ప్ర‌భాస్ క‌ల్కి కంటే ముందు దీపికా ప‌దుకొనే చేసిన తెలుగు మూవీ ఏదో తెలుసా?

ప్ర‌భాస్ హీరోగా న‌టించిన క‌ల్కి 2898 ఏడీతో టాలీవుడ్‌లోకి ఎంట్రీ ఇచ్చింది దీపికా ప‌దుకొనే. నాగ్ అశ్విన్ ద‌ర్శ‌క‌త్వంలో రూపొందిన ఈ మూవీ బాక్సాఫీస్ వ‌ద్ద 1100 కోట్ల‌కుపైగా వ‌సూళ్ల‌ను రాబ‌ట్టింది. ఇండియ‌న్ సినిమా హిస్ట‌రీలోనే హ‌య్యెస్ట్ క‌లెక్ష‌న్స్ రాబ‌ట్టిన సినిమాల్లో ఒక‌టిగా నిలిచింది.
క‌ల్కి మూవీకి సీక్వెల్ కూడా రాబోతుంది. క‌ల్కి 2 పేరుతో తెర‌కెక్కుతున్న ఈ సినిమా నుంచి ఇటీవ‌లే దీపికా ప‌దుకొనేను మేక‌ర్స్ ప‌క్క‌న‌పెట్టారు. దీపికా పెట్టిన 8 అవ‌ర్స్ కండీష‌న్‌తో రెమ్యూన‌రేష‌న్ ప‌రంగా చేసిన డిమాండ్లు ఇందుకు కార‌ణ‌మంటూ ప్ర‌చారం జ‌రిగింది. క‌ల్కి కంటే ముందు ప్ర‌భాస్ స్పిరిట్ నుంచి కూడా దీపికా త‌ప్పుకుంది. ప్ర‌భాస్ హీరోగా న‌టిస్తున్న రెండు సినిమాల‌ను ఈ బాలీవుడ్ బ్యూటీ వ‌దులుకోవ‌డంతో ఫ్యాన్స్ ఆమెను దారుణంగా ట్రోల్ చేశారు.
క‌ల్కి కంటే ముందు దీపికా ప‌దుకొనే తెలుగులో ఓ సినిమా చేసింది. కెరీర్ ఆరంభంలో చేసిన ఈ సినిమా షూటింగ్ పూర్త‌యిన రిలీజ్‌కు నోచుకోలేదు. ఒక‌ప్ప‌టి టాలీవుడ్ టాప్ డైరెక్ట‌ర్ జ‌యంత్ సీ ప‌రాన్జీ ద‌ర్శ‌క‌త్వంలో 2009లో ల‌వ్ 4 ఎవ‌ర్ పేరుతో యూత్‌ఫుల్ ఎంట‌ర్‌టైన‌ర్ మూవీ తెర‌కెక్కింది. ర‌ణ‌దీప్‌, మృదుల హీరోహీరోయిన్లుగా న‌టించిన ఈ మూవీలో దీపికా ప‌దుకొనే ఓ స్పెష‌ల్ సాంగ్‌తో పాటు కొన్ని సీన్ల‌లో న‌టించింది. దీపికాపై స్పెష‌ల్ సాంగ్‌ను గ్రాండ్‌గా షూట్ చేశారు. ల‌వ్ 4 ఎవ‌ర్ షూటింగ్ పూర్త‌యినా సినిమా మాత్రం అనివార్య కార‌ణాల వ‌ల్ల‌ రిలీజ్ నోచుకోలేదు. 2009లోనే టాలీవుడ్‌లోకి ఎంట్రీ ఇవ్వాల్సిన దీపికా ప‌దుకొనే దాదాపు 15 ఏళ్ల త‌ర్వాత క‌ల్కి2 అడుగుపెట్టింది.
క‌ల్కి 2, స్పిరిట్ సినిమాల‌ను రిజెక్ట్ చేసిన దీపికా ప‌దుకొనే ప్ర‌స్తుతం హిందీలో షారుఖ్‌ఖాన్ తో కింగ్ సినిమా చేస్తుంది. షారుఖ్‌, దీపికా కాంబినేష‌న్‌లో వ‌స్తోన్న ఆర‌వ మూవీ ఇది. ఈ సినిమాకు సిద్ధార్థ్ ఆనంద్ ద‌ర్శ‌క‌త్వం వ‌హిస్తున్నాడు. హిందీలో ఓ హార‌ర్ మూవీకి కూడా దీపికా ప‌దుకొనే గ్రీన్‌సిగ్న‌ల్ ఇచ్చిన‌ట్లు ప్ర‌చారం జ‌రుగుతోంది. క‌ల్కి 2లో దీపికా ప‌దుకొనే ప్లేస్‌లో ప్రియాంక చోప్రాను తీసుకున్న‌ట్లుగా టాలీవుడ్‌లో వార్త‌లు వినిపిస్తున్నాయి.