Deepika Padukone | క‌ల్కి కంటే ముందు ప‌ద‌హారేళ్ల క్రిత‌మే తెలుగులో సినిమా చేసిన దీపికా ప‌దుకొనే …కానీ

Deepika Padukone | గ‌త కొన్నాళ్లుగా సినిమాల కంటే కాంట్ర‌వ‌ర్సీల‌తోనే ఎక్కువ‌గా వార్త‌ల్లో నిలుస్తోంది దీపికా ప‌దుకొనే. క‌ల్కి 2 నుంచి దీపికా ప‌దుకొనేను మేక‌ర్స్ ప‌క్క‌న‌పెట్ట‌డం, ఎనిమిది గంట‌ల రూల్ కార‌ణంగా ఈ ముద్దుగుమ్మ‌పై చాలానే ట్రోల్స్ వ‌చ్చాయి. ఈ విమ‌ర్శ‌ల‌ను ధీటుగానే ఎదుర్కొంది దీపిక‌.
క‌ల్కి 2 నుంచి త‌ప్పుకున్న దీపికా ప‌దుకొనే...కొద్ది రోజుల‌కే తెలుగులో అల్లు అర్జున్ - అట్లీ కాంబినేష‌న్‌లో తెర‌కెక్కుతోన్న భారీ బ‌డ్జెట్ మూవీకి గ్రీన్‌సిగ్న‌ల్ ఇవ్వ‌డం ఆస‌క్తిక‌రంగా మారింది. ఈ సినిమాలో దీపికా ప‌దుకొనే యాక్ష‌న్ ఓరియెంటెడ్ రోల్‌లో క‌నిపించ‌బోతున్న‌ట్లు వార్త‌లు వినిపిస్తున్నాయి.
మ‌రోవైపు క‌ల్కి 2 నుంచి దీపికా త‌ప్పుకోవ‌డంతో ఆ ప్లేస్‌లో న‌టించే హీరోయిన్ ఎవ‌ర‌న్న‌ది ఆస‌క్తిక‌రంగా మారింది. చాలా మంది టాప్ హీరోయిన్ల‌ పేర్లు వినిపిస్తున్నాయి.
క‌ల్కి 2898 ఏడీలో సుమ‌తి అనే పాత్ర‌లో దీపికా క‌నిపించింది. త‌ల్లిగా ఛాలెంజింగ్ రోల్‌లో క‌నిపించింది. క‌ల్కి క‌థ మొత్తం దీపికా పాత్ర ప్ర‌ధానంగానే సాగుతుంది. ప్ర‌భాస్ హీరోగా న‌టించిన ఈ మూవీ 1100 కోట్ల‌కుపైగా క‌లెక్ష‌న్స్ రాబ‌ట్టింది. క‌ల్కితోనే దీపికా టాలీవుడ్‌లోకి ఎంట్రీ ఇచ్చింది.

ప‌ద‌హారేళ్ల క్రిత‌మే...

అయితే క‌ల్కి కంటే ముందే దీపికా తెలుగులో ఓ సినిమా చేసింది. ప‌ద‌హారేళ్ల క్రితం న‌టించిన ఈ మూవీ రిలీజ్‌కు నోచుకోలేదు. అప్ప‌టి టాలీవుడ్ టాప్ డైరెక్ట‌ర్ జ‌యంత్ సీ ప‌ర్జాన్జీ ల‌వ్ 4 ఎవ‌ర్ పేరుతో 2009లో యూత్‌ఫుల్ రొమాంటిక్ ఎంట‌ర్‌టైన‌ర్ మూవీని రూపొందించారు. ర‌ణ‌దీప్‌, మృదుల హీరోహీరోయిన్లుగా న‌టించిన ఈ మూవీలో దీపికా ప‌దుకొనే స్పెష‌ల్ సాంగ్ చేసింది. అప్ప‌ట్లో ల‌వ్ 4 ఎవ‌ర్ షూటింగ్‌లో దీపికా పాల్గొన్న ఫొటోలు వైర‌ల్ అయ్యాయి. కానీ షూటింగ్ పూర్త‌యినా ఈ సినిమా మాత్రం రిలీజ్ కాలేదు. అలా దీపికా ప‌దుకొనే టాలీవుడ్ డెబ్యూ మూవీ ఆగిపోయింది. ల‌వ్ 4 ఎవ‌ర్‌తో ఎంట్రీ ఇవ్వాల్సిన దీపికా ప‌ద‌హారేళ్ల త‌ర్వాత క‌ల్కితో టాలీవుడ్‌లోకి అరంగేట్రం చేసింది. అల్లు అర్జున్‌, అట్లీ మూవీతో పాటు హిందీలో షారుఖ్‌ఖాన్‌తో కింగ్ మూవీ చేస్తోంది దీపికా ప‌దుకొనే.