త్రినేత్ర News Logo
DIGITAL-NEWS

Grammy Awards | ధురంధ‌ర్‌2 కు నిరాశ – గ్రామీ నామినేష‌న్స్‌లో త‌మిళ పాట‌కు చోటు – ష‌కీరాతో పోటీ

69వ గ్రామీ అవార్డుల నామినేష‌న్ల‌లో ధురంధ‌ర్‌2కు నిరాశ మిగిలింది. ఎనిమిది విభాగాల్లో ఎంట్రీల‌ను పంపించ‌గా... ఈ బాలీవుడ్ మూవీ ఒక్క స్థానంలో కూడా అర్హత సాధించలేదు. ఎవ‌రూ ఊహించ‌ని విధంగా త‌మిళ ఇండిపెండెంట్ సాంగ్ వ‌రువాయి తుది నామినేష‌న్ల‌లో చోటు ద‌క్కించుకుంది. ఈ ఏడాది ఇండియా నుంచి గ్రామీకి నామినేట్ అయిన ఒకే ఒక సాంగ్ ఇదే.

N

Entertainment | Published On Nov 17, 2026, 2.50 pm IST

Grammy Awards | ధురంధ‌ర్‌2 కు నిరాశ – గ్రామీ నామినేష‌న్స్‌లో త‌మిళ పాట‌కు చోటు – ష‌కీరాతో పోటీ
Advertisement

Grammy Awards |గ్రామీ 2027 నామినేష‌న్స్‌లో బాలీవుడ్ బ్లాక్‌బ‌స్ట‌ర్ మూవీ ధురంధ‌ర్‌ 2కు నిరాశ ఎదురైంది. 2027 ఏడాదిలో జ‌రుగ‌నున్న గ్రామీ అవార్డుల నామినేష‌న్ల‌ను సోమ‌వారం ప్ర‌క‌టించారు. బాలీవుడ్ బ్లాక్‌బ‌స్ట‌ర్ మూవీ ధురంధ‌ర్ 2 క‌నీసం ఐదారు నామినేష‌న్ల‌లో చోటు ద‌క్కించుకోవ‌చ్చున‌ని ప్ర‌చారం జ‌రిగింది. మొత్తం ఎనిమిది విభాగాల్లో ఎంట్రీల‌ను ప‌రిశీల‌న కోసం మేక‌ర్స్ పంపించారు. సోమ‌వారం ప్ర‌క‌టించిన తుది జాబితాలో ధురంధ‌ర్ 2 ఒక్క స్థానంలో అర్హ‌త‌ను సాధించ‌లేక‌పోయింది. ఎనిమిది విభాగాల్లో ఎందులో నామినేష‌న్ ద‌క్కించుకోలేక‌పోయింది.

మ్యూజిక‌ల్‌గా...

గ్రామీ అవార్డుల కోసం బెస్ట్ సాంగ్ రిటన్ ఫర్ విజువల్ మీడియా , బెస్ట్ గ్లోబల్ మ్యూజిక్ ప‌ర్మార్మెన్స్ , బెస్ట్ ఏషియన్ పాప్ మ్యూజిక్ ప‌ర్ఫార్మెన్స్ , బెస్ట్ ర్యాప్ ప‌ర్మార్మెన్స్‌తో పాటు మ‌రికొన్ని విభాగాల్లో మేక‌ర్స్ ఎంట్రీల‌ను పంపించారు. మ్యూజిక‌ల్‌గా ధురంధ‌ర్ సీక్వెల్ పెద్ద విజ‌యాన్ని సాధించ‌డంతో గ్రామీలో ఈ సినిమా స‌త్తా చాటే అవ‌కాశం ఉంద‌ని అంద‌రూ అనుకున్నారు. ఊహించ‌ని విధంగా అవార్డుల క‌మిటీ ఈ బాలీవుడ్ మూవీకి పెద్ద షాకిచ్చింది.

త‌మిళ పాట‌...

గ్రామీ నామినేష‌న్ల‌లో ఇండియా నుంచి కేవ‌లం ఒకే ఒక పాట మాత్ర‌మే నామినేష‌న్ల‌లో నిలిచింది. త‌మిళ ఇండిపెండెంట్ సాంగ్ వ‌రువాయి బెస్ట్ గ్లోబ‌ల్ మ్యూజిక్ ఫ‌ర్మార్మెన్స్ విభాగంలో తుది నామినేష‌న్ జాబితాలో చోటు ద‌క్కించుకుంది. గ్రామీ అవార్డుల‌కు నామినేట్ అయిన మొద‌టి త‌మిళ పాట‌గా వ‌రువాయి రికార్డ్ క్రియేట్ చేసింది. వ‌రువాయి సాంగ్‌కు దేవ‌న్ ఏకాంబ‌రం మ్యూజిక్ అందించాడు. క‌ర్ణాట‌క సింగ‌ర్ సుభీక్ష రంగ‌రాజ‌న్ ఆల‌పించారు. త‌మిళ దిగ్గ‌జ ర‌చ‌యిత భార‌తియార్ రాసిన పాట ఇది. శ్రీకృష్ణుడిపై రాసిన ఈ భ‌క్తి గీతానికి వెస్ట్ర‌న్ స్టైల్‌లో మార్చి దేవ‌న్ ఏకాంబ‌రం ఈ పాట‌ను రూపొందించారు.

బెస్ట్ గ్లోబ‌ల్ మ్యూజిక్ ఫ‌ర్మార్మెన్స్ కేట‌గిరీలో ష‌కీరా, రోసాలియా వంటి ఇంట‌ర్నేష‌న‌ల్ సింగ‌ర్స్ పాట‌ల‌తో వ‌రువాయి పోటీప‌డ‌బోతుండ‌టం గ‌మ‌నార్హం.

 

Advertisement
Advertisement