Digangana | బాలీవుడ్ సినిమాకు రైట‌ర్‌గా టాలీవుడ్ హీరోయిన్ – డైరెక్ట‌ర్‌గా పుష్ప కొరియోగ్రాఫ‌ర్‌

Digangana |  టాలీవుడ్ హీరోయిన్ దిగంగ‌నా సూర్య‌వ‌న్షీ ర‌చ‌యిత‌గా మారింది. బాలీవుడ్ సినిమాకు స్క్రీన్‌ప్లే, డైలాగ్స్ అందించ‌బోతుంది. కార్తికేయ హీరోగా న‌టించిన హిప్పీ మూవీతో తెలుగు ఇండ‌స్ట్రీలోకి అడుగుపెట్టింది. ఆ త‌ర్వాత వ‌ల‌యం, సీటీమార్‌, క్రేజీ ఫెల్లో, శివంభ‌జే సినిమాల్లో హీరోయిన్‌గా న‌టించింది. వీటిలో గ్లామ‌ర్‌తో ఆక‌ట్టుకుంది ఈ బ్యూటీ. హీరోయిన్‌గా అంత‌గా స‌క్సెస్ కాలేక‌పోయిన ఈ బ్యూటీ కొత్త జ‌ర్నీ మొద‌లుపెట్ట‌బోతుంది.

స్టార్ కొరియోగ్రాఫ‌ర్‌...

బాలీవుడ్ స్టార్ కొరియోగ్రాఫ‌ర్ గ‌ణేష్ ఆచార్య ద‌ర్శ‌క‌త్వంలో ఓ బాలీవుడ్ మూవీ రాబోతుంది. గ‌ణేష్ డ‌స్ట్ టూ స్టార్‌డ‌స్ట్ పేరుతో తెర‌కెక్కుతోన్న ఈ మూవీని సోమ‌వారం అఫీషియ‌ల్‌గా అనౌన్స్‌చేశారు. మురికివాడ‌లో పుట్టిన ఓ యువ‌కుడు గొప్ప డ్యాన్స‌ర్‌గా ఎలా ఫేమ‌స్ అయ్యాడ‌నే క‌థ‌తో ఈ మూవీ తెర‌కెక్కుతోంది. సౌంద‌ర్య నిర్మిస్తోంది.

స్క్రీన్‌ప్లే...డైలాగ్స్‌...

గ‌ణేష్ మూవీకి హీరోయిన్ దిగంగ‌నా సూర్య‌వ‌న్షీ స్క్రీన్‌ప్లే, డైలాగ్స్ అందించ‌బోతుంది. రైట‌ర్‌గా ఈ సినిమాతోనే ఎంట్రీ ఇవ్వ‌బోతుంది. క‌థానాయిక‌గా అంత‌గా అవ‌కాశాలు రాక‌పోవ‌డంతోనే ఈ బ్యూటీ రైట‌ర్‌గా మారిన‌ట్లు ప్ర‌చారం జ‌రుగుతోంది.

బిగ్‌బాస్‌లో...

సినిమాల్లోకి రాక‌ముందు వేవ్స్‌, నిక్సైన్ ది మెర్మైడ్ అంద్ ది ప‌వ‌ర్ ఆఫ్ ల‌వ్ అనే బుక్స్ రాసింది. బిగ్‌బాస్ హిందీ సీజ‌న్ 9లో ఓ కంటెస్టెంట్‌గా పాల్గొన్న‌ది. 57 రోజుల పాటు హౌజ్‌లో కొన‌సాగింది. శ‌కుంత‌ల‌, కృష్ణ అర్జున్‌, ఎక్ వీర్ కీ అర్దాస్ వీర అనే సీరియ‌ల్స్‌లో న‌టించింది. బాలీవుడ్‌లో స్టార్ కొరియోగ్రాఫ‌ర్‌గా పేరుతెచ్చుకున్న గ‌ణేష్ ఆచార్య తెలుగులో పుష్ప‌, డీజే దువ్వాడ జ‌గ‌న్నాథ‌మ్‌, దేవ‌ర సినిమాలో డ్యాన్స్ కంపోజ్ చేశాడు.