Yellamma First Look | ప‌ర్షి వ‌చ్చేశాడు – ఎల్ల‌మ్మ మూవీ నుంచి దేవిశ్రీప్ర‌సాద్ ఫ‌స్ట్ లుక్ రిలీజ్

Yellamma First Look | తెలుగు సినిమా సంగీతానికి జాతీయ స్థాయిలో గుర్తింపు తీసుకొచ్చిన మ్యూజిక్ డైరెక్ట‌ర్ల‌లో దేవిశ్రీప్ర‌సాద్ ఒక‌రు. సుదీర్ఘ సినీ ప్ర‌యాణంలో వంద‌కుపైగా సినిమాల‌కు సంగీతం అందించారు. నేష‌న‌ల్ అవార్డ్‌తో పాటు ఎన్నో పుర‌స్కారాల‌ను అందుకున్న దేవిశ్రీప్ర‌సాద్‌ ఎల్ల‌మ్మ మూవీతో ఫ‌స్ట్ టైమ్ హీరోగా తెలుగు ప్రేక్ష‌కుల ముందుకు రాబోతున్నాడు. తెలంగాణ బ్యాక్‌డ్రాప్‌లో తెర‌కెక్కుతోన్న ఈ సినిమాకు బ‌ల‌గం ఫేమ్ వేణు ద‌ర్శ‌క‌త్వం వ‌హిస్తున్నారు. దిల్‌రాజు నిర్మిస్తున్నారు.

ఫ‌స్ట్ లుక్ రిలీజ్‌...

దేవిశ్రీప్ర‌సాద్ బ‌ర్త్‌డే సంద‌ర్భంగా ఆదివారం ఎల్ల‌మ్మ మూవీ నుంచి అత‌డి ఫ‌స్ట్ లుక్‌ను రిలీజ్ చేశారు. ఇందులో కిరీటం చేతిలో ప‌ట్టుకొని రెట్రో గెట‌ప్‌లో దేవిశ్రీప్ర‌సాద్ క‌నిపిస్తున్నారు. ఈ పోస్ట‌ర్ అభిమానుల‌ను ఆక‌ట్టుకుంటోంది. ఎల్ల‌మ్మ మూవీలో ప‌ర్షిగా అనే పాత్ర‌లో దేవిశ్రీప్ర‌సాద్ క‌నిపించ‌బోతున్నాడు. మ‌ట్టి నుంచి పుట్టిన ఈ ప‌ర్షి ఎప్ప‌టికీ గుర్తుండిపోతాడు. అత‌డి ప్ర‌యాణాన్ని ఎవ‌రూ మ‌ర్చిపోలేరు అంటూ ఈ పోస్ట్ లుక్‌ను ఉద్దేశించి మేక‌ర్స్ పేర్కొన్నారు.

నిమ్న కులానికి...

ఎల్ల‌మ్మ‌లో నాట‌కాల పిచ్చి ఉన్న యువ‌కుడిగా దేవిశ్రీప్ర‌సాద్ క‌నిపించ‌బోతున్న‌ట్లు స‌మాచారం. నిమ్న కులానికి చెందిన క‌ళాకారుడి జీవితం గ‌మ‌నంలో ఎదురైన అడ్డంకులు, సంఘ‌ర్ష‌ణ నేప‌థ్యంలో ఎమోష‌న‌ల్ యాక్ష‌న్ డ్రామాగా ఈ మూవీ రూపొందుతోన్న‌ట్లు చెబుతున్నారు. బ‌ల‌గం త‌ర‌హాలోనే స్వ‌చ్ఛ‌మైన అనుబంధాలు, అప్యాయ‌త‌ల‌తో ఈ సినిమా తెర‌కెక్కుతోన్న‌ట్లు స‌మాచారం.

ఐదు భాష‌ల్లో...

హీరోగా న‌టిస్తూనే ఎల్ల‌మ్మ‌కు దేవిశ్రీప్ర‌సాద్ సంగీతం అందిస్తున్నాడు. తెలుగుతో పాటు త‌మిళం, మ‌ల‌యాళం, క‌న్న‌డ, హిందీ భాష‌ల్లో ఈ మూవీ రిలీజ్ కాబోతుంది.

మ‌మితా బైజు, మృణాల్ ఠాకూర్‌...

ఎల్ల‌మ్మ షూటింగ్ ప్ర‌స్తుతం శ‌ర‌వేగంగా సాగుతోంది. ఈ సినిమాలో హీరోయిన్ ఎవ‌ర‌న్న‌ది ఆస‌క్తిక‌రంగా మారింది. మ‌మితా బైజు, మృణాల్ ఠాకూర్‌, భాగ్య‌శ్రీ బోర్సేతో పాటు ప‌టువురు క‌థానాయిక‌ల పేర్లు వినిపిస్తున్నాయి. కానీ ఇప్ప‌టివ‌ర‌కు ఎవ‌రిని ఫైన‌ల్ చేయ‌లేదు. ఎల్ల‌మ్మ‌లో ప్ర‌కాష్ రాజ్ ఓ కీల‌క పాత్ర‌లో క‌నిపించ‌బోతున్నాడు.

The birth of an actor...
On the day of his birth ❤️‍🔥

A name called PARSHI.
A world called #Yellamma.
A journey we are all waiting to witness 🔥#HBDDeviSriPrasad #SVC61 Rockstar @thisisdsp @VenuYeldandi9 #DilRaju #Shirish @muraligdop @Hr_3555 #HanshithaReddy @svc_official… pic.twitter.com/9yo6QzBN8X

— Sri Venkateswara Creations (@SVC_official) August 2, 2026