Dhurandhar 2 | గ్రామీ అవార్డుల‌ రేసులో ధురంధ‌ర్ 2 – తొమ్మిది విభాగాల్లో పోటీ

Dhurandhar 2 |  ర‌ణ‌వీర్ సింగ్ (Ranveer Singh)హీరోగా ఆదిత్య ధ‌ర్ ద‌ర్శ‌క‌త్వంలో రూపొందిన ధురంధ‌ర్ 2 సినిమా బాక్సాఫీస్ రికార్డుల‌ను తిర‌గ‌రాసింది. ఇండియ‌న్ సినిమా హిస్ట‌రీలో హ‌య్యెస్ట్ క‌లెక్ష‌న్స్ రాబ‌ట్టిన టాప్ ఫైవ్ మూవీస్‌లో ఒక‌టిగా నిలిచింది. ధురంధ‌ర్ 2లో ర‌ణ‌వీర్ సింగ్ యాక్టింగ్‌, ఆదిత్య ధ‌ర్ టేకింగ్ అభిమానుల‌ను ఆక‌ట్టుకున్నాయి. భార‌త దేశాన్ని దెబ్బ‌తీసేందుకు పాకిస్థాన్ చేసిన కుట్ర‌లు ఓ గూఢ‌చారి ఎలా తిప్పికొట్టాడు? పాకిస్థాన్‌లో మారుపేరుతో ఉంటూ శ‌త్రువుల‌ను ఏ విధంగా ఎదుర్కొన్నాడ‌నే అంశాల‌తో ఆదిత్య ధ‌ర్ ఈ సినిమాను తెర‌కెక్కించారు. దాదాపు 3 గంట‌ల 49 నిమిషాల ర‌న్‌టైమ్‌తో ఈ సినిమాను రిలీజ్ చేశారు. అయినా ఒక్క నిమిషం కూడా బోర్ కొట్ట‌లేదంటూ ఆడియెన్స్ నుంచి ప్ర‌శంస‌లు వ‌చ్చాయి.

2027 గ్రామీ అవార్డులు ....

తాజాగా ఇండియ‌న్ బాక్సాఫీస్ వ‌ద్ద సంచ‌ల‌న విజ‌యాన్ని సాధించిన ధురంధ‌ర్ 2 ప్ర‌తిష్టాత్మ‌క గ్రామీ అవార్డుల రేసులో నిల‌వ‌బోతుంది. 2027 గ్రామీ అవార్డుల కోసం తొమ్మిది విభాగాల్లో ప‌రిశీల‌న‌కు పంపిన‌ట్లు మేక‌ర్స్ ప్ర‌క‌టించారు. శ‌శ్వాత్ స‌చ్‌దేవ్ సంగీతం అందించిన ఈ సినిమా మొత్తం ఆల్బ‌మ్‌తో పాటు బెస్ట్ సాంగ్ రిటన్ ఫర్ విజువల్ మీడియా, బెస్ట్ ఏషియన్ పాప్ మ్యూజిక్ పెర్ఫార్మెన్స్ , బెస్ట్ రాప్ పెర్ఫార్మెన్స్ మ‌రో ఐదు విభాగాల్లో పోటీ కోసం పంపించారు.

స్ల‌మ్ డాగ్ మిలియ‌నీర్ మాత్ర‌మే...

వ‌చ్చే ఏడాది జ‌న‌వ‌రిలో ఈ నామినేష‌న్స్‌పై క్లారిటీ రాబోతుంది. ఫిబ్ర‌వ‌రి ఫ‌స్ట్ వీక్‌లో గ్రామీ అవార్డుల వేడుక జ‌రుగ‌నుంది. ఎన్ని విభాగాల్లో తుది నామినేష‌న్‌కు ఈ సినిమా ఎంపిక‌వుతుంద‌న్న‌ది ఆస‌క్తిక‌రంగా మారింది. ఇప్ప‌టివ‌ర‌కు స్ల‌మ్ డాగ్ మిలియ‌నీర్ మాత్ర‌మే గ్రామీ అవార్డుల‌ను అందుకుంది.

ధురంధ‌ర్ 2 సినిమాలో సారా అర్జున్ హీరోయిన్‌గా న‌టించింది. ఆర్ మాధ‌వ‌న్‌, అర్జున్ రాంపాల్‌, సంజ‌య్ ద‌త్‌, రాకేష్ బేడీ కీల‌క పాత్ర‌ల్లో న‌టించారు. 255 కోట్ల బ‌డ్జెట్‌తో రూపొందిన ఈ మూవీ థియేట‌ర్ల‌లో 1850 కోట్ల‌కుపైగా వ‌సూళ్ల‌ను ద‌క్కించుకుంది.