Hello Ammayi Song | బిగ్‌బాస్ బ్యూటీతో ఎన్నారై కుర్రాడి రొమాన్స్.. టాలీవుడ్‌కి కొత్త హీరో దొరికాడన్న దిల్ రాజు!

• అమెరికాలోని నార్త్ కరోలినాలో జరిగిన TTA మెగా కన్వెన్షన్‌లో 'హలో అమ్మాయి' ఇండిపెండెంట్ సాంగ్ గ్రాండ్ రిలీజ్
• ఈ యూత్‌ఫుల్ లవ్ ట్రాక్‌లో ఎన్నారై యువకుడు అమిత్ అనుగు, బిగ్‌బాస్ ఫేమ్ దివి జంటగా నటించారు
• కొత్త హీరో అమిత్ నటనలో మంచి ఈజ్ ఉందంటూ ప్రొడ్యూసర్ దిల్ రాజు ప్రశంసలు
• సత్య మాస్టర్ డైరెక్షన్‌లో తెరకెక్కిన ఈ పాట ప్రస్తుతం మధుర ఆడియో యూట్యూబ్ చానెల్‌లో అందుబాటులో

Hello Ammayi Song | త్రినేత్ర.న్యూస్ : అమెరికాలో స్థిరపడిన తెలుగు యువకుడు అమిత్ అనుగు (Amith Anugu), బిగ్‌బాస్ ఫేమ్ దివి వద్త్య (Divi Vadthya) జంటగా నటించిన సరికొత్త ఇండిపెండెంట్ మ్యూజిక్ వీడియో 'హలో అమ్మాయి' (Hello Ammayi). తాజాగా అమెరికాలోని నార్త్ కరోలినా (North Carolina)లో జరిగిన తెలంగాణ అమెరికన్ తెలుగు అసోసియేషన్ (TTA) మెగా కన్వెన్షన్‌లో ఈ సాంగ్‌ను అట్టహాసంగా విడుదల చేశారు. ప్రముఖ నిర్మాత, ఫిల్మ్ డెవలప్‌మెంట్ కార్పొరేషన్ చైర్మన్ దిల్ రాజు (Dil Raju)తో పాటు ప్రముఖ ఎన్నారై వ్యాపారవేత్త డాక్టర్ పైళ్ల మల్లారెడ్డి తదితరులు ఈ కార్యక్రమానికి ముఖ్య అతిథులుగా హాజరయ్యారు.

అమిత్‌లో మంచి 'ఈజ్' ఉంది: దిల్ రాజు

సాధారణంగా ఎన్నారైలు చదువు, ఉద్యోగ, వ్యాపార రంగాల్లో దూసుకుపోతుంటారు. కానీ, న్యూయార్క్‌కు చెందిన ప్రముఖ ఫార్మసిస్ట్ లక్ష్మణ్ అనుగు పెద్ద కుమారుడైన అమిత్.. ఓ వైపు మెడిసిన్ చదువుతూనే నటనపై ఉన్న ప్యాషన్‌తో కెమెరా ముందుకు వచ్చాడు. ఈ ఈవెంట్‌లో బిగ్ స్క్రీన్‌పై సాంగ్ చూసిన ఆహుతుల నుంచి అదిరిపోయే రెస్పాన్స్ వచ్చింది.

ముఖ్యంగా హీరో అమిత్ నటనను దిల్ రాజు మెచ్చుకున్నారు. "అమిత్‌లో మంచి ఈజ్ ఉంది. అతడిని నటనలో మరింతగా ప్రోత్సహిస్తే టాలీవుడ్‌కి మరో మంచి యువ హీరో దొరికినట్లే," అని ప్రశంసించారు. టాలెంట్, హార్డ్‌వర్క్ ఉంటే ఫిల్మ్ ఇండస్ట్రీ ఎప్పుడూ ఆదరిస్తుందని దిల్ రాజు పేర్కొన్నారు.

అందమైన లవ్ స్టోరీ.. క్యాచీ లిరిక్స్

ఇద్దరు సోలో ట్రావెలర్స్ మధ్య అనుకోకుండా ఏర్పడిన పరిచయం.. ఆ తర్వాత అది ప్రేమగా ఎలా మారిందనే క్యూట్ కాన్సెప్ట్‌తో ఈ పాటను యూత్‌ఫుల్ ఎంటర్‌టైనర్‌గా తెరకెక్కించారు.

నిర్మాత: లక్ష్మణ్ రెడ్డి అనుగు (Anugu Productions)

కాన్సెప్ట్, కొరియోగ్రఫీ & డైరెక్షన్: సత్య మాస్టర్

సంగీతం: అరుణ్ చిలివేరు (శశి మూవీ ఫేమ్)

సాహిత్యం: సురేష్ బనిశెట్టి (బేబీ మూవీ ఫేమ్)

గాయకుడు: దీపు

ఈ సాంగ్ లాంచ్ ఈవెంట్ కోసం నటి దివి ప్రత్యేకంగా అమెరికా వెళ్లారు. అమిత్‌తో తన ఆన్-స్క్రీన్ కెమిస్ట్రీ బాగా వర్కౌట్ అయిందని, పాటను సక్సెస్ చేసిన ప్రవాస తెలుగు వారందరికీ ఆమె ఈ వేదిక ద్వారా కృతజ్ఞతలు తెలిపారు.

యూట్యూబ్‌లో ట్రెండింగ్..

గోవాతో పాటు వికారాబాద్‌లోని బ్యూటిఫుల్ లొకేషన్లలో షూట్ చేసిన ఈ వీడియో సాంగ్ విజువల్స్ ఆకట్టుకునేలా ఉన్నాయి. “సాథియా సాథియా.. ఓ మెరుపుల మాయా.. దిల్ దియా దిల్ దియా.. హాయిలో పడిపోయా..” అంటూ సాగే ఈ మెలోడియస్ ట్రాక్ మధుర ఆడియో (Madhura Audio) ద్వారా యూట్యూబ్‌లో విడుదలై సంగీత ప్రియులను విశేషంగా అలరిస్తోంది.