Ravi Teja | ట్రాన్స్‌జెండ‌ర్‌గా మాస్ మ‌హారాజా – రూమ‌ర్ల‌లో నిజ‌మెంత‌?

Ravi Teja |  స‌క్సెస్‌, ఫెయిల్యూర్స్‌తో సంబంధం లేకుండా వ‌రుస‌గా సినిమాలు చేస్తోన్నాడు మాస్ మ‌హారాజా ర‌వితేజ‌. ప్ర‌స్తుతం ఇరుముడి మూవీ షూటింగ్‌లో బిజీగా ఉన్నాడు. మైథ‌లాజిక‌ల్ ట‌చ్‌తో తండ్రీకూతుళ్ల అనుబంధం నేప‌థ్యంలో రూపొందుతోన్న ఈ సినిమాకు శివ నిర్వాణ ద‌ర్శ‌క‌త్వం వ‌హిస్తున్నాడు. ఇరుముడి పూర్తికాక‌ముందే ర‌వితేజ మ‌రో సినిమాకు గ్రీన్‌సిగ్న‌ల్ ఇచ్చాడ‌ట‌. రాజ రాజ చోర‌, స్వాగ్ సినిమాల ఫేమ్ హ‌సిత్ గోలి ద‌ర్శ‌క‌త్వంలో మాస్ మ‌హారాజా ఓ మూవీ చేయ‌బోతున్నాడ‌ట‌. దిల్ రాజు నిర్మించ‌నున్న ఈ మూవీని వ‌చ్చే ఏడాది సంక్రాంతికి థియేట‌ర్ల‌లోకి రాబోతుంది.

ట్రాన్స్‌జెండ‌ర్‌....

హ‌సిత్ గోలి సినిమాలో ర‌వితేజ ట్రాన్స్‌జెండ‌ర్‌గా ప్ర‌యోగాత్మ‌క పాత్ర‌లో క‌నిపించ‌బోతున్న‌ట్లు టాలీవుడ్ వ‌ర్గాల్లో ప్ర‌చారం జ‌రుగుతోంది. ఇప్ప‌టివ‌ర‌కు టాలీవుడ్ హీరోలెవ‌రూ ట్రాన్స్‌జెండ‌ర్ క్యారెక్ట‌ర్లు చేయ‌లేదు. ఫ‌స్ట్ టైమ్ ర‌వితేజ ఈ పాత్ర చేయ‌నుండ‌టంతో అభిమానుల్లో ఆస‌క్తిక‌రంగా మారింది. ఈ సినిమాకు అక్కియ‌లు బాగున్నారా అనే ఫ‌న్నీ టైటిల్ అనుకుంటున్న‌ట్లు ప్ర‌చారం జ‌రుగుతోంది. త్వ‌ర‌లోనే ఈ సినిమాపై అఫీషియ‌ల్ అనౌన్స్‌మెంట్ రానున్న‌ట్లు స‌మాచారం.

ఇరుముడి త‌ర్వాత...

అయితే ఈ రూమ‌ర్ల‌లో నిజం లేద‌ట‌. ట్రాన్స్‌జెండ‌ర్ పాత్ర‌లో ర‌వితేజ క‌నిపించ‌బోతున్న‌ది అబ‌ద్ద‌మ‌ని అంటున్నారు. ర‌వితేజ స్టైల్ టిపిక‌ల్ క‌మ‌ర్షియ‌ల్ ఎంట‌ర్‌టైన‌ర్‌గా ఈ మూవీ రూపొంద‌నున్న‌ట్లు స‌మాచారం. ఇరుముడి రిలీజ్ త‌ర్వాత హ‌సిత్ గోలి సినిమా షూటింగ్‌లో ర‌వితేజ జాయిన్ కానున్న‌ట్లు స‌మాచారం.