి ఎంట్రీ ఇచ్చింది డింపుల్ హ‌య‌తి. ఖిలాడీ, రామ‌బాణంతో పాటు తెలుగులో మ‌రికొన్ని సినిమాలు చేసింది. బాలీవుడ్‌లో అట్ రంగీరే తో పాటు క‌న్న‌డ‌, త‌మిళ భాష‌ల్లో త‌న అదృష్టాన్ని ప‌రీక్షించుకుంది. ఒక్క హిట్టు అందుకోలేక‌పోయింది. భ‌ర్త మ‌హాశ‌యుల‌కు విజ్ఞ‌ప్తి కూడా యావ‌రేజ్‌గానే నిలిచింది.
ప్ర‌స్తుతం తెలుగుతో పాటు త‌మిళంలో కొన్ని సినిమాల‌కు ఓకే చెప్పిన‌ట్లు ఈ మూవీ ప్ర‌మోష‌న్స్‌లో వెల్ల‌డించింది.